بيعجبني فيك انك رزين وعاقل :)
عرض للطباعة
اي موتور بيكون فيه عوامل (engine parameters) كتير جداً داخلة في معادلة العزم ومعادلة القوة ، لكن مش العزم والقوة بس هما الخارج الناتج من الموتور ، لأ دة كمان فيه حاجات تانية ذي العادم ومركباته ،واستهلاكه للطاقة، والحرارة و أماكن تركيزها وتوزيعها على أجزاء المحرك وأنابيب العادم ، والصوت ، والإهتزاز ، والنعومة وسلاسة الأداء، حاجات كتير جداً بتطلع من المحرك
ده كلام أستاذ farahat
الحكاية مش سهلة زي ما حضرتك فاهم
حضرتك فيه عربيات VW و audi بتزيد أكتر من 60 و 80 hp
و في مصر على فكرة
تفتكر حضرتك ده مجرد فك لحماية المحرك :)
ممكن ابعتهملك على الخاص عشان ميعتبرش إعلان
خلينا على العام واوضحلك اكتر المرسيدس c280 لوكد على سرعة ٢٥٠ مع ان العربيه محركها يوصلها ل٢٩٠ بس اتفاقية السلامه العالميه قفلت كل سيارات الركوب على وفى بعض الافاضل بيفكو اللوك بنصاحة المصريين الغير منطقيه واي تغير فى الاداء الاصلى بيتسبب فتغير جميع نسب استهلاك العربيه للبنزين ودورة المحرك واكيد مفيش حد انصح من اودى وفولكس مواتيرهم معمره لأنها اقو من ادائها لكن لو اتسابت لأقصى حد اتحدى المتور يعيش نفس العمر بدون لعب وموضوع متور يزيد ٨٠ حصان مع احترامى انسى واتحداك بعشر كنترولات حتى تركبهم...... الشركات عشان تزود ال٦٠ حصان بتزل عربياتها بتيربو وجميع ادوات التغذيه مختلفه وتكنولوجيا اعقد لكن عربيه عاديه من فولكس او اودى انسى
فعلا ازاى عربية تزيد 60 حصان بلعبةفى برمجة الكمبيوتر؟؟؟؟
يعنى الصانع معندهوش الخبراء والعلماء يعمله الكلام دة فى عربيتهم؟؟؟؟؟؟؟
اكيد الكلام دة لو مظبوط يبقى مغامرة بالعربية واللى هيركبها..
اي كلام وخلاص لكن على ارض الواقع انسى اقصى حاجه بيحققها اى تعديل فى الكنترول انو بيفتح مرحلة الامان للمتور وده نخريب غير عملى حتي الفلاتر السبور والبوجيهات الغريبه اللى الماس بنركبها برضو بتعمل مشاكل وبتبان على المدى الطويل وعربيات فولكس واودى بتبقى فى عرض ١٠ حصان زياده عشان الاداء يبقى افضل ومع كده بتنزل فى حدود ال١٠٠ حصان يبقى الشركه هتفضح نفسها وتنزل عربيات يادوب تبقى مناسبه عشان ايه؟؟؟؟ اكيد لو فى امكانيه مش هيتأخرو بس غير كده لازم ترفع اداء المحرك بسعه لتريه اعلى اي كلام تانى نتائج نفسيه فقط
أنا مختلف معاكم أنتو الأتنين :)
التعديل ليس بالضرورة كسر حماية......فى جزء بيبقى مفقول علشان أعتبارات البيئة و ال co2 emissions و ده اللى الناس اللى فاهمة بتلعب عليه.........أكتر من كده هيدخل فى مرحلة التأثير السلبي على الموتور.....ما لم يتم عمل تعديلات أخرى على البساتم مثلاً.
و فى نفس الوقت.........60 حصان عن طريق تعديل سوفت وير الكنترول دى مسمعتش عنها قبل كده.......بشرط يكون التعديل فى الكنترول بس بدون تعديل أى حاجة تانية...........لكن لو هتعدل حاجات تانية 60 حصان ده يعتبر رقم عادي أو كويس شوية فى فئة العربيات ال 1600 سي سي.