الموضوع: فرصة لمقابلة كبري للنجوم بعروس البحر الابيض

بشمهندس سمير فكرة رائعة ولكني اسف معترض على المكان لان العجمي اصلا بعيدة عن الاسكندرانية ذات نفسم ومفيهاش مظاهر استمتاع مثل وسط الاسكندرية ياريت يتم التفكير في تغيير المكان ويكون اكلة السمك في قدورة ان شاء الله كمان في المنتزه

مجرد رأي ......

المشاركة الأصلية كتبت بواسطة misoalex

بعد ازنك ممكن ارد انا واوضح سبب اختيار العجمى

اولا العجمى ولا بعيده ولا حاجه للاسكندرنيه دى ربع ساعه ولا 20 دقيقه من على الدولى الساحلى وحتبقى فى اخر العجمى كمان (6 اكتوبر )

ثانيا بالنسبه للى جايين من القاهره برضه مش حتبقى بعيده لان ليها كذا دخله بعد وقبل بوابات اسكندريه يعنى مش محتاجين تدخلو اسكندريه فى الزحمه ولا حاجه من بره بره

ثالثا اكله سمك عند قدوره اقل حاجه كل فرد حيدفع 100 جنيه وبعد كده حنقضى اليوم فين طول النهار الاول كنا بناخد شاليه فى المعموره بس الاسعار غليت جدا دلوقتى وعشان تأجر شاليه على البحر بيتكلمو فى 3000 جنيه فى اليوم وحاليا العجمى اوفر وفاضيه براحتكم عشان تستمتعو وكده اليوم كله الاقامه فى الشاليه بالاكل زى اللى عند قدوره واكتر + حلويات ومشروبات مش حيعدى ال 100 او حيعدى ال 100 بحاجه بسيطه
وطبعا لما يبقى معانا شاليه حيبقى ميزه كبيره للى جايين من بره اسكندريه انهم يستريحو ولو عاوزين ينامو لو حينزلو البحر يطلعو ياخدو دش ويعملو اللى هما عاوزينه براحتهم
لو حضرتك حضرت مقابلاتنا فى اسكندريه قبل كده حتكون شفت كل الكلام ده

تسلم يا باشا على الرد
بالنسبة للعجمي المكان محدود ده اللي اقصده وبعدين كلنا بقالنا فترة منزلناش عروس البحر
فبيني وبينك اسكندرية واحشاني جداااا هي واهلها فباذن الله الواحد ينزل مياه ويقدر يستمتع بالبحر
ويلف اسكندرية كمااااان هو ده المقصود بالنسبة للمكان ان شاء الله مش مشكلة لان البلد بتبقى فاضية اليومين دوووول
ان شاء الله نقدر نلاقي اماكن بسهولة بامر الله