المشاركة الأصلية كتبت بواسطة MMamdouh
على فكرة كلمة مسؤل عن موت انسان دى غلط لان ربنا سبحانة و تعالى قال و لكل اجل كتاب... يعنى الراجل اللى مات دة مكتوبلة الموتة دى من يوم ما اتولد و اخوكى مجرد سبب
انا معاكى انه حمل تقيل لكن الاحساس بالذنب مش حيرجع اللى مات... بالعكس اذا كان الراجل مات فا مشاكلة فى الدنيا خلصت لكن اخوكى كل يوم بيدفع تمن غلطة واحد تانى من اعصابة و حالتة النفسية
على فكرة انا بتكلم فى الموضوع دة كتير و بقلب جامد لانى خبط واحد و مات فى يناير اللى فات و عارف بالضبط احساس الشخص اللى بيبقى فى الموقف دة
و فعلا انا كنت مهزوز جدا و كنت خايف و انا قاعد فى العربية مع اى حد و حاسس انه حيدوس على كل الناس اللى فى الشارع لكن بعد فترة و الحمد لله رجعت اسوق تانى و تمالكت نفسى لان كل النس فالولى ان الموت بتاع ربنا و هو مقدر و مكتوب للانسان من يوم ولادتة و محدش يملك انه ياخرة و لا يقدمة و احنا كلنا مجرد اسباب و الامر بيد الله فى الاخر
المشكلة الحقيقية فى الموضوع دة هى ان الناس بتتكلم بمشاعرها فى الموضوع و بالتالى بيساندوا اللى ماشى على رجلية و هو غلطان و بينفضوا لصاحب العربية لانه سليم و مفيهوش حاجة... حقولك على حاجة بسيطة جدا... هاتى اى موقف من المواقف اللى حصلت لحد و كتبها فى المنتدى و شيلى كلمة "واحد ماشى على رجلية" و حطى "عربية".... حتلاقى الناس كلها اوتوماتك فكرت بالمنطق مرة تانية و قالت مين الغلطان و مين الصح بالعدل و حق ربنا لان عنصر العاطفة اتشال من المعادلة
على فكرة نفس الموضوع بيحصل لما تبقى الحادثة بين عربية و موتوسكل لان اللى راكب الموتوسكل بيتسحل لما يقع و هو اساسا شوية هوا يوقعوة فى حين ان اللى راكب العربية مبيحصلوش الهوا فا تلاقى بعد الحادث الناس كلها بتلوم صاحب العربية فى حين ان كلنا عارفين بتوع الفزب و الموتوسكلات بيسوقوا ازاى خصوصا بتوع الدلفرى
قولى لاخوكى ميحملش نفسة فوق طاقتة و اللى حصل مقدر و مكتوب و هو ملوش ذنب فيه... ربنا كاتب للراجل دة انه يموت بالطريقة دى فى المكان دة و الوقت دة
MMamdouh