الموضوع: حد عمل جوان وش سلندر للسراتو

نصيحة اعمله في التوكيل اديك عرفت السبب وانما متخليش اي حد ميفهمش يلعب في العربية

مش تكلفه ولا حاجه هتروح لميكانيكى بيفهم بس
هيفك نص الماتور الى فوق
ويشوف عاوز يتخرط ولالا والخرط هيتكلف بتاع 170 الى 200 لو غالى الخراط تمام
هيديك الجوان
تنزل تجيبه من اى محل قطع غيار بس ياريت لو تجيبه اصلى مش تقليد ومش هتلاقيه غالى
تمام
جركن زيت وفلتر والمصنعيه بتاعت الميكانينكى من 200 الى 250 مده العمل بالكثير يوم او 2 لان الفك متعب شويه عشان هيفك النص الى فوق عشان يطلع الجوان
ده معرفتى بالجوان بيتعمل ازاى
واعتقد ماتورالسيراتو قريب من الالنترا
يعنى نفس النص المقرف الى هيتفك فوق هو هو

وبعد ما تخلص
يومين او 5 ترجعله تانى يقرط على المسامير عشان تكون طبعت معا الجوان ومش يحصل تسريب تانى

الحمد لله انك عرفت السبب , انا كنت قلت لحضرتك فى مشاركة قبل دى اسحب مقياس الزيت و شوف لونه
متقلقش الموضوع سهل اهم حاجه انك تجيب الجوان من التوكيل عشان اى حاجه غير الاصلى بالذات جوان وش السلندر هيضرب تانى و بدون سبب
هتروح لحد بيفهم بيفك النص العلوى للمحرك يعنى بيكشف وش السلندرات و بتكون باينه قدامك بيكحت الجوان القديم لانه بيكون لزق من الحرارة و بينضف مكانه كويس جدا لازم يخلى السطح اللى بيبات فيه الجوان مستوى و نضيف جدا عشان اى حته عاليه او واطيه بتسسب فى دخول الياه على الزيت لان وظيفه الجوان ده اصلا انه هو الحد الفاصل بين المياه و الزيت فلما بيضرب بتتسرب المياه للداخل و بتمتزج بالزيت و بيحصل الطحينه
بعد كده بيصفى الطحينه دى و بيركب الجوان و يقفل و بيحط 3 كيلو زيت من الرخيص و يدور العربية كذا ساعه عشان الزيت الجديد يلم و يغسل رواسب الطحينه المتبقيه جوا المحرك و ينزله
خليه يكرر الموضوع ده 3 مرات لو امكن عشان تضمن تنظيف كامل للمحرك من الداخل هيقولك ياباشا كفايه مره قله انا اللى بشترى الزيت هو يحط و يدور وبس و يصفيه
بعد كده هتجيب الزيت بقى اللى انت عاوز تحطه اصلا و تجيب معاه فلتر جديد عشان الفلتر باظ و اتوسخ جامد طبعا من اللى حصل ده
هيحط الزيت و الفلتر و يقفل و تمشى بالعربية اسبوع كأنك فى فتره التليين بدون قرص و ترجعله تانه يقرط على المسامير اللى ماسكه الجوان هو بيسيب فيها خلوص عشان الجوان يطبع فى مكانه صح وخلاص كده :)
لازم تعمل الحوار ده فى اقرب وقت عشان الزيت اصلا كده فاقد خواصه و المياه ممزوجه بيه يعنى كثافته بقت اتقل و ده بيسبب حمل على طرمبه الزيت و ممكن تضرب هيا كمان و العربية بتسخن عشان المياه بتروح على الزيت مش فى المسار الطبيعى ليها فمش بتبرد المحرك , لازم يتغير فى اسرع وقت و ياريت تركنها و توديها متشاله و متسقهاش و هيا كده

المشاركة الأصلية كتبت بواسطة temo85

الحمد لله انك عرفت السبب , انا كنت قلت لحضرتك فى مشاركة قبل دى اسحب مقياس الزيت و شوف لونه
متقلقش الموضوع سهل اهم حاجه انك تجيب الجوان من التوكيل عشان اى حاجه غير الاصلى بالذات جوان وش السلندر هيضرب تانى و بدون سبب
هتروح لحد بيفهم بيفك النص العلوى للمحرك يعنى بيكشف وش السلندرات و بتكون باينه قدامك بيكحت الجوان القديم لانه بيكون لزق من الحرارة و بينضف مكانه كويس جدا لازم يخلى السطح اللى بيبات فيه الجوان مستوى و نضيف جدا عشان اى حته عاليه او واطيه بتسسب فى دخول الياه على الزيت لان وظيفه الجوان ده اصلا انه هو الحد الفاصل بين المياه و الزيت فلما بيضرب بتتسرب المياه للداخل و بتمتزج بالزيت و بيحصل الطحينه
بعد كده بيصفى الطحينه دى و بيركب الجوان و يقفل و بيحط 3 كيلو زيت من الرخيص و يدور العربية كذا ساعه عشان الزيت الجديد يلم و يغسل رواسب الطحينه المتبقيه جوا المحرك و ينزله
خليه يكرر الموضوع ده 3 مرات لو امكن عشان تضمن تنظيف كامل للمحرك من الداخل هيقولك ياباشا كفايه مره قله انا اللى بشترى الزيت هو يحط و يدور وبس و يصفيه
بعد كده هتجيب الزيت بقى اللى انت عاوز تحطه اصلا و تجيب معاه فلتر جديد عشان الفلتر باظ و اتوسخ جامد طبعا من اللى حصل ده
هيحط الزيت و الفلتر و يقفل و تمشى بالعربية اسبوع كأنك فى فتره التليين بدون قرص و ترجعله تانه يقرط على المسامير اللى ماسكه الجوان هو بيسيب فيها خلوص عشان الجوان يطبع فى مكانه صح وخلاص كده :)
لازم تعمل الحوار ده فى اقرب وقت عشان الزيت اصلا كده فاقد خواصه و المياه ممزوجه بيه يعنى كثافته بقت اتقل و ده بيسبب حمل على طرمبه الزيت و ممكن تضرب هيا كمان و العربية بتسخن عشان المياه بتروح على الزيت مش فى المسار الطبيعى ليها فمش بتبرد المحرك , لازم يتغير فى اسرع وقت و ياريت تركنها و توديها متشاله و متسقهاش و هيا كده

يا باشا الف الف شكر على المعلومات اللى اول مرة اعرفها والسؤال بقلى اجيب الجوان منين يعنى فين اقرب توكيل لكيا فى وسط البلد او فى الهرم وفيصل او موزع معتمد وشكرا مرة تانى

المشاركة الأصلية كتبت بواسطة haissam24h

مش تكلفه ولا حاجه هتروح لميكانيكى بيفهم بس
هيفك نص الماتور الى فوق
ويشوف عاوز يتخرط ولالا والخرط هيتكلف بتاع 170 الى 200 لو غالى الخراط تمام
هيديك الجوان
تنزل تجيبه من اى محل قطع غيار بس ياريت لو تجيبه اصلى مش تقليد ومش هتلاقيه غالى
تمام
جركن زيت وفلتر والمصنعيه بتاعت الميكانينكى من 200 الى 250 مده العمل بالكثير يوم او 2 لان الفك متعب شويه عشان هيفك النص الى فوق عشان يطلع الجوان
ده معرفتى بالجوان بيتعمل ازاى
واعتقد ماتورالسيراتو قريب من الالنترا
يعنى نفس النص المقرف الى هيتفك فوق هو

وبعد ما تخلص
يومين او 5 ترجعله تانى يقرط على المسامير عشان تكون طبعت معا الجوان ومش يحصل تسريب تانى

تمام كلامك لانه قالى انه نفس ماتور الالنترا ونفس حاجته وقالى كمان حتلى الفلتر بتاع الزيت واحد وقالى انا اشتغلة فيه كتير قبل كده ومتشكر على الافاده

المشاركة الأصلية كتبت بواسطة sewefy

يا باشا الف الف شكر على المعلومات اللى اول مرة اعرفها والسؤال بقلى اجيب الجوان منين يعنى فين اقرب توكيل لكيا فى وسط البلد او فى الهرم وفيصل او موزع معتمد وشكرا مرة تانى

العفو ياباشا اى خدمه
فى فرع روكسى و فى فرع ابو رواش و فى فرع القطامية كلهم eit وكيل كيــا

المشاركة الأصلية كتبت بواسطة moha4tec

و الله مشاركات محترمه و 100%
و كلام يتدرس فى افضل مكان .

انته اخبرك ايه وعاوزين نشوفك تانى بس افضى من صيانة العربيه ونتقابل ان شاء الله وفعلا مشاركات ممتازه وكفاية انها تعرف الواحد اية الصح وايه الغلط