فكره مختصره عن منطقه حدائق اكتوبر عاما وعن الكمباوند خاصا
منطقه حدائق اكتوبر فيها مدرسه لسه فاتحه شهر 9 اللى فات
وفى سوق تجارى فى حى الفردوس ده اقرب شىء لمنطقه حدائق اكتوبر
اما الكمباوند فا جارى حاليا بناء المول التجارى وتم بيعه بالكامل وده بيتبنى داخل الكمباوند وتم تخصيص محل فيه ليكون كارفور اكسبريس (يعنى كارفور صغير ) بالاضافه تم بدء البناء فى النادى
وتم تخصيص مساحه ارض لبناء مركز طبى وحضانه بس لم يتم بدا الانشاءات فيه حتى الان
لكن الناس اللى ساكنه حاليا بيشترو احتياجتهم لاما بالاسبوع من السوق التجارى فى حى الفردوس او من اى هايبر ماركت
او لو حاجه بسيطه بيشتروها من الكانتين اللى مفتوحه مؤقتا داخل الكمباوند عشان تخدم السكان الحاليين
على فكره الطريق متسفلت من اول حى الاشجار داخله طريق الواحات لغايه مكان الكمباوند وبيتم حاليا تركيب اعمده الاناره على طول الطريق
اما داخل الكمباوند كل اعمده الاناره متركبه فى المرحله الاولى اللى فيها شقتى ومنوره كلها