لخبراء و أعضاء المنتدى الكرام .. نيسان صني سوبر صالون 2013 ولا فلونس اول فئه اتوماتيك

**thisisman** · 03-11-2012 09:49 AM

المشاركة الأصلية كتبت بواسطة mohab.nabil

مش فاضية اوى يا باشا هى فيها abs&ebd&2 airbags اللى هم اهم حاجة

بعد كده ايه الفرق ؟ انا بصراحة مش حافظ الفرق بين الاثنين بس اظن هيبقى الفاميه مثلا و السبويلر و الجنوط كلها حاجات مقدور عليها .. خد بالك ان اول فئة فى الاوروبى مش بتبقى منفضة خالص زى اول فئة فى الكورى و اليابانى لا فيه minimum standards العربيات الاوروبى مش بتقدر تنزل عنها

هممم حضرتك برضه ضيف عليهم فوانيس شبورة , طارة ملتي ( مش عارف موجوده في الفلونس ولا لا ) , بلوتوث , دواخل نيكل ( برضه مش عارف دي في الفلونس ولا لا ) , مرايات ضم , usb , مروحة خلفية للتكيف + الحاجات الي حضرتك قلت عليها ^^

**thisisman** · 03-11-2012 09:53 AM

المشاركة الأصلية كتبت بواسطة ahmed a.maksoud

فليونس بدون أدنى تحيز..........

بغض النظر عن الكماليات سواقتها أحسن من الصني و خصوصاً الثبات.

الصني سحبها أحسن شوية و تكييفها تلاجة.........دول أكتر حاجتين يشدوا فى الصني عن الفليونس بس فى الباقي الفليونس تكسب.

طب حضرتك فيه معلومة بتقول ان احسن فتيس في الاوتوماتيك هو الفتيس الياباني , ايه راي حضرتك ؟

**thisisman** · 03-11-2012 09:55 AM

المشاركة الأصلية كتبت بواسطة hosam_optrawy

انا مابتكلمش على السعر , انا اقصد الفئه الحجميه

العربيات متقسمه لفئات واحجام , الصنى subcompact تتقارن بالاكسنت والريو والسيتى والياريس والسونيك

يعنى ملهاش علاقه بالفلوانس خالص , العربيه اللى توازى الفلوانس فى نيسان هى السيلفى بلو بيرد

تمام حضرتك انا كان في دماغي مقارنة الامكانيات . دا غير ان الصني الجديدة واسعه جدا بشكل انا مكنتش مصدقه

**Hosam_Optrawy** · 03-11-2012 03:39 PM

المشاركة الأصلية كتبت بواسطة thisisman

تمام حضرتك انا كان في دماغي مقارنة الامكانيات . دا غير ان الصني الجديدة واسعه جدا بشكل انا مكنتش مصدقه

عموما الفلوونس فيها الكماليات الاساسيه و 2 ايرباج و abs ebd ba ومثبت سرعه

اكبر عيب ان مفيهاش جنوط ودى مقدور عليها

بالتوفيق

**Ahmed Selim** · 03-11-2012 11:09 PM

المشاركة الأصلية كتبت بواسطة thisisman

طب حضرتك فيه معلومة بتقول ان احسن فتيس في الاوتوماتيك هو الفتيس الياباني , ايه راي حضرتك ؟

يا فندم مفيش حاجة مطلقة.........يعني مفيش حاجة أسمها أحسن فتيس فتيس الياباني

ممكن تقول أحسن فتيس هو فتيس نسيان ال cvt و هقولك ماشي كلامك صح........بس ياباني و خلاص كده مينفعش......و اكبر دليل فتيس ال MMT بتاع تويوتا.

على العموم هو فتيس الصني حلو و مفيهوش مشاكل واضحة مع ان العربية جديدة لسه بس فى العادة فتيسات نيسان مفيش منها قلق.

و برضه فتيس الفليونس من 2010 لحد دلوقتي محدش أشتكى منه.

على فكرة فتيس الفليونس الفيس لفت اللى هتنزل 2013 هو فتيس نيسان ال CVT.

سيبك من الكلام ده كله و شوف أسعار الصيانة وقطع الغيار للأتنين و شوف هل هتقدر على أسعار صيانة و قطع غيار الفليونس ولا لأ...........لو هتقدر يبقى توكل على الله.

و ممكن تكلم 16202 و تحجز تجربة قيادة للفليونس علشان تجربها بنفسك.

بالتوفيق إن شاء الله.