السلام عليكم
انا نويت اشتري سياره
وبصراحه عجبتني الابيزا
ولما قريت مواضيع المنتدى لقيت ان مو94 الناس بتشكر فيها
فهل تنصحوني بشراء سيات ابيزا
ام هناك سياره افضل من حيث التقارب في سعر السوق المستعمل
ارجو الافاده
وجعله الله في ميزان حسناتكم ان شاء الله
عرض للطباعة
السلام عليكم
انا نويت اشتري سياره
وبصراحه عجبتني الابيزا
ولما قريت مواضيع المنتدى لقيت ان مو94 الناس بتشكر فيها
فهل تنصحوني بشراء سيات ابيزا
ام هناك سياره افضل من حيث التقارب في سعر السوق المستعمل
ارجو الافاده
وجعله الله في ميزان حسناتكم ان شاء الله
اولاً اهلا بيك في قسم سيات نايل موتورز
انت سؤالك دة عايز يومين رد
مش هينفع كلمة ورد غطاها
لعدة اسباب
اولها انت عايز مقارنة بين كل السيارات في نفس الفئة السعرية
ثانيا انت عايز تقرير مفصل عن الأبيزا 94
ثالثا ودة المهم انت احتياجاتك ايه من العربية واستخدامك اليومي شكله ايه ؟؟؟
انا علي العموم هلخص اجابتي قدر المستطاع حالياً لحد لما اقدر ارد عليك رد شافي وافي في وقت لاحق
اولاً من حيث الفئة السعرية
الأبيزا 94 الفاضية بتعمل في حدود من 25 - 27 حسب الحالة
واللي فيها كماليات سواء اورجينال او متركب هيعمل في حدود من 28 - 32 علي حسب الحالة
طب ايه بيشترك مع الأبيزا في نفس الفئة السعرية دي ؟؟؟؟؟
في عربيات كتيرة جدا في الفئة من 25 لحد 32
علي سبيل المثال لا الحصر
1- الكيا برايد العصفورة (96 - 99)
2- السوزوكي سويفت (93 - 99)
3- الهوندا سيفيك (86 - 91)
4- البولو فوكس (95 - 97)
5- رينو كليو (94 - 98)
6- الأبيزا 98
7- دايو ريسير (94 - 95)
8- اوبل كورسا (94 - 96)
9- جولف 2 (84 - 91)
10- فورد فيستا (94 - 2002)
لو حضرتك استبعدت كل السيدان هيتبقي (البولو - الأبيزا - البرايد - الكورسا - الفيستا - الجولف - الكليو)
ولو استبعدت ولاد عمها هيتبقي (البرايد - الكورسا - الفيستا - الكليو)
كل اللي اقدر اقوله كمقارنة بين العربيات دي ان الأبيزا الوحيدة بينهم اللي بتتميز بتوافر قطع الغيار جديد ومستعمل وبأسعار مناسبة جداً
ثانياً تقرير عن الأبيزا 94
طبعا مش هقدر اكتب تقرير مفصل
العربية نزلت استوك بمحرك 1300 سي سي كربراتير -
واقصي كماليات 2 زجاج كهرباء - سنتر - جنوط 14 حديد - فوجات - مانزلش منها مكيف ولا باور
شائع جدا فيها التسقيط وانسب محرك لا يؤثر علي اساسيات العربية او يعيبها محرك الجولف 3 ال1.4 spi او محرك البولو 1.4 mpi
بيركبلها تكييف وباور عادي جدا ولا يؤثر علي الأداء مطلقاً
ثالثاً استخدامك اليومي للعربية
العربية مناسبة جداً لشاب او لأسرة صغيرة
معدلات استهلاك بنزين سواء بالمحرك الكربراتير او النص أنجيكشن او حتي الأنجيشكن الكامل أقل مما تتصور
كسفر ورحلات - شنطتها صغيرة الحجم لا تسع لأكثر من حقيبتين من الحجم المتوسط - ولكن كسرعات ومسافات فتستطيع الأنطلاق بسرعة قصوي تصل الي 155 كم/ساعة ولمسافات طويلة جداً كأي سيارة عائلية
لو عايز اي حاجة تاني او عندك اي استفسار - علي الرحب والسعة
ولا تتردد في السؤال
تحياتي
28.000 يجيبو ابيزا 98 موصفاتها ايه النت عليه كلام كتييييير
تسلم ايدك مهندس محمد ع الشرح الجميل والمتميز الحقيقة
في ظل الاسعار الحاليه السيارة ابيزا 94 بسعر 25-27 بتبقى سيارة متهالكه وبتبقى عايزه شغل ..