All New citroen DS5-تقرير

**M7amD_7amDy** · 02-04-2013 12:13 AM

المشاركة الأصلية كتبت بواسطة ahmed_adham

اللي ب 300 دي فيها كمان كاميرا وسنسور امامي على ما أتذكر ويوم ما رحت التوكيل من كام شهر أشوفها وأسأل على مواصفتها البياع قالي بالحرف "مش هقدر احددلك الفروق بين الفئتين بالظبط عشان بتتغير في كل دفعه" ومرضيش يكتب الفروق في ورقه عشان خايف ألزمه بيها مع اني مكنش بحجز ولا حاجه أنا كنت بتفرج مش بشتري. وعلى فكره الفئه الاولي فيها كل الكماليات الشائعه ومش ناقصها حاجه بصراحه. كفايه فخامه الصالون دي تعوض أي حاجه تنقص فيها ولو اني حاسس انها في الواقع مش بنفس درجه الفخامه اللي في الصور. يعني كمثال هل الكراسي ومساندها مضلعه كده في النسخه المصريه زي ما هيه في الصور؟ قلبي بيقولي ان لازم ينقصها حاجه عن اللي بره وبصراحه مجتش فرصه اني أشوفها عشان أأكد احساسي او أنفيه.

وعلى فكره أنا مش مقتنع قوي بموضوع الشاشه اللي بيظهر فيها السرعه دي لأكتر من سبب

1- هنا في مصر اخرها تشوف فيها سرعه عربيتك لكن في بلاد العالم الأخر هتلاقي فيها اتجاهات ال جي بي اس وحدود السرعه المسموح بيها على الجزء ده من الطريق وبكده فعلا مش هتحتاج تبص في الشاشه بتاعت الكاسيت خالص وانت سايق.

2- في الستروين الصوره على ازازه كده بتطلع من التابلوه مش زي العربيات التانيه اللي بيكون فيها بروجيكتور في التابلوه يطلع الصوره على البربريز نفسه بدون شاشه ولا بتاع.

انا مش فاهم حاجة بس :)

هو انت إما روحت تشوفها مكنتش موجودة؟ ولا شوفتها وبتقول انها مش فخمة زى الصور؟؟

وكمان أنا إختلط عليا الأمر بموضوع الشاشة... أنا أقصد الشاشة بتاعت الكاسيت مش الشاشة الشفاف

الشاشة دى بقه موجودة فى الفئة الأولى؟

وبخصوص الشاشة الشفاف دى انا رأيى انها رفاهية زيادة مش اكتر ومعتقدش انها بتشغل الجى بى اس زى مابتقول .. كل الرفيوهات اللى شوفتها للعربية دى كانت بتعرض سرعة العربية بس :)

والأستاذ أحمد عادل شاف العربية وممكن يقولنا رأيه فيها تانى ويأكد إحساسك ( ده بعد إذنه طبعا )

**A.Adel** · 02-04-2013 12:54 AM

يا أستاذ أحمد
متهيألي ساعة لما حضرتك سألت , الفئة التانية كانت لسة نازلة
عشان كده مكنوش لسة عارفين مواصفاتها بالظبط هتبقى إيه
أو ممكن يبقى مش عارف ودة العادي من ال sales في مصر

دلوقتي المواصفات هي اللي موجودة في التقرير هنا

أما بالنسبة للكراسي , اللي في الصور دي بتبقى optional
ملهاش علاقة بهنا أو بره
الفكرة بقى هنا لو طلبته منهم هيجيبوه ولا لأ ؟
دي تقدر تسأل عليها

بالنسبة لل HUD , اللي بتنزل مصر زي اللي بره

أما بالنسبة لأن حضرتك عاوز ال display يبقى على البربريز
دي استحالة تنزل في عربية بـ 300 ألف

BMW بجلالة قدرها لسة بتطور ال technology دي

**M7amD_7amDy** · 02-04-2013 01:09 AM

المشاركة الأصلية كتبت بواسطة ahmed_adham

لاء مكنتش موجوده قال ايه واحد اشترى المعروضه. طب واللي عايز يشتري يستنى لما تيجي دفعه يتفرج وبعدين الدفعه اللي بعدها يستلم؟ المهم ان محصلش نصيب.

الشاشه بتاع الكاسيت أكيد موجوده في الفئه الاقل والشاشه الشفافه دلوقتي ممكن تبقى رفاهيه بس بكره تبقى أساسيه زي لو تفتكر الازاز الكهربا مثلا الناس كانت بتقول يعني الواحد ايده اتشلت ومش عارف يدور البكره يرفع وينزل الازاز ودلوقتي بقت من الاساسيات اللي مش بتسأل عليها أصلا وحاجات كتير جدا بدأت ككماليات رفاهيه ومع الوقت بقت أساسيه وأنا شايفها حاجه لذيذه تخليك متشتتش نظرك بين انك تشوف الطريق وبين انك تشوف الجي بي اس في الموبايل او شاشه الكاسيت.

الشاشه الشفافه المفروض يبقى فيها سهم يوجهك للطريق وفاضل كام متر على تغيير الاتجاه. مش بيبقى فيها الخريطه كامله زي الشاشه الكبيره بس بتقضي الغرض لحد كبير والاتجاهات مش هتبان في الشاشه الا لو الجي بي اس شغال زي الفيديو ده

citroën ds5. Información proyectada en una lámina de plástico. Head up display - youtube

وده بقى شغل بي ام في ان المعلومات بتظهر على ازاز العربيه نفسه

http://www.youtube.com/watch?v=b4jpuogp2c8

انما أحسن فيديو شوفته عن ال ds5 هوه ده. مش سايب حته الا جايبها بالتفصيل. وقلقي بقى ان اللي بتيجي مصر متكونش الكراسي بتاعتها فيها التضليعه دي لأنها عامله شغل جامد بصراحه في الكرسي ومسند الراس.

new 2012 citroen ds5 thp 200 sportchic onboard test [8/9] - youtube

دول مستغنين بقه ياباشا هههههه والله الواحد مش عارف يقول ايه على الناس دى !!

فى التقرير فوق مكتوب فى الفئة التانية فيها جى بى اس ... ومدام موجود يبقى اكيد اكيد الشاشة الشفافة هتعرض أوبشن السهم ده (وشكرا على الفيديو للتوضيح ياباشا)

البى ام دول عالم تانية ليهم دماغ متكلفة :))) والصراحة انا شايف ان عرض المعلومات على الشاشة الصغيرة الشفافة دى أظرف وأحلى كتير من انها تتعرض على البربريز :)

والفيديو الأخرانى انا شوفته فعلا قبل كده والفرش ده فعلا احلى من اللى موجودة فى التوكيل ذوقك عالى الصراحة :))

السؤال بقه اللى بيطرح نفسه :)

هل الشاشة بتاعت الكاسيت موجودة فى الفئة الأولى؟؟؟

**A.Adel** · 02-04-2013 12:51 PM

المشاركة الأصلية كتبت بواسطة m7amd_7amdy

فى التقرير فوق مكتوب فى الفئة التانية فيها جى بى اس ... ومدام موجود يبقى اكيد اكيد الشاشة الشفافة هتعرض أوبشن السهم ده (وشكرا على الفيديو للتوضيح ياباشا)

البى ام دول عالم تانية ليهم دماغ متكلفة :))) والصراحة انا شايف ان عرض المعلومات على الشاشة الصغيرة الشفافة دى أظرف وأحلى كتير من انها تتعرض على البربريز :)

فعلا هم الإتنين بينزلوا مع بعض في تاني فئة

أما بالنسبة للشاشة الصغيرة :
ال ds5 تصميمها متاخد من الطيارات الحربية
ده باين قوي في الكونسول اللي في السقف
ده السبب في استخدامهم للشاشة دي

المشاركة الأصلية كتبت بواسطة m7amd_7amdy

هل الشاشة بتاعت الكاسيت موجودة فى الفئة الأولى؟؟؟

لأ