لانسر 2005 لسه شاريها أمس

السلام عليكم

انا لسه شاري لانسر 2005 - 1300 سي سي

كنت عاوز استفسر منكم على شوية حاجات

افضل نوع زيت للمحرك ايه علشان عاوز اغير زيت وفلتر واقصد النوع مش اسم الشركة 5w40 or 5w30

وبالنسبة لزيت ناقل الحركة الاتوماتيك ايه نوعه بالنسبة لنفس السيارة

انا شاري السيارة ماشية 140 الف كيلو بالكويت

السيارة على السرعه 20 الى 80 فيها رجفه عالية ياتري دا عيب ايه وتنصحوني باية علشان اشيك واغيرة

هذه اول تجربة مع الانسر وربنا يستر

فى حاجه كمان انا حاولت اوصل لاقصي سرعه بيها فجابت 150 بالعافيه وبعد كده نفسها مقطوع ياترى العيب فين

ربما يباركلك في عربيتك ويجعلها وش الخير عليك

بص ياباشا انا هقول اللى اقدر اعرفة وان شاء الله باقى الزملاء يفيدوك اكتر
اولا مبروك على العربية وربنا يديك خيرها ويكفيك شرها
حاول مبدئيا تغير مجموعة السيور والفلاتر بالكامل دا علشان موضوع خنقة العربية وان اخرها 150
اما بخصوص الرعشة مابين 20 ل 40 دا حضرتك ترصص الكاوتشات كلها احتمال يكون فى جنط فيه رفة خلى الراجل يرصصهولك على قد ما يقدر
اما بخصوص الزيت انا بستعمل توتال 5000 وبغير على 3000 اما زيت الفتيس للاسف انا مانيوال ومغيرتوش لسه معرفش افيدك فيه

أنا عايز أشتري لانسر في حدود 60-70 ألف ..لو مكن تفيدني حضرتك وتقولي جبت ال-2005 بكام.. دي أول مشركة لي في المنتدي..وشكرا لك

مشكورين كلكم على الافادة

بالنسبة MohamedAbo انا مش اقدر افيدك لاني مش فى مصر