تكييف للبيت؟؟؟

**Mahmoud Saloum** · 03-11-2012 05:11 AM

المشاركة الأصلية كتبت بواسطة aif

السقفي موجود في شارب لكن في الاحجام الكبيرة 4 و 5 حصان
والسقفي مش ميزة زي ما انت متخيل
انا عندي سقفي وعندي حائطي علوي وعندي شباك وعندي حائطي ارضي ( القديم )
الحائطي العلوي افضل من الباقي
وعندي شارب وكارير وسامسونج ويورك
الشارب افضلهم يليه الكارير
الشارب والكارير سعرهم متقارب
السامسونج تبريده رائع لكن تحكمه في درجة الحرارة مش ثابت .... بيبقى مش كويس في غرف النوم خصوصا
الضمان والصيانة الشارب 5 سنوات ضمان حقيقي ومرة غيرولي بوردة التحكم كلها مع ان الكهربائي عندي هو اللي وصل توصيلات غلط .... وجم غيروها ببلاش ولا حد منهم حتى حاول يماطل مع انهم لو كانو قالو ده سوء استخدام كنت ح ادفع تمنها .... تمنها 800 جنيه تقريبا
....
م الآخر الشارب الحائطي العلوي 2.25 حصان هو الافضل على الاطلاق في الفئة دي
لو ح تجيب حاجة ياباني مستورد ده فئة مختلفة

ده الكلام اللى من الأخر لا تسأل و لا تدور بعده
زى الاستاذ أحمد ما قال يا شارب يا كاريير والاتنين سعرهم واحد انما لو عايز حاجة سعرها ارخص يبقى اليونيون اير بس مشكلته انه ناس بتشكر فيه وناس بتذم فيه.
للعلم ضمان شارب خمس سنين على الجهاز كله انما كاريير خمس سنين على الكباس وسنة واحدة على الوحدة الداخلية و مركز خدمة شارب افضل بمراحل من اى مركز خدمة لاى تكييف أخر.
.

**lonedoctor** · 03-11-2012 06:01 AM

خليك فى كارير اخى الكريم الالن هو الافضل فى السوق اما الباقى ففيه مشاكل كثيرة نصيحة اخوية ولك مطلق الحرية فى اتخاذ القرار طبعا

**Mustafino** · 03-11-2012 10:29 PM

أنا متشكر قوى قوى يا جماعة و أسف إذا كنت أتاخرت فى الرد عليكم لظروف سفرى للإسكندرية فى مهمة عمل... ربنا يسهل، يبقى كدا تقريباً هجيب كاريير و ربنا يكرمنى فيه، الحقيقة المعظم بيشكر فيه و اللى مابيشكركش مابيزمش بيقول جهاز عادى، لكن كتير بصراحة تلاقى ناس بيشتكوا من يونيون أير مع وجود البعض بيشكر فيه!!!
متشكر جدا أهتمامكم...

**chicobon** · 04-11-2012 12:09 AM

يونيون اير جميل و شغال و سعره اقل من شارب

**Elawany13** · 04-11-2012 10:02 PM

الأسعار منزلتش شويه عن الصيف والحر ورمضان؟
طبعا سؤال خيالى وعارف الإجابة مسبقاً
هههههههههه

**bobbozo4b** · 26-12-2012 12:11 PM

عن تجربةالترتيب التالى
مع الشارب والكارير والباور واليونيون اير
شارب صوت هادى تبريد ممتاز تحكم ممتاز صيانة ممتازة
كارير صوت هادى "صوت عالى فى القدرات الاعلى" تبريد ممتاز تحكم ممتاز صيانة جيد
الباور صوت عالى تبريد ممتاز تحكم جيد صيانة سيئه
اليونيون اير صوت متوسط تبريد جيد تحكم جيد صيانة جيد "بعض الوحدات بها عيوب "

**شريف** · 26-12-2012 02:38 PM

عديت علي شمس اللي في المعادي عندة sharp preumuim plus digital screen cold & hot 5250
و ال plus العادي ارخص 300 بدون الديجيتال بس مش موجود
ز الكاريير ب 5100 ال xpression

**ahmed_m_ashraf** · 26-12-2012 09:00 PM

باشا حضرتك مش بتركب تكيف كل سنه، مينفعش نغشك وردود الناس واضحة.
أنا عندي كارير وشارب، الشارب أفضل والكارير دلوقت مبقاش زي زمان. اليونيون إير سمعت منه شكوى كتير بعد إستخدام سنتين وطالع. الأنواع التانيه مش منتشره وتجيبش حاجة مش منتشرة. الأمريكوول كان عندنا في الشغل زباااااااله. أسمع إن السامسونج ممتاز وكوري بالكامل. رأي الشخصي عن تجربة: شارب وشوف السامسونج نظامه إيه.