ليه القرايب بتكره بعض؟ سؤال مش لاقيله اجابة

**فتح الباب** · 04-11-2012 02:16 AM

انا اب لثلاثه اطفال ليس لمجرد الاصغر تعجبه لعبة اخيه الاكبر يبكى لى وعايزها يا بابا هنا لابد ان يعرف انها ليست ملكه وان يحافظ على لعبته ( كان ابويا يضربنى وياخدها منى ويديها للصغير منعا للبكاء)
الكبير يخاف وينصح الصغير والصغير يحترم الكبير (ابويا مش كانت بتفرق معاه النقطه دى)
فكلما زرعت قيم واخلاق ومبادئ بشكل سليم بعدها ترى اجمل شيء فى الدنيا فهنا ساعتها ليس للعنوان مكان ابدا وتصبح الحياه احلى بكثير وهذا وا افعله الان وربنا يقدرنى انى انتج بيئه كما تمنيت زمان
عموما الكلام مش هيخلص فى هذا الموضوع . انت فين ياجوست من زمان ازيك انا اول ما قرأت الموضوع توقعت انه من انشائك وتذكرتك فورا وعلى كل حال صاحب الموضوع زميل عزيز ارجو ان يتقبل مرورى وكل التحيه لكل الزملاء وبصفه خاصه من هم بالموضوع

**أبو إياد** · 04-11-2012 09:46 AM

ملحوظه بنتها من استطلاع لبعض اصدقائى ان المشاكل فى عائله الاب اكثر من عائله الام ( فى اغلب الاحيان )
وصدق اللى قال الخال والد وصاحب واخ كمان

**Ghosts** · 04-11-2012 10:08 AM

المشاركة الأصلية كتبت بواسطة RAPID

لو صديق خانك هتقول ده مش صديق وكنت مخدوع فيه
لو زميل او جار هتقول غيران او ما شابه بسبب تنافس او غيره
لكن لما يكون قريب الموضوع بيكون اصعب شوية او اصعب كتير
خصوصا لو انت كويس معاهم وبتتعامل بالاصول
وفى نفس الوقت متلاقيش منهم غير (العكس) طب ليييييييييه
كان فى اغنية شعبية بتقول (الطيب فى الزمان ده يقولو عليه ضعيف)
والظاهر ان الطيب فى الزمن ده مينفعش لازم الواحد يبقى ناقص ولسانه طويل
وربك يصلح الاحوال

للأسف أنا أكتشفت أن القرايب زى الجيران و الأصحاب و الزملاء ....
الناس كلها زى بعض و أنا خلاااااااااااااااص مبقيتش لا بثق فى حد و لا بتعشم فى حد غير ربنا ....

دة القريب ممكن جدآ يحسدك أكتر من الغريب لأنة بيدخل بيتك فبالتالى بيشوف أى حاجة جديدة أنت جبتها

....
مين فينا مجالوش ضيف قريبة و بعد ما ينزل أو تانى يوم تحصل فى بيتة مصيبة؟؟!!
مين فينا معندوش جار كل ما يصطبح بوشة عالصبح تحصلة كارثة؟؟!!

مين فينا معندوش زملاء فى الشغل ما بيطيقوش يشوفوك مبسوط عشان جبت عربية جديدة أو عشان أترقيت؟؟!!
عشان كدة بقول أن كل الناس زى بعض وفى ناس كتير بتتظاهر أنها بتحبك لكن الحقيقة غير كدة خااااااااااالص ....

**Ghosts** · 04-11-2012 01:36 PM

المشاركة الأصلية كتبت بواسطة zrzr1

طيب حد فيكو اقاربه من ناحيه أمه اقرب ليه من اقاربه من ناحيه ابوه,, الموضوع دا شاغلني جدا معأن مفترش العكس...ليييييييييييييه؟؟

زماااااااااااااان
كان أقاربى من ناحية أمى أقرب بكتييييييييييييييييييييير من أقاربى من ناحية أبويا اللة يرحمة ....

دلوقتى
لا بقى فى قاريب
لا من ناحية أبويا ولا ناحية أمى ....

و بصراحة كدة أحسن ....
قالك معندكش عدوين؟! قال معنديش قاريب ....

**h_shahin** · 04-11-2012 02:04 PM

المشاركة الأصلية كتبت بواسطة أبو إياد

ملحوظه بنتها من استطلاع لبعض اصدقائى ان المشاكل فى عائله الاب اكثر من عائله الام ( فى اغلب الاحيان )
وصدق اللى قال الخال والد وصاحب واخ كمان

إبحث عن المرأة (أو الأم تحديدا)

الأم عندها دايما مقدرة فائقة على التجميع و التربيط و خصوصا مع الناس إللى بتحهم (مامتها و أخواتها)
عكس التنافس غالبا مع العمات أو زوجات الأعمام على الأفضلية فى تربية الأبناء و نجاحهم إلخ مما يخلق توتر ينتقل للأبناء

**أبو إياد** · 04-11-2012 02:34 PM

المشاركة الأصلية كتبت بواسطة h_shahin

إبحث عن المرأة (أو الأم تحديدا)

الأم عندها دايما مقدرة فائقة على التجميع و التربيط و خصوصا مع الناس إللى بتحهم (مامتها و أخواتها)
عكس التنافس غالبا مع العمات أو زوجات الأعمام على الأفضلية فى تربية الأبناء و نجاحهم إلخ مما يخلق توتر ينتقل للأبناء

انا عندى 4 عمات وعلاقتى بعائله والدى اتدهورت اوى بعد وفاه والدى واتنيلهت واتهببت اوى بعد وفاه جدى