المشاركة الأصلية كتبت بواسطة anxs111
هو الحوار واخد طابع شخصي شوية ....
أنا داخل أعلق من وجهة نظر كفائة العربيه ....
أنا امبارح كنت في بلد فوق الجبل في ولاية فرمونت في أمريكا ....
كمية التلج كانت بالهبل ....
وأنا طالع الجبل ....كانت معظم العربيات في البلد دي سوبارو وبالذات إل outback ...لدرجة أنك تحس إن مفيش غير توكيل سوبارو في البلد دي ...
أنا كان معايا بي أم 320 موديل 2012 ...
العربية في طلوع الجبل كنت حاسس أني هموت ....وأخدت المطلع كله علي الأول والزحاليق كانت علي ودنه ولو ماشي ببسكلتة كان إحسن ....وتقريبا أتشاهدت لما وصلت .....
طبعا العيب مش في العربية لكن حتي البي أم في طريق متسفلت عليه تلج كانت ماتسواش تلاتة تعريفة ....
العربيه اللي كانت ماشية ولا كائن في حاجة كانت اللاند كروزر ، الراجل عدي جانبي وكأن أنا راكب عربيه كرو ....
والله حتي المرسيدس أم إل موديل ألسنة دي كان بيولد جانبي عشان يطلع المطلع باس إسمه كان ماشي لاكن أنا كنت بزحف ....
فكون إن البلد أهلها والبيوت اللي علي الجبل كلها عربيات سوبارو فده أكيد يدي إنطباع عن سمعت العربية وكفائتها ...
أنا لما بشوف الأمبريزا في مصر أرخص عشرين ألف من السيفيك بضحك وأقول صحيح اللي ما يعرفش يقول عدس ....