طيب متشيل الماسورة خالص وتركب الفلتر على المدخل على طول سواء كربراتير او انجيكشن وبكدة هيبقى احسن لأن هيعوض فرق الضغط الناتج عن الاحتكاك بين الهواء وجسم الماسورة
حتى لو عملت كدة مش هيبقى الفرق اللى متوقعة لكذا سبب
اولل لو بصينا لمعادلة الكفاءة الحجمية volumetric eff.=كمية الهواء الفعلى داخل السلندر / كمية الهواء النظرى
من المعادلة حتى لو زودنا عدد المداخل وشلنا الفلاتر هيبقى الفرق بسيط لأن حجم السلندر ثابت
طيب ازاى نزود كمية الهواء لنفس الحجم ؟؟ يبقى عن طريق كثافة الهواء
كثافة الهواء بتتأثر بحاجتين الضغط ودرجة الحرارة
بالنسبة للضغط كل لما الضغط يزيد الكثافة تزيد يعنى العلاقة طردية ودة عن طريق التربو تشارجر والسوبر تشارجر
بالنسبة لدرجة الحرارة العلاقة عكسية يعنى كل لما تزيد الكثافة تقل والعكس ودة يفسر لية كفاءة الاحتراق واستجابة العربية احسن فى الشتا من الصيف
ودة بيتعمل عن طريق الانتركولر مع التربو لتحسين الكفاءة اكتر
المشكلة التانية انك لازم تزود كمية البنزين علشان تعادل كمية الهواء الزيادة علشان تحافظ على نسبة الهواء للوقود يعنى محتاج طلمبة اكبر
المفضلات