تجربة تغيير الردياتير وتعديل القواعد - ابيزا 99
السلام عليكم ورحمة الله وبركاته
أزيكم يا شباب - عاملين ايه ؟؟
اتمني تكونوا بخير
النهاردة بفضل الله غيرت الردياتير بعد معاناه دامت لمدة سنة وانتهت بكسره الأسبوع اللي فات
http://www.nilemotors.net/Nile/31587...post3874602254
الردياتير اول لما اشتريت العربية كان جميل والمياة مش بتنقص والحياة زي الفل معايا
عيبه الوحيد انه كان مش متثبت في مكانه وكان مربوط بالأفايز البلاستيك وحتة صاجة ومتشعلق وعامل زي المرجيحة
فضلت ماشي بيه علي هذا الحال - لحد لما عملت حادثة وهو طبعا أتأثر
رغم اني صلحته - الا ان المياة كانت بتنقص بشكل مستمر
كنت لازم بزودها كل يومين
ولما روحت لبتاع الردياتيرات قالي ان العلبة مهرية ومش مستحملة اي شغل فيها - واني أأقلم نفسي معاه لحد لما اغيره في اقرب فرصة
وطبعا أخر حاجة حصلتله انه اتكسر من عند الكوعة التحتانية الي في نفس العلبة التعبانة
وكانت المحاولات اني اغير العلبة بواحدة تانية - استيراد او مستعملة
لكن للأسف الشديد مالقيتش واحدة تنفع تركب عليه - لأن العلبة بتاعة الردياتير بتاعي كانت متبرشمة بطريقة يصعب فكها وتركيب اخري مكانها
فكان الحل اني اشتري ريدياتير جديد
وبما ان الردياتير جديد فكان يجب انه يركب صح وماينفعش معاه شغل المراجيح بتاعه الردياتير القديم
جبته ب 250 جنيه والراجل خد 70 جنيه مصنعية تركيب وتعديل وتنظيف
ودي صور الردياتير الجديد
http://www.nileup.com/uploads/13517945781.jpg
http://www.nileup.com/uploads/13517943331.jpg
http://www.nileup.com/uploads/13517943332.jpg
http://www.nileup.com/uploads/13517943333.jpg
طب هيركب ازاي ؟؟؟ انا عندي الصدر بتاع العربية عليه قواعد ردياتير الكبير (طقم التبريد الكامل الكبير ابو مروحتين)
انا طبعا اشتريت الصدر بهذا الشكل علشان يتناسب مع طقم التبريد الكبير علشان التكييف - لأن سربنتينة التكييف عندي بعافية والتكييف عطلان
ودي صور الصدر بالقواعد بتاعته
http://www.nileup.com/uploads/13517944683.jpg
http://www.nileup.com/uploads/13517944682.jpg
المهم
الراجل جاب خوصة كبيرة (حتة صاج محمل) وحطها فوق القواعد وعلاها شوية علشان تسند الردياتير الجديد ويبقي ماسك صح
ودي صور الخوصة والتعديل اللي اتعمل
http://www.nileup.com/uploads/13517944681.jpg
http://www.nileup.com/uploads/13517945782.jpg
والحمد لله بعد التركيب
حطيت مياة من الحنفية - هبقي ان شاء الله اغيرها لما اتطمن ان الشغل تمام والمياة مش بتنقص
واخدنا الهوا من الدورة
وغسلنا الدورة بالكامل وغسل القربة ونظفها
واتطمنا ان المروحة شغالة
ودي صور الردياتير بعد التركيب
http://www.nileup.com/uploads/13517945783.jpg
http://www.nileup.com/uploads/13517947561.jpg
وتوتة توتة خلصت الحدوتة
شكرا لحسن متابعتكم واشوفكم ان شاء الله في تقرير جديد وصيانة جديدة
والله المستعان
،
،