بعد التحيه ،
الموديل ده كوده e38 و تم انتاجه من 1994 حتى 2001 ...
اعداد هذا الموديل فى مصر محدوده جدا و الموجود مستورد المانى لان ابو الفتوح لما ابتدا التجميع كان من 1999 لل 318 فقط ثم ال 520... و فى ذلك الوقت كان سوق الفئه السابعه تحديدا بيعا/شراء ضعيف جدا جدا لان المرسيدس كانت واكله السوق من الخمسينات ...
كذلك الموديل ده يعتبر قديم و من الصعب جدا انك تلاقى حاجه نظيفه و ماشيه كم معقول ... و لو حضرتك وجدت الحاله الجيده + كم معقول حتتعب فى قطع الغيار و الصيانه لانها غير موجوده بالصوره الكافيه ، كذلك حتتعب جدا و تخسر كثيرا عند اعاده البيع ...
انا فى رأى انها مخاطره كبيره بال 150 الف جم على حاجه قديمه 18 سنه حتى لو بى-ام لان فيه فارق شاسع جدا بينها و بين الموديلات اللاحقه مثل e65 , f01 ... او حتى باقى الموديلات الحديثه من الفئات مثل ال 3 و 5 ...
الافضل لك انك تزود 10/15 الف على المبلغ ده و ابحث عن 320 مو 2006 حاله جيده افضل و احدث و اضمن ...
تحياتى ...
المفضلات