عربيتى اتسرقت ارجو المساعده عن عنوان في حلوان

بسم الله الرحمن الرحيم


عربيتى اتسرقت لانسر كريستالة ودفعت فلوس ورجعت لكن المشكلة رجعوها من غير الورق والرخص ومش معايا صورة من عقد البيع وروحت الشهر العقارى فى الحى العاشر فى سوق السيارات لكن مفيش فايده مش عايزين يطلعولى بدل فاقد بحجة مش لاقيين الاسم
دلوقتى انا معايا اسم البايع وعنوانة بس المشكلة مش عارف اوصل لعنوانة
فيريت اى حد يعرف العنوان ده يدلنى عليه وانا من المنصورة

3 توفيق على م الحديد والصلب الجديده بالتبين - حلوان

انا روحت لغاية مساكن الحديد والصلب الجديده بس مش عارف اوصل لـ 3 توفيق على ده ومحدش عارف يدلنى علية هناك

الحمد لله أنها رجعت بس حضرتك راجع الشهر العقارى تانة يدورو باليوم وأكيد هتلقى الاسم وضبط موظف من جوة حرام تتدفع ثمن عقد من أول وجديد ولو البائع كان واخد صورة أن شاء الله توصلة وحد من سكان حلوان يدلوك على العنوان

غير عنوان الموضوع علشان يكون طلب مساعدة عن عنوان فى حلوان

اقتباس:

---

المشاركة الأصلية كتبت بواسطة moumen_hs

الحمد لله أنها رجعت بس حضرتك راجع الشهر العقارى تانة يدورو باليوم وأكيد هتلقى الاسم وضبط موظف من جوة حرام تتدفع ثمن عقد من أول وجديد ولو البائع كان واخد صورة أنشاء الله توصلة وحد من سكان حلوان يدلوك على العنوان

---

هعمل ايه مضطر ومش بأيدى وفرصتى دلوقت انى اوصل للعنوان ده لأن الشهر العقارى انا فاقد فيه الامل موظفين الشهر العقارى بالحى العاشر ناس جشعة وكلهم عصابة فى بعضيهم بما فيهم رئيبسهم

اقتباس:

---

المشاركة الأصلية كتبت بواسطة a.saad

غير عنوان الموضوع علشان يكون طلب مساعدة عن عنوان فى حلوان

---

مش لاقى تعديل الموضوع منين

الحمد لله أنها رجعت بس حضرتك راجع الشهر العقارى تانى يدورو باليوم وأكيد هتلقى الاسم وتاخد صوره من العقد أو التوكيل


كلام سليم ميه الميه
وده حقك أنت ما بتشحتش منهم

اقتباس:

---

المشاركة الأصلية كتبت بواسطة engineer140

هعمل ايه مضطر ومش بأيدى وفرصتى دلوقت انى اوصل للعنوان ده لأن الشهر العقارى انا فاقد فيه الامل موظفين الشهر العقارى بالحى العاشر ناس جشعة وكلهم عصابة فى بعضيهم بما فيهم رئيبسهم

---

الشهر العقاري دة بالذات فية ناس بتقبض وتخلصلك المصلحة في ثواني روح هناك هاتلاقي ناس واقفة برة بتخلص المصالح اسال عليهم واتفق معاهم وهما هايخلصولك كل حاجة بس ماتدفعش مليم واحد غير لما يخلصلك كل حاجة والتكلفة هاتبقي حوالي 100 جنية مش اكثر وربنا يدلك ان شاء الله

السلام عليكم
الحمد لله ان السيارة رجعت وبالنسبة لطريقة الوصول هناك طريقان الزراعي والصحراوي يعني لو انت جاي من المنصورة هتطلع الدائري ممكن تنزل معادي كورنيش او اوتوستراد بس اوعي تنزل اوتوستراد لانك هتخش المدينة من بعد كمين 15 مايو وهي منطقة مقطوعة فالافضل تنزل نزلة المعادي كورنيش وتفضل ماشي حوالي 30 دقيقة لحد ماتوصل منطقة تسمي ركن فاروق بعدها الداخل يمين متجه الي حلوان انت كمل علي طول هتفضل ماشي حوالي 45 دقيقة بعد كده هتخش شمال دي مدينة الحديد والصلب وبعد كده تسأل علي اسم الشارع اللي معاك معلش حلوان كبيرة جدا مش عارف بالظبط الشارع ده موجود فين بس ممكن تستعين بجوجل مابس عشان هوه هيدلك بالظبط علي اسم الشارع

الحمد لله ان العربية رجعت بس اكبر غلط انك تسيب ورق العربية جواها ،

سواء صور العقود والتوكيلات او الرخص

اقتباس:

---

المشاركة الأصلية كتبت بواسطة amr_mahmood2000

السلام عليكم
الحمد لله ان السيارة رجعت وبالنسبة لطريقة الوصول هناك طريقان الزراعي والصحراوي يعني لو انت جاي من المنصورة هتطلع الدائري ممكن تنزل معادي كورنيش او اوتوستراد بس اوعي تنزل اوتوستراد لانك هتخش المدينة من بعد كمين 15 مايو وهي منطقة مقطوعة فالافضل تنزل نزلة المعادي كورنيش وتفضل ماشي حوالي 30 دقيقة لحد ماتوصل منطقة تسمي ركن فاروق بعدها الداخل يمين متجه الي حلوان انت كمل علي طول هتفضل ماشي حوالي 45 دقيقة بعد كده هتخش شمال دي مدينة الحديد والصلب وبعد كده تسأل علي اسم الشارع اللي معاك معلش حلوان كبيرة جدا مش عارف بالظبط الشارع ده موجود فين بس ممكن تستعين بجوجل مابس عشان هوه هيدلك بالظبط علي اسم الشارع

---

انا وصلت حلوان فعلا وروحت المنطقة اللى اسمها التبين ووصلت لمساكن الحديد والصلب الجديده لكن ملقتش هناك ش توفيق على ده خالص ومحدش عرف يدلنى علية

اقتباس:

---

المشاركة الأصلية كتبت بواسطة amrelsaqqa

الحمد لله ان العربية رجعت بس اكبر غلط انك تسيب ورق العربية جواها ،

سواء صور العقود والتوكيلات او الرخص

---

للأسف يابشا ساعة القدر بيعمى البصر .... نصيبى جه كده ودى كانت اول مرة اسيب الورق والرخص فى العربية

انشاء الله خير والله اول لما شوفت موضوعك دورت على نمرة واحد صاحبى فى التبين و قالى انة ميعرفشى اسم الشارع نفسة لكن لازم تروح تانى و تسال كويس و خصوصا الاهالى الى عايشين هناك و بالاخص لحد مسجد الصفا و و المروة و هايوافينى باى اتصال تانى لو عرف حاجة المهم انت متاياسشى و سيبها عالله

اقتباس:

---

المشاركة الأصلية كتبت بواسطة engineer140

بسم الله الرحمن الرحيم


عربيتى اتسرقت لانسر كريستالة ودفعت فلوس ورجعت لكن المشكلة رجعوها من غير الورق والرخص ومش معايا صورة من عقد البيع وروحت الشهر العقارى فى الحى العاشر فى سوق السيارات لكن مفيش فايده مش عايزين يطلعولى بدل فاقد بحجة مش لاقيين الاسم
دلوقتى انا معايا اسم البايع وعنوانة بس المشكلة مش عارف اوصل لعنوانة
فيريت اى حد يعرف العنوان ده يدلنى عليه وانا من المنصورة

3 توفيق على م الحديد والصلب الجديده بالتبين - حلوان

انا روحت لغاية مساكن الحديد والصلب الجديده بس مش عارف اوصل لـ 3 توفيق على ده ومحدش عارف يدلنى علية هناك

---

ياباشا اكيد انتا معاك اسم البائع بالكامل ادخل علي موقع المصرية للاتصلات واكتبه وانشاء الله هتلاقي رقم تليفونه كلمه ونسق معاه

ياباشا العقد موثق في الشهر العقاري ومتصور ميكروفيلم
ازاي مش عايزين يعطولك نسخه من العقد
ادخل علي مدير االمكتب وصمم علي حقك

ابعتلي اسم الشخص ومواصفاته الشكلية وانا هسألك عليه

ربنا يساعدك

روح الشهر العقاري واعمل زي ما الاخوه قالولك وحاول تطلع صوره التوكيل
وباذن الله ربنا يوفقك

اقتباس:

---

المشاركة الأصلية كتبت بواسطة optiplex

إن شاء الله خير والله اول لما شوفت موضوعك دورت على نمرة واحد صاحبى فى التبين و قالى انة ميعرفشى اسم الشارع نفسة لكن لازم تروح تانى و تسال كويس و خصوصا الاهالى الى عايشين هناك و بالاخص لحد مسجد الصفا و و المروة و هايوافينى باى اتصال تانى لو عرف حاجة المهم انت متاياسشى و سيبها عالله

---

ربنا يكرمك يارب انا فعلا متبهدل بهدلة جامده بسبب الموضوع ده
ان شاء الله يوصل للعنوان بإذن الله

اقتباس:

---

المشاركة الأصلية كتبت بواسطة hugan

ياباشا العقد موثق في الشهر العقاري ومتصور ميكروفيلم
ازاي مش عايزين يعطولك نسخه من العقد
ادخل علي مدير االمكتب وصمم علي حقك

---

يابشا شهر عقارى مدينة نصر بالحى العاشر ابشع مصلحة حكومية ممكن تتخيلها بلطجة وقلة ادب من الموظفين نفسهم بما فيهم المدير اللى ميعتبرش مدير اصلا لانو منو فيهم بيدارو على بعض ومفيش رقابة وحاجة قلة ادب
يعنى اخر مرة والله العظيم قدامى قبل العيد بيومين كنت هناك وكان فى واحد واقف بقالو 4 ساعات بيخلص فى ورقو ولما زهق اتنرفز على الموظف وكانت النتيجة انهم طلعو علية بالشوم وواحد منهم طلع طبنجة وضرب بيها جوه الشهر العقارى وطبعا الراجل لا حول له ولا قوة طلع جرى ويوميها المدير مشى الناس وقلك عاملين اضراب لغاية متوفر لينا الامن والامان ابن التييت يبقى هما اللى ضربين الراجل وضربين علية نار ويقولك عاملين اضراب

اقتباس:

---

المشاركة الأصلية كتبت بواسطة amr_mahmood2000

ابعتلي اسم الشخص ومواصفاته الشكلية وانا هسألك عليه

---

بعتهالك يابشا

ادفع للموظف اللي بيطلع الورق اي حاجه 20 او 30 جنيه وهيقلب قرد ويطلعلك حاجتك
لو مدفعتش بيركنك ويقولك ملقتش حاجه
وبعدين اطلع على المرور وطلع بتوكيلك بدل فاقد من الرخصة

انا هعمل سيرش للعنوان دا علي الـ gps بتاعي و اكيد هلاقي العنوان دا ان شاء الله
بس لما انزل للعربيه عشان سايبه فيها
ولو وصلت لحاجه هقولك
...
وبالنسبه للشهر العقاري بتاع الحي العاشر دا اللي جوا السوق صح ؟
دا يا باشا نظامه هتلاقي عيال واقفين برا شغالين تبع الشهر العقاري
بس بيبقو واقفين برا يلقطو اي مصلحه
روح لحد من اللي واقفين برا دول وظبطه هيخش جوا يدورلك علي الورق ويعملك اللي انت عايزو

بص ريح دماغك وشوفلك اي محامي يخلصلك الموضوع ده في عشر دقايق هو بيكون عارف الناس اللي بتقبض
موجودين فين ويتعامل معاهم بس حرص من اي محامي اغلبيتهم اعوذ بالله

الـ gps ماطلعليش غير حارة اسمها حارة توفيق .. مش شارع
في منطقه اسمها التبين البحرية .. جامب شارع كبير اسمة شارع الحديد والصلب وفيه حارة اسمها حارة العمده
اسأل علي الأسماء دي ممكن توصلك للي انت عايزو

روح قسم حلوان او مرور حلوان وأسأل عليه وهما هيدلوك هما عندهم خريطه تفصيليه للمنطقه وربنا يوفقك والحمد لله ان العربيه رجعت.

ياباشا انا ساكن فى التبين فى مساكن الحديد والصلب الجديدة وللاسف مافيش عندنا اسامى شوارع والعنواين بالبلوكات ياعنى على سبيل المثال مساكن الحديد والصلب بلوك 1 مدخل 1 وهكذا اما الشوارع اللى ليها اسامى فهى فى تبين البلد ومالهاش علاقة بالمساكن ودى بتكون فى نهاية شارع كورنيش النيل ياعنى قبل ماتدخل مساكن الصلب... ممكن تيجب اسمة يمكن اعرفة ...

اقتباس:

---

المشاركة الأصلية كتبت بواسطة amrgamal1

الـ gps ماطلعليش غير حارة اسمها حارة توفيق .. مش شارع
في منطقه اسمها التبين البحرية .. جامب شارع كبير اسمة شارع الحديد والصلب وفيه حارة اسمها حارة العمده
اسأل علي الأسماء دي ممكن توصلك للي انت عايزو

---

ربنا يباركلك يابشا انا سجلت اسماء الشوارع ونازل ان شاء الله يوم الاربع هروح على الشهر العقارى احاول معاهم تانى مكنش هروح ادور فى العنواين والاسماء اللى قلتهالى يمكن ربنا يكرم

اقتباس:

---

المشاركة الأصلية كتبت بواسطة bassemali

روح قسم حلوان او مرور حلوان وأسأل عليه وهما هيدلوك هما عندهم خريطه تفصيليه للمنطقه وربنا يوفقك والحمد لله ان العربيه رجعت.

---

ان شاء الله يوم الاربع الجاى انا رايح وهنزل على قسم حلوان ويارب يطلع عندهم خرايط فعلا دنا كرهت البلد وربنا

اقتباس:

---

المشاركة الأصلية كتبت بواسطة husseinsalah

ياباشا انا ساكن فى التبين فى مساكن الحديد والصلب الجديدة وللاسف مافيش عندنا اسامى شوارع والعنواين بالبلوكات ياعنى على سبيل المثال مساكن الحديد والصلب بلوك 1 مدخل 1 وهكذا اما الشوارع اللى ليها اسامى فهى فى تبين البلد ومالهاش علاقة بالمساكن ودى بتكون فى نهاية شارع كورنيش النيل ياعنى قبل ماتدخل مساكن الصلب... ممكن تيجب اسمة يمكن اعرفة ...

---

بص يابشا الرخصة اللى عندى مكتوب فيها العنوان كالتالى
3 توفيق على م الحديد والصلب الجديده بالتبين - حلوان

فأنا مش عارف هل الميم دى معناها مساكن ولا حاجة تانية انا توقعت انها اختصار مساكن