في مثل هذا اليوم من 13 سنة .... تم اسقاط طائرة مصر للطيران رحلة 990 فوق الاطلنطي

بيت زالوسكي
يا تري تعرفو مين ده ؟؟؟
ده المراقب الجوي اللي كان في برج مطار نيويورك وهو اللي كان مكلف بمتابعة رحلة 990 مصر للطيران اللي تحطمت فوق مياة الاطلنطي امام سواحل نيوويورك في 31 اكتوبر 1999
مثل هذا اليوم منذ 13 سنة بالتمام والكمال
والتقرير اتهم الطيار المصري بتعمد اسقاط الطائرة علشان سمعو كلمة توكلنا على الله في شريط الصندوق الاسود
....
وسبحان الله
بالصدفة البحتة كان هو بردو بيت زالوسكي اللي مكلف بمتابعة الاتصال برحلتي 11 سبتمبر اللي ضربت برجي مركز التجارة العالمي
مجرد ملاحظة
شوفو كدة الفيديو ده
Air crash - EgyptAir Flight 990 (german/arabic) - YouTube
حق الضحايا عمره ما ح يموت ...... خيرة رجال القوات المسلحة المصرية اللي حصلوا على اعلى مستويات التدريب ......
وكلهم ركبوا طيارة واحدة
والطائرة سقطت والحادث مازال غامض حتى اليوم
حسبنا الله ونعم الوكيل

اللهم ارحمهم واغفر لهم وانتقم ممن تسببوا في مقتلهم غدرا

الله يرحمهم و نحتسبهم عند الله شهداء

الله يرحمهم

ياريت أي حد شفيقي هنا يعرف إن شفيق تسبب في ضياع حقوق شهدائنا لأنه ماكنش عاوز شوشرة على سمعة مصر للطيران ... يعني باع حقوق شهدائنا عشان خاطر حبة فلوس ... وطبعا سيده الكبير مبارك كان عارف اللي بيحصل وموافق عليه إن ماكنش بتوجيهات شخصية منه ...

ويارب لما يجي نائب عام بجد يبقى يفتح الملف ده عشان هتظهر فيه فضاااااااااااااااايح كتير جدا ومنها أسرار عسكرية ومخابراتية صعب تظهر إلا لو الموضوع اتصعد لأعلى المستويات وكان في ضغط كبير من الرأي العام لفتح القضية ...

متوقع ده يحصل بعد كذا سنة إن شاء الله بس نكون نضفنا القرف اللي مبارك سايبه في البلد الأول

ربنا يرحمهم و انا حزنت حزن شديد بسبب هذا الحادث و ان شاء الله يظهر الحق عما قريب

يا اخى الله يحرق كل مسئول عن هذه المأساه فى وقتها
من اول مبارك لشفيق للنائب العام
ونحتسبهم عند الله شهداء

اقتباس:

---

المشاركة الأصلية كتبت بواسطة dr.mostafa anwar

ياريت أي حد شفيقي هنا يعرف إن شفيق تسبب في ضياع حقوق شهدائنا لأنه ماكنش عاوز شوشرة على سمعة مصر للطيران ... يعني باع حقوق شهدائنا عشان خاطر حبة فلوس ... وطبعا سيده الكبير مبارك كان عارف اللي بيحصل وموافق عليه إن ماكنش بتوجيهات شخصية منه ...

ويارب لما يجي نائب عام بجد يبقى يفتح الملف ده عشان هتظهر فيه فضاااااااااااااااايح كتير جدا ومنها أسرار عسكرية ومخابراتية صعب تظهر إلا لو الموضوع اتصعد لأعلى المستويات وكان في ضغط كبير من الرأي العام لفتح القضية ...

متوقع ده يحصل بعد كذا سنة إن شاء الله بس نكون نضفنا القرف اللي مبارك سايبه في البلد الأول

---

انا متفق معاك طبعا ان الموضوع في ضياع لحقوق شهدائنا
بس هو شفيق ايه علاقته بمصر للطيران في الوقت دا
هو مسك الطيران المدني 18 سبتمبر 2002
و الفترة الي قبلها كان ماسك القوات الجوية من 7 ابريل 1996 – 1 مارس 2002
و الحادث كان في 1999

الشيء الغير مفهوم في الحادثة دي .. هو تجمع العدد ده من العسكريين على طائرة واحدة .. بالرغم من ان القواعد العسكرية بتمنع ده اصلا !

الله يرحمهم جميعا
واحمد الحبشي وجميل البطوطي ان شاء الله من الشهداء
مش زي ما قالت امريكا انهم اسقطوا الطائرة
علشان كابتن جميل قال توكلت علي الله
وفي كذا دليل علي ضرب الطائرة بصاروخ اول وتم الافلات منه وكان جميل بيقول توكلت علي الله علشان كده
اما الصاروخ التاني اصاب ديل الطائرة والديل كابتن احمد الحبشي وهو بيقول لكابتن جميل في ايه
ثم قاله - شد معايا اكثر من مرة
والدليل الاكبر هوا اختفاء الطائرة من علي الردار وده مستحيل يحصل الا بتفجر الطائرة فالجو
وغلطتنا الكبري اننا سبنا المتهم هو الي يفرز ادوات الادانة وعمره ما هيدين نفسه
وامريكا ادعت ان كابتن جميل اسقط الطائرة طب ازاي وهما بيسعدوا بعض للافلات من الصاوريخ
بالاضافة ان كابتن جميل كان معاه ورق بنته الصغيرة المريضة ومش معقول يضيعوا فالمحيط
وكابتن احمد الحبشي كان جايب هدايا لحفيدته الي كانت لسه مولودة
فالنهاية رحمة الله عليهم جميعا ...