-
ايجار سيارة ضروري
السلام عليكم (بقالي فترة باتصفح المنتدى منتدى جميل :)
عايز أجر عربية (اي حاجة نضيفة) بكرة لمدة يوم لمناسبة بس للأسف المعارض اللي كلمتها عربياتها لسة مرجعتش (اجازة العيد) واللي موجود بيطلع العربيات بسواق بس (موضوع بايخ طبعا بس مفهوم للأسف عشان في ناس عديمة الضمير والعيال اللي بتأخد العربيات تخربها).
[overline]مين بيأجر عربيات بدون سواق في منطقة المعادي؟ او لو حد عايز يأجر عربيته ميخافش، اللي هيسوقها خبرة.[/overline]
-
اغلب الناس ال هتوافق تاخر سياره بدون سائق هتخليك تمضى على وصل امانه بمبلغ فلكى او على بياض الافضل انك تاجر عربيه بسواق افضل ليك ولصحاب العربيه
-
بالظبط
ايه المشكلة انك تاخدها بسواق
لو مده قصيرة او زفه خليها بالسواق افضل ليك
-
تحياتي
المشكلة في السواق واحد غريب قاعد معاك - تاكسي يعني، بسواق لو عربية سترتش مثلا صعب تسوقها.
المفروض ان السيئة لا تعم (مش جيش)، يعني مش معنى ان فيه ناس زبالة هتأجر العربية، ان كل الناس كده، كده الزبالة خربتها على الكل.
موضوع العربية بسواق فقط عندنا في مصر بس للأسف...
-
انا لسه كنت منزل موضوع وكنت بدور على عربية زيك كده
ملقتش حاجه في الاخر بس كان ممكن الاقي لولا ان الوقت كان ضيق
وكانت المشكلة برضه ان العيد يعتبر موسم بالنسبة لهم فقليل تلاقي عربية بس دي حاجه مؤقتة
اللي مش مؤقت بقى انه بيشترط عليك سواق
وده هبل فعلا ومستغرب ازاي الناس بالموضوع هنا بتبرره
يعني ايه اروح اجر عربية يقولي انا هطلعها لك بس مش هتسوقها :)
لا وادفع كمان حق السواق اللي طالع
اللي خايف على عربياته من السرقة مثلا او انه حد يخدها يخربها يقفل احسن
الموضوع عامل زي واحد رايح يشتري حاجه يقوله ادفع تمنها بس هتبقى عندي وكل ما تحتاج تستخدمها تجيلي
لصاحب الموضوع انا لقيت مكتب بالامس بيطلع العربية بدون سواق ومش عنده مشكلة
بس كانت العربيات كلها طالعة
هو موجود في شيراتون يعني بعيد عنك نوعا ما لو حابب تكلمه وتسأله كلمني على الخاص
ابعتلك نمرته عشان مش يبقى اعلان
واللي انا فاكره انه عنده فيرنا ولانوس والنترا وسيراتو
وفي شركة تانية لقيتها برضه في شيراتون ولهم موقع على النت بس حاسس كده انهم اشتغالات شوية
Europcar Egypt - Car Hire
-
-
المشكلة اتحلت الحمد لله، مع وصل امانه 70 الف.
Content Relevant URLs by
vBSEO 3.6.0 PL2