الموضوع: ينفع أشتري حاجه من فرع وأبدلها من فرع تاني؟

ممكن مش يوافقوا .. انا لما بشتري حاجة في الفاتورة مكتوب الاستبدال من الفرع الي اشتريت منة

إتصل بالمركز الرئيسي و أطلب تكلم مدير الفروع و أحكيله الموضوع .
شوف حيقولك ايه

لأن ممكن ميرضوش يستبدلوها لأن المفروض حضرتك عاينتها قبل الإستلام .. ممكن يقولولك الخدش منك .

ساعتها حاول مع جهاز حمايه المستهلك.

طولت عليك بس بحب أحكي كل الفروض بإستفاضه .

و بنصح كل الأعضاء بمعاينه أي شيئ بيشتروه جيدا و فحص ظاهري بعنايه .. و أخذ فاتوره ضريبيه و ختمها بإسم الشركه أو المحل و تقول للعامل يكتب إسم المشتري بوضوح .. و كذلك تكتب بيانات الضمان في المحل مع ختم الضمان من المحل .

هنا تقدر تاخد حقك .

فيه جهاز محترم في مصر إسمه حمايه المستهلك .
‏
إتعاملت معاه حوالي 4 مرات و إداني حقي .

شكراً على الردود يا جماعه

أنا هاقولكم على اللي حصل ...

أنا إشتريت sceen protector وده بيكون عباره عن فيلم شفاف بيتلزق على شاشة الموبايل أو التابلت عشان يحميه من الخدش.

أنا كنت في مول العرب أول إمبارح وأنا أصلاً نادر جداً لما باروح أكتوبر بس لقيت الـ screen protector ده وعجبني فاشتريته بـ 125 جنيه.

الـ screen protector ده بييجي في علبه كرتون مقفوله بلزق عشان كده ما كنتش قادر أشوفه قبل ما أفتح الكرتونه في البيت.

لما فتحت الكرتونه تاني يوم لقيته فيه نقره كده غالباً نتيجة إن حد كان بيحاول يعلقه في الحامل اللي في المعرض وكان الـ screen protector سادد الفتحه اللي في الكرتونه اللي المفروض يتعلق منها.

حاولت أبدله من فرع سيتي ستارز بس المدير اللي هناك قال لي إنه لازم أروح الفرع اللي إشتريت منه ووراني فعلاً السياسه بتاعت الموضوع ده مطبوعه في ورقه ومحطوطه عند الكاشير.

أضطريت أروح مول العرب تاني وحاولت أبدله بس للأسف كل العلب التانيه كان فيها نفس العيب وأسوأ كمان بكتير فاضطريت إني أسترد فلوسي.

الصراحه كانوا محترمين جداً وما حدش ناقشني في حاجه أصلاً.

شكراً

شكرا على نقل التجربه.

عاوز أشوفك انت واحشني جدا و الله .. ابقى تعال لنا يوم كده :-)