الموضوع: عايز اجيب عربيه و محتار

لازم تحدد ماركه معينه حضرتك تحب تركبها وقطع غيارها تكون فى متناول ايدك على حسب ماتقدر تشترى قطع غيار
وممكن تكون قطعه الغيار غاليه بس معمره
فلازم حضرتك تدور وتحدد بنفسك

لو دى اول عربيه ما تجيبش عربيه زيرو من اولها لان حضرتك هتكون لسه خبرتك قليله فى السواقه فوارد جدا ان العربيه تتخبط من حضرتك و انت بتركن مثلا او فى السواقه تتأخر فى نقل الغيارات او ما تدوسش على الدبرياج للآخر فالعربيه تجيب ديسك و اسطوانه بسرعه. دى أمثله للحاجات اللى معظم الناس بتعملها فى البدايه و على ما تتمكن من السواقه تكون العربيه الزيرو حصل فيها بعض الخسائر تقلل من تمنها شويه كويسين. الأنسب لحضرتك تشوف عربيه مستعمله تكون حالتها كويسه و سعر اعاده بيعها ممتاز علشان ما تخسرش فيها لما تبيعها تركبها سنه و لا حاجه تتعلم عليها كويس و تاخد فكره عن الميكانيكا و بعد كده تبيعها و تشترى زيرو لو حبيت او تكمل بيها زى ما انت تفضل بعد استخدامها و من الامثله للعربيه دى الحاجات المنتشره فى الشوارع زى اللانوس و الفيرنا و الحاجات دى و اهم حاجه تكشف عليهم فى توكيل او مركز معتمد كشف شامل علشان تطمن للحالة الفعليه للعربيه و بالتوفيق

smsm
ماهو انا لو حددت هحدد بالشكل الى يعجبنى .. وانا مش عاوز اختار بالشكل عاوز الكفائه .. بس عموما عاوز حاجه كورى كويسه والموديل حديث فوق 2005 .. ومن حيث قطع الغيار تكون متوفره واسعارها معقوله

Land_Cruiser
انا فعلا مش ناوى اجيب زيرو .. بس برضك عاوزها موديل حديث .. لانى مش هبيعها بعد سنه .. عاوزها تفضل معايا 4 او 5 سنين وتكون تمام
انا فعلا فكرت فى الفيرنا بس لاقيت ان ممكن اجيب بنفس التمن i10 موديل احدث من الفيرنا
ايه رأيك فيها

i10 جميلة بس قطع غيارها غالية

لو مستعمل : لانوس
والله اعلم ..

ممكن تشتري لانوس مثلا او فيرنا و تلك السيارات هم الافضل في مجال تعلم القياده

المشاركة الأصلية كتبت بواسطة dr-capoo

Land_Cruiser
انا فعلا مش ناوى اجيب زيرو .. بس برضك عاوزها موديل حديث .. لانى مش هبيعها بعد سنه .. عاوزها تفضل معايا 4 او 5 سنين وتكون تمام
انا فعلا فكرت فى الفيرنا بس لاقيت ان ممكن اجيب بنفس التمن i10 موديل احدث من الفيرنا
ايه رأيك فيها

ال i10 فئه اصغر و شنطتها صغيره و قطع غيارها أغلى و بيعها أصعب من الفيرنا و اللانوس و حضرتك لازم تبقى حاطط فى اعتبارك انك عايز حاجه تقعد معاك شويه و لما تقرر تبيعها تعرف تبيع بسهوله و ما تخسرش فيها. كمان فى نقطه تانيه ال i10 هتتعب علشان تلاقى فيها حاله كويسه فعليا نظرا لان الفئه دى اللى بيشتروها فى الاغلب ستات او ممكن شباب فى الجامعه مثلا لانها ما تنفعش تبقى عربيه اسره و النوعين دول من الاستخدام بيخلوا حاله العربيه تعبانه فى الاغلب الستات هتلاقى العربيه متشلفطه بالنسبه للصاج و الشباب هتلاقيها متشلفطه كموتور . طبعا ده الاغلب لكن لكل قاعده استثناء و بالتوفيق لما فيه الخير