دايما بقول عربيتي دي مراتي اللي مقدرش أقلها لا على اي حاجة
طلباتها كلها مجابة وصياناتها في مواعيدها وبنزينها في تانكها ومتظبطة :d
طبعا بحبها جدا وبيبان دا في كل حاجة في تشغيلي ليها وسواقتي ليها واخدان المطبات وكل حاجة
اللي بيضايق مني في القصة دي قرايبي كلهم بيقولولي احنا بيتهيألنا انك عاوز تنزل من العربية تشيلها تعديها المطب وبعدين تركب تاني :d
على فكرة عربيتي فيرنا 2010 يعني الموديل العالي مش الواطي بس برده انا حونين معاها
احبها حتى الثمالة
ودايما بقول اللهم دمها نعمة واحفظها من الزوال
يكفي انها بتوديني مكان مانا عاوز ووقت الحر بتكييفها بتقيني حرارة الشمس وبصراحة النهردة كان معايا واحد صاحبي معاه النترا 93 طلعت عنينا اول ما ركبت عربيتي قلت الحمد لله على النعمة اللي الواحد فيها دي
اهم شيء يا جماعة القناعة
القناعة كنز لا يفنى
المفضلات