الموضوع: عايز افوق العربيه

المشاركة الأصلية كتبت بواسطة bor3ey

اولا مبروك :) ثانيا العربيه دي انا بحترمهاااااا جدااااا ماشاء الله ثالثا بقي ان شاء الله الهونداويه يفيدوك بقي انا قولت ادخل ابارك بس d:

الله يبارك فيك ياباشا.... :) ... ده بس من ذوقك والله

فلتر بنزين ----بوجيهات----زيت ماتور---زيت الفتيس---فلتر هواء بس لو سليم نضفة بل الهواء----تنضيف الحساسات---تنضيف الراشاشات ----واكشف على السيور كلها---غير سير كاتينة و البلية كمان واهم حاجة تكون البلية الاصلية "يا رب اكون ادرت افيدك "

مبروك عليك العربية ياباشا وربنا يكفيك شرها

بالنسبة للحاجات المطلوبة اكيد زى ما الاستاذ Mhmdz قال

وبالنسبة لقطع الغيار فى المنصورة مفيش غير اتنين الشعراوى ودا فى عبد السلام عارف ورا توكيل منصور شيفروليه والتانى اسمه البيار او الجيار مش متأكد من الاسم بس هوا فى الحسيسنية
بس نصيحة منى الاتنين تعبانين ومش هتلاقى كل اللى انت عاوزه هناك واسعار غالية
فا الاحسن انك تشوف كل الحاجات اللى العربية محتاجالها وتنزل تجيبها مرة واحدة من الحرفيين من عند مجدى الدسوقى او تنزل بورسعيد

وبالنسبة للميكانيكية فى المنصورة مفيش حد متخصص هوندا زى فى القاهرة
بس لو مش هتقدر تنزل القاهرة
انا بعمل كل السيرفس بتاعة عربيتى عند ميكانيكى شاطر فى الحسينية هوا مش تخصص هوندا بس شغله كويس جدا ونضيف وعنده ضمير
لو عاوز تروحله قولى وانا اديك رقم تلفونه

المشاركة الأصلية كتبت بواسطة Mhmdz

فلتر بنزين ----بوجيهات----زيت ماتور---زيت الفتيس---فلتر هواء بس لو سليم نضفة بل الهواء----تنضيف الحساسات---تنضيف الراشاشات ----واكشف على السيور كلها---غير سير كاتينة و البلية كمان واهم حاجة تكون البلية الاصلية "يا رب اكون ادرت افيدك "

الف شكر ياباشا .. :) .... المشكله بقى الحاجات دي هتتعمل فين

المشاركة الأصلية كتبت بواسطة matrix_87

مبروك عليك العربية ياباشا وربنا يكفيك شرها

بالنسبة للحاجات المطلوبة اكيد زى ما الاستاذ Mhmdz قال

وبالنسبة لقطع الغيار فى المنصورة مفيش غير اتنين الشعراوى ودا فى عبد السلام عارف ورا توكيل منصور شيفروليه والتانى اسمه البيار او الجيار مش متأكد من الاسم بس هوا فى الحسيسنية
بس نصيحة منى الاتنين تعبانين ومش هتلاقى كل اللى انت عاوزه هناك واسعار غالية
فا الاحسن انك تشوف كل الحاجات اللى العربية محتاجالها وتنزل تجيبها مرة واحدة من الحرفيين من عند مجدى الدسوقى او تنزل بورسعيد

وبالنسبة للميكانيكية فى المنصورة مفيش حد متخصص هوندا زى فى القاهرة
بس لو مش هتقدر تنزل القاهرة
انا بعمل كل السيرفس بتاعة عربيتى عند ميكانيكى شاطر فى الحسينية هوا مش تخصص هوندا بس شغله كويس جدا ونضيف وعنده ضمير
لو عاوز تروحله قولى وانا اديك رقم تلفونه

الله يبارك فيك ياباشا...ربنا يكرمك...طب والميكانيكي ايه نظامه ؟؟ حراق ولا ايه؟؟؟ و عربيتك انجكشن ولا كربرتير؟؟ :) .... المشكله ان العربيه مثلا تحتاج تيل خلفي... هضرب مشوار بورسعيد عشان طقم تيل؟
ياريتها تطلب كل حاجه مره واحده

المشاركة الأصلية كتبت بواسطة م/اكرم

الله يبارك فيك ياباشا...ربنا يكرمك...طب والميكانيكي ايه نظامه ؟؟ حراق ولا ايه؟؟؟ و عربيتك انجكشن ولا كربرتير؟؟ :) .... المشكله ان العربيه مثلا تحتاج تيل خلفي... هضرب مشوار بورسعيد عشان طقم تيل؟
ياريتها تطلب كل حاجه مره واحده

بص ياباشا بالنسبة للميكانيكى هوا تمام ومتقلقش منه ومش حراق ولا حاجة

وبالنسبة لقطع الغيار انا كان قصدى على الحاجات المهمة ولو كمية انما الحاجات البسيطة دى موجودة
وفى كمان صحيح محل قطع غيار بيبيع هوندا اسمه احمد الباز فى الحسينية بس على قده برضه

وبالنسبة لعربيتى فا هيا كربرتير ex مش si