الى اهل الخبره امامي كورولا 98 عيون مانيوال رشه بره بس تكييف شغال هاف باور زجاج يدوي و مفيش سنتر حاله الموتور جيده ومعروضه علي ب 46000 هل ده مناسب و الا لأ
عرض للطباعة
الى اهل الخبره امامي كورولا 98 عيون مانيوال رشه بره بس تكييف شغال هاف باور زجاج يدوي و مفيش سنتر حاله الموتور جيده ومعروضه علي ب 46000 هل ده مناسب و الا لأ
مفيش حاجة اسمها هاف باور
الدركسيون يا باور ( طرمبة وزيت وخراطيم واسكاترا باور ) يا اما بدون باور
كون الدركسيون بيكون خفيف في العربيات الصغيرة ده مش معناه انه هاف باور ولكن الاسطورة المصرية هى اللى قالت كدة ..
بالنسبة للسعر اعتقد الموديل بتاع العيون بالذات سعره اقل من كدة
جزاك الله خيرا اخي عمرو
معلشي انا بانقل كلام صاحبها لاني لسه ما شفتهاش هو بيقول على اسكاترا بس الباقي ما قالهوش..... انا لقيت السعر في مواقع البيع ممكن يعدي ال50 او يقل بسيط علشان كده قلت اسألكم هنا افضل على السعر الحقيقي و المعقول لها .......................يعني اتكلم معاه في كام
انا كان معايا نفس الموديل بس فول اوبشنز مانيوال وبعتها ب46 بعد ما اختى خيشت كام مره بيها.
بس بصراحه لو حالتها كويسه تبقى لقطه لان العربيه دى موفره فى كل حاجه وحمالة اسيه ومظلومه
بس اكشف عليها كويس
اكشف علي دواخـل العربية كويس واتاكد من حالتها وحالة الماتور
ولو تمام خلص علي 42 او 43 الف
وربنا يوفقك للخير ..
العربية د غالبا كانت أقل موديل في العيون ...
كانت كوتشها أصغر وفيها تكيف بس ...إكصدام اسود كله ...
لأن اللي بعديها كانت فيها تكيف وباور ....إكصدام لونين ...
وإللي أعلي كانت تكيف وباور وسنتر وإزاز كهرباء ....إكصدام لونين ...
الأسعار في الزيرو كانت ٤٨ ألف لأول وحدة و-٦٣ ألف لأخر وحده ...
عربيه ممتازة وعمرها ما ذعالتني ولسة معايا لحد دلوقتي من الزيرو تالت وحدة ....
بالنسبة للسعر المعروضه دي أقل واحده فيهم فخلي بالك من النقطة دي وأنت بتقارنها بغيرها ويكون الحكم ساعتها حسب الحاله حتي لو أنا فاكر صح الفتيس أربع نقلات أمامي مش خمسة ...
جززاكم الله خيرا اخوتي الفضلاء على اهتمامكم و ردكم و انا اللي كنت فاكر انها لقطه بالسعر ده.... انتم وضحتم حاجات كثيرة كانت خافيه عني بارك الله فيكم