الموضوع: فيديو كارينز 2014 في معرض باريس

مش لاقي أى تفاصيل عنها بس حتى لو فيه فده مش ضمان ان العربيه اللي هتيجي مصر تبقى زيها فمفيش غير ان التوكيل هنا يعمل بروشور وده مش هيحصل الا لما العربيه تنزل طبعا.

المهم على كده وواحد كاتب كومنت في الفيديو التاني انها غساله بعجلات. ده لو شاف اللي بتنزل مصر هيقول عليها كارو من غير حمار بقى!

انا متوقع انها تنزل بموتور السبورتيج وده هيبقى ميزه انه مناسب لوزنها فيحل موضوع السحب نتيجه تقل العربيه على الموتور لكن فى نفس الوقت ده هيؤدى لارتفاع سعرها رقم محترم يعنى اقل فئه ممكن تبقى ١٤٠ الف مثلا . انطباعى بعد الفيديو انى حسيت انها أصغر من الحاليه و اشبه للهاتشباك عن العربيه العائليه و جائز ده علشان الحالية مربعه بينما دى فيها انسيابيه شويه و بالنسبه للشنطه و الفانوس الخلفى مقتبسين بشكل واضح من السبورتيج و معجبنيش فيها حجم الفوانيس الاماميه المبالغ فيه وواكل معظم الرفرف الامامى و كمان عجله القياده مليانه زراير و لا الكيبورد و مخللى شكل عجله القياده مش حلو و انا متوقع حتى لو سعرها زاد و حطوا فيها موتور الاسبورتيج انها هتعمل مبيعات كويسه لانها هتصبح الخيار التانى بعد الاسبورتيج للى محتاج عربيه عائليه من كيا لكن بسعر اقل حبتين و فيها كل المزايا