الموضوع: فكرة لعزل الأرضى من الشقة للمتخصصين فى الكهرباء

معلومات مهمه فعلا
شكرا للكل

المشاركة الأصلية كتبت بواسطة sas5

شكرا على المعلومات الحلوه
ولكن نريد الزبده من الاخر - ما اسهل حاجه يمكن نعملها لو الشقه متشطبه وشغل الكهرباء فيها خالص وبيفضل عدم التكسير

1- لوحة 24 خط غير العمومي - من إنتاج شركة ( ثري برازر ) وتقريبا بقى إسمها مختلف وهتلاقيها عن محل الباشا أو أي حد جنبه - سعرها 170 جنيه

2- بارة نحاس علشان تثبت عليها القواطع ( الأوتوماتيكات )

3- مفتاح عمومي MCCB أو حتى MCB - قدرته 100 أمبير

4- عدد 5 قواطع ( أتوماتيك ) ضد التسريب RCCB or RCD or RCBO بقدرات 15و 20و 32 وحساسية 30 ملل أمبير

5- عدد 4 قواطع ( أتوماتيك ) ضد التسريب RCCB or RCD or RCBO بقدرات 10و 15و 20و 32 وحساسية 100 ملل أمبير

6- عدد 6 قواطع ( أتوماتيك ) عادية نوعية MCB بدون حساسية تسريب - وبقدرات 10و 15و 20و 32



- توصل وحدات الإنارة والأحمال البعيدة عن متناول الإيد على الأوتماتيكات اللي بحساسية 100 ملل أمبير

- توصل أي جهاز فيه تعامل مع المياه وتوصل الفيش كمان ( لأنك مش عارف إيه الجهاز اللي هيركب عليها ) وتوصل المكيفات لو ممكن الإيدين توصلها - كل ده توصله بالأتوماتيكات اللي بحساسية 30 ملل أمبير

- تخلي القواطع العادية إحتياطي ولو فيه دائرة بتفصل كل شوية وانت مش هتقدر تعالج المشكلة دلوقتي والأجهزة اللي عليها بعيدة عن متناول الأيدي - تخلي الدائرة متوصله على القواطع العادية دي مؤقتا


بعد كده إن شاء الله ما فيش قلق

يمكن الموضوع يصرف عليك في حدود 2000 جنيه طلبات لكن مش هيفرقوا كتير بالمقارنة بأهميتهم وبالمقارنة بثمن الشقة وتكلفة التشطيب التانية واللي هتعدي الأربعين ألف جنيه

تقبل تحياتي