كان الله في عونك والحمد لله علي كل حال
وبالنسبه لموضوع بلطجة سواقين التكاتك عليك
فهييجي اخونا العضو الفاضل. توكتوك الحب. يقلك ايه اللي تقدر تعمله بالظبط
رقم العضوية : 122372
تاريخ التسجيل : 27Mar2012
المشاركات : 15
النوع : ذكر
الاقامة : القاهرة
السيارة: بيجو
السيارة[2]: بولونيز
دراجة بخارية: ؟
الحالة :
السلام عليكم جميعاً ...
حضراتكم أنا معى عربية النترا موديل 2013 ...
بمناسبة العيد .. الأسبوع الماضى حدث لى أمرين وأنا سايق العربية ..
1 - كنت سايق فى الحى السابع فى مدينة نصر .. والطريق مزدحم .. فجأة حدثت إنفراجة مرورية .. واللى بيحصل عندنا فى مصر .. من كتر الانتظار والضيق .. فى ناس أول ماتلاقى ثغرة فى الطريق تروح دايسة بنزين عشان تفك من الزحمة ..
المهم حصل الامر .. وكنا عدد 3 سيارات مسرعين أعتقد فوق 40 كم/س فى شارع مزدحم .. واحد حمار - أعذرونى فى اللفظ - داخل يوتيرن شمال فجأة (إتجاه معاكس) وإضطر للوقوف فجأة لأنه وجد سيارة تدخل الملف من الجانب المقابل .... اللى وراه فرمل و وقف .. وانا التانى فرملت ووقفت عربيتى .. اللى ورايا كان سايق مرسيدس موديل تسعينات مش عارف فرامله فيها إيه .. ولا كان ساهى .. عربيته وقفت بعد ما خبطت عربيتى من الجانب الأيمن للإكصدام الخلفى ... نزلت وأنا ناوى على شر .. لأنها تانى مرة تحصل معايا فى خلال 3 أشهر (كنت سايق بعربية والدى على كوبرى 6 أكتوبر والطريق زحمة والسرعة بطيئة وواحد برضه خبط العربية م الخلف) .. لقيت صاحب المرسيدس راجل كبير فى السن و أول كلمة صدرت منه .. "اللى تأمر بيه أنا حنفذه .. واللى عاوزه أنا ح ادفعه .. وأروح معاك التوكيل أصلح العربية على حساب .. ) بصراحة لقيت الموضوع مش مستاهل - وجهة نظرى الأولية - وكنت مستعجل لإرتباطى بأمر هام ..
بالإضافة إلى إنفصال الإكصدام من الجانب الأيمن عن السيارة قليلاً .. نتيجة التصادم .
2 - خبطة التوك توك ... واد صايع - ككثير من سائقى التكاتك فى مصر - وأعذرونى ع اللفظ - قاعد يتمايل يمين شمال فى زفة فرح ... غلطتى الكبرى إنى حاولت اعدى منه .. سيبت الأسفلت وطلعت يمين ع التراب بسرعه عاليه (خطأ آخر) لأتجاوزه - وياريتنى ما عملت كده - الواد رمى نفسه يمين اكتر وخبط عربيتى .. والناتج الصور التى سأعرضها لاحقاً ... والحمد لله رب العالمين انا ومن معى بخير .. رغم صدمة الحادث خصوصاً إنى كان معى بنات صغار من عائلتى .. وكانت عدم مسئولية منى أن اتصرف مثل هذا التصرف .. فكان ينبغى علىّ وقتها ألا أقترب من هذا التوك توك المتهور .. حتى لو إتأخرت بضعة دقائق إضافية ... أهو درس و اتعلمته ..
إشتريت زجاج مرآة جديدة م التوكيل بـ 175 ج ..
انا مأمن ع العربية تأمين شامل ..
حاسس إن المعرض دبسنى فى الشركة دى , من خلال ما جاء بالوثيقة ..
* شرط الإصلاح بالتوكيل المعتمد :
من المعلوم والمتفق عليه أنه فى حالة إصلاح السيارات بالتوكيل المعتمد يتم خصم 10% من إجمالى التعويض .
*شرط السرقة : من المعلوم والمتفق عليه وخلافاً لما جاء بالوثيقة اعلاه يتم خصم 25% من إجمالى التعويض المستحق فى حالة السرقة الكلية و الجزئية للسيارة .
تنصحونى بإيـــــــــه :
- الخبطات و الخدوش الموجودة فى السيارة تستاهل اوديها التوكيل .
- أم أنه يكفى إصلاحها بورشة إصلاح خارج الوكيل .
- هل يلزم ان أستلم فاتورة إصلاح - عليها ضريبة مبيعات - من الورشة لصرفها من شركة التأمين .
- هل يلزم تحرير محضر بواقعة حادث التصادم لصرف أى مبلغ أم أنه يشترط تحرير هذا المحضر لو مبلغ التعويض المطلوب - طبقاً لفاتورة الإصلاح - زاد عن مبلغ معين ..
وكيف أحرر محضر لسواق تكتك خبطنى ولا أعرف عنه شىء .. (حدث إشتباك مع سائق التكتك .. وكان الأمر معرض للتصعيد بمشاركة أقرانة من سائقى التكاتك .. لكن ربنا ستر)
أم اترك العربية لحالها لكسر العين ..
حادثة التوك توك .. سافرت فى بلاد وقرى صغيرة .. وشكل الإلنترا الخارج خطف الأنظار .. وسمعت كلام عن إعتقاد البعض بأنها أفضل من المرسيدس و أن سعرها يصل لـ300 ألف جنيه !!! .. وكتير من الكلام والنظرات الغريبة .. !!
-----
أنا انشأت هذا الموضوع فى منتدى آخر وبعض الأعضاء الكرام أفادونى ببعض المعلومات ..
لكنى لا زلت فى حيرتى ..
يعنى واضح من الصور .. إن الرفرف و الإكصدام .. والخدوش الموجودة فى الأبواب .. لا يستدعى تركيب رفرف / إكصدام / باب جديد .. !! .. فأنا خايف أروح التوكيل يروح يركب جديد .. و يعمل لى فاتورة بكام ألف جنيه على شوية الحاجات اللى فى العربية دى ..
وفى نفس الوقت خايف من شغل السمكرة والدهانات واللى بيحصل مع الصنايعية ..
و الحاجات اللى ممكن تموت العربية فى حالة إعادة البيع لاحقاٌ ..
وكمان فى ناس بتنصحنى أسيب العربية لحالها .. العربية معرضة لحادث فى أى وقت لا قدر الله ..
و كتر المرواح ع التامين بيزود قسط التأمين فى حالة التجديد ..
وناس تانية تقوللى ..أجّل الإصلاحات لغاية الأيام الأخيرة من فترة التأمين (يعنى قبل إنتهاء السنة بكام أسبوع مثلاُ) ..
الواحد محتار يعمل إيه ..
عشان كده عملت الموضوع ده عشان أشوف تجارب ممن تعرضوا لمثل هذه المواقف أو من لديهم خبرات فى هذا الإطــــار ..
وشكــراً جزيلاً لحضراتكم ..
رقم العضوية : 119254
تاريخ التسجيل : 17Jan2012
المشاركات : 402
النوع : ذكر
الاقامة : cairo
السيارة: ......
السيارة[2]: corsa 2012
دراجة بخارية: لا
الحالة :
كان الله في عونك والحمد لله علي كل حال
وبالنسبه لموضوع بلطجة سواقين التكاتك عليك
فهييجي اخونا العضو الفاضل. توكتوك الحب. يقلك ايه اللي تقدر تعمله بالظبط
رقم العضوية : 53857
تاريخ التسجيل : 24Nov2009
المشاركات : 593
النوع : ذكر
الاقامة : 7adayek El Ahram
السيارة: lanos II 2001
السيارة[2]: lanos II 2001
دراجة بخارية: no
الحالة :
قدر الله ماشاء فعل وانا رايئ سيبها شوية عشان تاخد العين وبعدين ابقي صلحها علي مهللك لان الحاجات اللي انا شايفها بسيطة الحمد لله ركب المراية وكفاية علي كدة وشكراااااا
رقم العضوية : 117054
تاريخ التسجيل : 24Nov2011
المشاركات : 1,807
النوع : ذكر
الاقامة : Sheraton :D
السيارة: isA Soon
السيارة[2]: Nissan Sunny 2003 Ex Salon
دراجة بخارية: NEVER
الحالة :
التووووووووووووووكيل يا باشا
رقم العضوية : 122372
تاريخ التسجيل : 27Mar2012
المشاركات : 15
النوع : ذكر
الاقامة : القاهرة
السيارة: بيجو
السيارة[2]: بولونيز
دراجة بخارية: ؟
الحالة :
حد ليه تجارب مع التوكيل فى الحاجات دى ...
فيه ناس بتخوفنى من غبور ..
ناس تقوللى ح يغيروا الإكصدامات والرفرف و ممكن كمان الباب .. وألبس فاتورة بكام ألف جنيه .. وناس تانية تقوللى حيغروا الرفرف و يرشوا الباقى ..
رقم العضوية : 117583
تاريخ التسجيل : 08Dec2011
المشاركات : 7,814
النوع : ذكر
الاقامة : cairo
السيارة: mercedes
السيارة[2]: mazda
دراجة بخارية: no
الحالة :
الحمد لله على كل شىء من رأى سيبها شويه على حالها وهى خبطات بسيطه .
المفضلات