استفسار عن شراء عربية مستعملة ؟؟

**alexdanger00** · 09-07-2008 05:06 PM

السلام عليكم و رحمة الله و بركاته

كنت عاوز اشتري عربية مستعملة فقولت استشير اهل الخبرة هنا في منتدانا الغالي

دلوقتي انا معايا 50-60 الف كده كنت عاوز اشتري بيهم عربية مستعملة و تكون حالتها كويسه

الحاجات اللي بفكر فيها هي
1- سكودا فابيا موديل 2001-2002
2-سيات ابيزا موديل 2001-2003
3-بيجو 206 موديل 2001-2002
4-اوبل كورسا سيدان موديل 2002-2003
5-فولكس فاجن بوينتر موديل 2003-2004
6-نيسان صني موديل 2000
7-فيات بونتو موديل 2002-2003

انا عاوز اعرف ايه نظام العربيات دي من حيث متوسط اسعارها و قطع غيارها و نظام صيانتها
و اي عربية احسن
يعني احسن اخيار في كل دول مع العلم اني بحب العربيات الهاتشباك باستثاء العربيتان السيدان اللي قولتهم

معلش يا جماعة انا بعتذر عن طول الموضوع بس الموضوع محير فعلا و انا عاوز احسن الاختيار عشان انا معنديش استعداد اتعذب تاني بسبب عربية ((كان معايا 127 ))

و لكم جزيل الشكر علي تعاونكم معي و مع الاعضاء للارتقاء بهذا المنتدي للامام
و شكرا

**T_790** · 10-07-2008 09:37 PM

هات نيسان لانها فى الوقت ده كانت لسا بتتقفل فى اليابان و هى عربيه ناعمة جداو انا مجربها بس مش فيها كمليات كتير

**mohamed2002** · 10-07-2008 10:02 PM

1-سيات ابيزا موديل 2001-2003
2-اوبل كورسا سيدان موديل 2002-2003
3-بيجو 206 موديل 2001-2002
4-فولكس فاجن بوينتر موديل 2003-2004

طالما معاك 60 الف يبقي ممكن تفكر في الزيرو برضة

**mohamed ibiza** · 10-07-2008 10:15 PM

رأيي الاتي:

اولا العربيات اللي هقولهالك دي هتقولي بناء علي ايه رشحت دول هقولك العربيات دي لو انت جريك عادي مش بتطير يعني و عايز توفر بنزين و تقدر تحط بنزين 90 او 92 بس في نفس الوقت قطع الغيار عالية شوية في الاسعار لكن متوفرة و معمرة

1-ابيزا 2001:
اولا العربية موديل 2000 2001 و في منها 2002 لكن قليل اوي مفيش 2003 :).
1000 سي سي انجكشن احلي شكل نزل للابيزا عربية ممتازة و اعتمادية عالية و ثبات تحفه و الكلام ده عن تجربة مش كلام في الهوا قطع غيار متوفرة و غالية وشية لكن معمرة اساسيات الماني(بولو) تقفيل و تجميع اسباني (سيات) ممكن تجيب واحدة بحالة الفابريقة منها بسعر 55 الف

2-فابيا 2001:شخصيا بكره شكلها لكن هي برضه اساسايت بولو و هي نزلت ب 3 مواتير 1000 و 1200 و 1400 سي سي و عموما عربية ممتازة ما عدا شكلها في رأيي

3-بيجو 206 عربية شكلها جميل جدا جدا لو لقيت منها ال 1400 سي سي هاتها لانها هتبقي جامدة جدا قطع غيارها غالية و مش اي حد بيفهم فيها لكن ال 1100 سي سي تلاقيني جيلك انا بأبيزا موديل 94 كربراتير و بفرتكك عن تجربه برضه

4-كورسا سيدان ثباتها تعبان و قطع غالية برضه

5-بونتو:شكل جميل و اداء مش وحش ثبات متوسط مش عارف اسعار القطع بصراحة
لكن عربية حلو بالذات جوا المدينة
ـــــــــــــــــــــــــ ـــــــــــــــــــــــــ ــــــــــــــــ
بوينتر منصحكش انك تجيبها لان قطع غيارها جوا التوكيل بس و ما ادلراك ما هو توكيل فولكس و قطع غيارها ناااااااااااااااااااااااا ااااااااااااااااااااااااا ااااااااااااااااار و مش الماني هي تكنولوجي الماني لكن تصنيع برازيلي
ـــــــــــــــــــــــــ ـــــــــــــــــــــــــ ـــــــــــــــــــــــــ ــــ
الصني اختيار رائع خصوصا انها ياباني عربية سيدان كبيرة واسعة موتور قوي وزن خفيف شوية لكن ككل عربية حلوة

**alexdanger00** · 12-07-2008 02:14 PM

الف شكر لكل اللي شاركوني برايهم و نصايحهم
انا بحب العربيات الهاتشباك عشان شكلها شبابي اكتر
فمن رايكم لاحظت ان في افضلية للابيزا و الفابيا
لو مفيش غلاسة ايه فيهم احسن من حيث كل حاجة
انا حاسس انها الابيزا بس حكاية ال 1000 سي سي دي مدايقاني
اه انا مش بحب الجري اوي بس ساعات والواحد بتاخده الجنونة
مع اعتقادي ان الابيزا اوسع من الفابيا
بس لو زي ما بتقول يا محمد 55 الف يجيبلي عربية ابيزا كاملة يعني تكييفو باور و ستنر و كده ولا لا
و لو حد عنده اقتراح تاني ممكن يقولهولي
وشكرا علي ردودكم تاني

**T_790** · 12-07-2008 04:07 PM

الابيزا مش وحشة هى صغيرة شويه لكن مش وحشة وممكن بالفلوس الى معك تجيبها 1400

الصنى 2000 ولغاية 2003 تقريبا كانت 100% يابانى و هى عربيه بتستحمل وممكن تعيش معاك كتير و اريح و اوسع من الابيزا و فى رائى تستحق فرق السعر