ابقي محترم مش نافع ابقي قليل الادب نافع!!

انا مش عارف هوا لازم الواحد يعني يقل ادبه علشان غيرة يتظبطوا معاه
النهارده كنت هلبس مرتين بس الحمد لله ربنا بيسترها
المرة الاولي طالع من النفق وداخل الملف واذا افاجئ بيمكروباص جاي عكس الاتجاه قمت كابس علي الفرامل لقيته بيوسعلي وبيقلي خش كده وخلص :oops1:
روحت في سري قولت نعم واعصابي فارت روحت مبطل العربيه وطافي النور ومنيم الكرسي وعايش حياتي وويزمر لحد اما الناس اجمعت بتاع 15 واحد وبيقلي جدع وخليك كده وحاسب ليعورك والله ياريت الناس كلها زيك
بعد اما رجعته لقيته راجل بناع 50 سنه كلمته حسيته شارب
وبيقولي الثورة فشيييييييينك وبايظه
روحت قلتله مش هتفرق معاك في دقبقه ياحج
بعد اما عديت شتم كنت لسه قريب منه روحت طالع من الشباك وقيله روح العب في ......... *...... برحتك بعيد عني ياروح ام.
راح شاتم روحت اقيله انتم ولاد 60*70 وولاد ..................
وراح ماشي ومشييت
انا بصراحه زعلت
لاني عمري ما شتمت حد اكبر مني
وكمان كان معاه مراته
فالتهزيق علي عينه
______________________________
التوكتوك ماشي في شارع المحافظه عند المحافظه بالظبط المفروض الطريق في الحته دي مزدوج لقيت الي قدامي حدف فاجئه والقي في وشي توك توك طاير قمت حادف زيه وبتاع السيراتو الي ورايا كان خلاص قلت هيلبس فيه وكلنا شتمناه بالكلاكس وانا فكرت الف واقلبه التوك توك بتاعه ده واخليه يقول ياريت الي جري مكان:36_2_49[1]: لاني لسه مخبوط من تروسيكل قريب فمن سعتها وانا ممكن ارتكب جنايه
______________________________________
انا حزين من حال البلد من امتي حالنا كده ا انا بقيت خلاص بكتسب وحشه الطريق واني هنزل هربي كل واحد مخالف وواخد كل حاجه علي اعصابي
وبحمد ربنا ان مش معايا سلاح لان لو معايا كان زماني قتلت الجوز مع بعض
صحيح ما موقفي القانوني لو عورت احد من دول؟؟؟؟؟
وهوا ليه المحترم مش نافع في البلد دي هوا لازم ابقي قليل الادب علشان الناس تعملي حساب واحترام
حسبي الله ونعم الوكيل

ياااااااااااااااااااااااا اااااااااااااه حضرتك قلبت المواجع عليا والله ده اللى بيحصل عندنا فى القاهرة وغيرها طيب قول انت فى مدينة جميلة بس صغيرة مش زى القاهرة احنا بقى تعمل ايه لو بتلاقى كل المشاكل دى ممكن تقابلك فى كل حتة بتمشى فيها دى بقت حاجة مقرفة جدا على فكرة فى خلال شهر 9 و10 بس عامل بتاع مثلا بتاع 4 او 5 خناقات وضرب ونرفزة اما خلاص اعصابى تعبت جدا لانى اصلا مش كده الحمد لله رب العالمين بعرف اخد حقى كويس بس فى الظروف اللى تدفعنى لكده للشديد القوى يعنى بس المعدل ده تعبللى اعصابى جدا وخلانى مش طايق حد وبقيت بتلكك لاى حاجة وبدات احس بكره ورفض شديد انى اعيش هنا الناس بقت وحشة جدا وانا مع الراى اللى بيقول ان الثورة لم تكمل بعد او صح ومش عايز ادخل فى سياسة لانى مش بحب اتكلم فيها ممكن يجيلى انهيار عصبى حاد بس دى الحقيقة الناس بعد الثورة بقت حرية وديموقراطية على الاخر قبل كده كان لازم تكون الايد من حديد موجودة مش قادر اقولك على اماكن شكلها ايه وبيدخلوا فيها عكس وطرق سريعة ومسببات لحوادث كتيرة يارب يهدينا ويصلح حالنا ده الدول الافريقية الفقيرة اللى بنقول عليهامتخلفة انا نفسى اعيش فى بلد فيهم هما والغرب بينفذوا كل تعاليم الاديان سواء الاسلام او المسيحية من الاخلاق فقط يغعنى برة فى افريقيا عندهم يوم السبت ده نص يوم عمل طب وبعدين ما ممكن اى حد يعمل كده ولكن نص اليوم الاول اللى هوة من الساعة 7 صباحا حتى 12 ظهرا ممنوع تخرج من بيتك الا فى الحالات الضرورة القصوى وليها شروط عندهم او خارج تنظف وللاسف معظم الجامعيين هما اللى بينظفوا وبيحافظو وبينهرو اللى يغلط بشدة من كتر حبهم فى بلادهم اسف للاطالة وربنا يهدى

تصدق بالله
انا اتخنقت من السواقة بسبب المواقف دي ومابقيتش اخرج بالعربيه غير للضرورة
والله وساعات بيبقي في مشاوير مهمه مش بروحها بسبب اني مش عايز اسوق
منهم لله المتخلفين كرهونا في اكتر حاجه بنحبها

الله المستعان هنعمل ايه بس

ربنا يسترها انا نويت اجيب بازوكا (ار بى جى ) ال يضايقنى اعديه بعدها افرقعه ونخلص هههههههههههه

ولسه التقيل ورااا هه

للأٍسف فئه كبيره من المجتمع شايفه انها فوق القانون لمجرد انها فقيره او مش متعلمه زي سواق الميكروباص اللي ناقم علي كل حد في الدنيا يوحي شكله انه مرتاح ماديا او سواقين التكاتك او الموتوسيكلات اللي مش مرخصه وبالتالي مش فارقه معاهم وثقافته محسساه انه صغير ومش لازم يلتزم بالقوانين

عادى يا برنس , انت فى مصر

بصراحه انا كنت مخنوووووووووووق جدااااا زيك كده ويمكن اكتر بس وصلت لحل والحمد لله مريحنى بعامل الناس بمعاملتهم يعنى واحد يجى مثلا يعدى عافيه من قدامى اقوله لا ده عند ....... واحد محترم لقيته مددينى اشاره استناه واحد عربجى بتاع ميكروباص يكبس وعايز يعدى عافيه بص بعند معااااه وبدخل وبقول فى سرى يااااارب يلمسها بس علشان انزل السوعه بالكرباج هههههههههه فااانت امشى بالطريقه ديه وهتلاقى نفسك مستريح ومدام ماشى صح خلاص والا يهمك

انا بمجرد ما بنزل الشارع بتخنق وبقول امتى اخلص مشواري وارجع عطلول
هل هي سلوكيات الناس او الزحمة او الاتنين الله اعلم
بس اكيد لو مفيش زحمة الناس مش هتضطر تخالف
بس عامة القاهرة بقت تخنق واعتقد البلد كلها برضه اتزحمت خلاص
بس لو جربت تروح سيناء مثلا وتكون حته مش سياحية
هتلاقي معاملة الناس حاجه تانية خالص لان البلد فاضية

اسمح لي ابدي اعجابي بقلمك وتميزك واسلوبك الراقي وتالقك

ياااااااه الاخوه الاعزاء لو يشوفوا الحال اليومين دول هيتمنوا يرجوا تاني ل ٢٠١٢
دا احنا في حاله يرثى لها والله
دلوأتي بقينا بنترجي اللي ماشي مخالف يوسعلنا في طريقنا....