الموضوع: لية اصحاب العربيات الملاكي بيعاملونا كده؟؟؟؟

المشاركة الأصلية كتبت بواسطة eng f3lix

يافندم هتلاقي 97 % من الاعضاء اللي هنا كارهين التوك توك واللي جابو واللي سايقه
اكيد انت عارف ليه
اكيد اتعلم على الناس دي كلها منه وانا بصراحة عمر ماهيبقى بيني وبين اي حد منهم عمار ( اتعلم عليا في الباب بتاع السواق واللي وراه من عيل صغير راكب توكتوك )

متزعلش من كلامي

علي فكرة في كتير من اصحاب العربيات برضة علمو علي اصحاب تكاتك وكسروا عليهم .. علي فكرة لسة عربية شاهين داخلة فيا من ورا امبارح وبهدلتني ,, ده تسميه اية!!!

المشاركة الأصلية كتبت بواسطة hosam_optrawy

لو هانتكلم جد , معلش انا مش مصدق اساسا ان حضرتك سواق توك توك وهاقولك ليه

مفيش سواق توك توك هايكتب بالفرانكو tok tok el 7ob ولا هايدخل على المنتديات ويدى اراءه الفنيه فى العربيات ولا هايبقى عنده وقت ولا فلوس يقعد على النت اساسا ولا عنده كمبيوتر من اساسه

هاتقوللى ليه هو مش بنى ادم هاقولك طبعا بنى ادم وعلى عينى وراسى وممكن يكون احسن منى عند ربنا

بس سواقين واصحاب التكاتك اللى بنشوفهم فى الشارع وياما اتأذينا منهم كلهم شبه بعض وبصفات واحدة اجرام وبلطجة ولا مبالاه والفاظ واغانى شعبى وتحرش ومعاكسة بنات وغيره

هاتقولى انا مش كدا هاقولك ماشى يبقى انت من النوع التانى المحترم اللى فى حاله اللى بيجرى على اكل عيشه ويمكن شغال على التوك توك كمان مش بتاعه وعايز يجمع 20 جنيه فى اليوم عشان يصرف على بيته وعياله , اكيد برضه ال 20 جنيه مش هايبقالك منها حاجه تدفع فاتورة النت ولا ال usb modem

عموما اهلا بيك معانا عضو فى المنتدى , وماتزعلش من هجوم الناس عليك عشان انت عارف كويس الاسباب

علي فكرة مش معني ان الواحد يركب توكتوك انه مش متعلم,, انا مخلص كلية وبتكلم عربي وانجليزي بطلاقة وشوية فرنساوي كمان ,, واعرف كمان ناس مخلصين هندسة وسياسة واقتصاد وراكبين تكاتك,,

المشاركة الأصلية كتبت بواسطة طارق _عبد السلام

اكيد رد الفعل مش على شخصك
رد الفعل عن الكل (بالاجماع) سائقى التوك توك
المفروض تغير عنوان الموضوع وتقول ليه اصحاب التوكتك بيعاملوا الناس كلها كده
مفيش حد مننا هنا فى المنتدى لم يتأذى من التوكتوك
ومفيش بنت أو سيده ملهاش تجربه سيئه مع التوك توك
مفيش مواطن عادى لم يتأذى من هذا الوباء الذى نزل علينا
والله العظيم ياأخى بيصل بى الامر ان امشى مسافات طويله لاتفادى المناطق المزدحمه بالتوكتوك لانى بكون غير مهىء للرد على مشاكلهم التى لاتنتهى مهو لو ماخبطنيش هيقف قدامى لمجرد المضايقه ولو ما وقفش هسمع الكاسيت المزلزل والتلوث السمعى الخارج منه وان لم اسمع سأرى بعينى مضايقته لخلق الله عمال على بطال
و.و...و....و......و............و
انا معك ان هناك قله قليله جدا جدا جدا جدا محترمين وفعلا عايزين ياكلوا عيش ونحترمهم لكن الاغلبيه العظمى حدث ولا حرج ولعلمك انا من المحله وما ادراك بسائقى البلوه دى تجار مخدرات مسجلين خطر بائعى الانابيب عربجيه اطفال ازاااااااااااااااى هنحب اسلوبهم فى التعامل هل سننافق لااظن
واهلا بك يازميلنا الفاضل اعذرنى حبيت افضفض معاك وارجوا ان تتقبل رأيى من مبدأ الحريه فى التعبير

شكرا لزوقك وعلي فكرة كل طائفة في المجتمع فيها الحلو والوحش يعني مثلا عندك دكاترة كويسين وفي وحشين وفي اصحاب عربيات ملاكي برضة كويسين وفي وحشين وبالمثل سواقين التوكتوك

المشاركة الأصلية كتبت بواسطة ahmedsrs

"التوك توك" هو تلك العلبة الصفيح التى تسير فى شوارع مصر بلا حسيب ولا رقيب وتنشر الفوضى المرورية ومن اهم مميزاته الصخب الموسيقى والتلوث السمعى والعبارات الخادشة التى تكتب على خلفيته ومرادفا أيضا لجرائم كثيرة وقعت مؤخرا من البلطجة للسرقة واغلب سائقيه من المراهقين والمسجلين خطر

علبة صفيح!!!!!!! علي اساس ان حضرتك راكب لامبورجيني ولا فيراري مش العربية اللي اصغر من التوكتوك اللي اسمها كيا بيكانتو ولا حاجة

المشاركة الأصلية كتبت بواسطة gmgm

مش ملاحظين حاجةّ!!!!
صاحب التوكتوك قصدى صاحب الموضوع مردش لدلوقتى
ياترى السكوت دة رضى بالامر الواقع ولا دى حالة من الاندهاش من ردود الاعضاء
فى كل الاحوال التكتوك مصيبة العصر والزمان على مستوى الجمهورية
انا من الاقليم ومع ذلك التكتوك مدمر البلد عندنا
منتهى السفالة وقلة الادب وجميع انواع التلوث جابها معاة
التلوث السمعى بيبقى مشغل المهرجانات اعلى صوت ومعدى جنب المسجد اثناء اقامة الصلاة ولا هو هنا
فى نهار رمضان السيجارة فى بقة والمهرجانات اعلى صوت واديها يا ريس ؟؟ فعلا ناس شقيانة بتجرى عل اكل عيشها
التلوث البصرى منظر التوكتوك ياجماعة اصلا مقرف وتلاقية معلق على البربريز من جوة علاقات ودلاياتواشكال غريبة ومفيم البربريز بلاك ويمشى بالليل مشغل النور العالى فى وشك طبعا ما هو مش شايف حاجة من الفامية البلاك دة طبعا غير الخمسين مراية اللى حاططهم قدامة طبعا مش عشان يشوف الطريق من وراة!!!! لا دول ليهم فايدة تانى!!! طبعا بتبان فايدتهم لما تركب معاة بنت اوواحدة ست؟؟ دة غير الالفاظ التيييييت اللى بيكتبوها على خلفية التوتوك على فكرة احاينا بيكتبوا شتيمة وسخة جدا وبالخط العريض طبعا حاجة اخر قرف

انا لواتكلمت عن التكتوك مش حاخلص انما اخيرا اقول لصاحب الموضوع 99% منهم عايزين
التيييييييييييييييييييييي ييييييييييييييييت؟؟؟؟؟؟؟

اعتبر نفسك انت من ال1%

مردتش لاني كنت في الشغل ولسه راجع

المشاركة الأصلية كتبت بواسطة أشرف العدوي

الي كنت خايف منه بيحصل
انت مش العضو الوحيد في واحد تاني و شكله هيبقى احتلال للمنتدى و ده انا نوهت عنه في مشاركة قبل كدة
علشان كدة انا واحد من الناس مش متقبل ثقافتك و لا طريقتك
انت عايز تعرف ليه بقى احنا بنعاملكوا كدة
اتحداك لو كنت ماشي سليم
يعني مرخص علبه الصفيح بتاعتك و معلق نمر
و لو مرخص يبقى بتخالف قانون العمل و مشغل عليه عيل من العيال السرسجية
لو مش بتعمل كل ده
أكيد علشان نظرتك لمالكي السيارات الملاكي بتنفسن عليهم في الطريق
فا ما تعيش في دور الملاك البرئ و احنا الي منفسنين
العكس هو الي صحيح و ده باين من طريقة كلامك
ارجوك و جودك بالنسبة لي في المنتدى هنا غير مرحب بيه أطلاقاً و ده رايي و وجهة نظري

انا عاوز اقرب وألم الشمل بين اصحاب الملاكي وسواقين التكاتك ونبقة كلنا ايد واحدة