ليه معندناش عربيات ملاكي جاز؟

**Ahmed_Adham** · 02-11-2012 10:12 PM

مواتير السولار بتنزل في كل حته وتقريبا كل عربيه ملاكي بتنزل مصر فيه منها اصدار تاني سولار. ليه منجيبش العربيات السولار ونوفر بنزين؟ معلوماتي وياريت لو حد يصححهالي لو كانت غلط ان

1- مواتير السولار أقوى وعزمها أشد.
2- عيبها ان صيانتها متكرره. طب ما بالتوفير اللي هوفره في الوقود اللي هوه بتلت تمن البنزين هقدر اصرف على العربيه براحتى وأكيد هيبقى لسه عندي فائض كمان.

ولا فيه حاجه تمنع كده وأنا مش عارفها؟

**Land_Cruiser** · 02-11-2012 10:45 PM

السولار عليه دعم كبير علشان يستخدم فى وسائل النقل التقيل و المواصلات العامه و ده سبب ان سعره رخيص علشان الدعم عليه جامد فى حين انه فى الخارج فى الدول الباردة مثلا سعره أغلى من البنزين لانه بيتجمد على درجات حراره اقل من البنزين و عندنا ارخص بسبب الدعم و لو طبعا انتشرت العربيات اللى بتمشى بالسولار اكيد مش هيبقى في دعم عليه كده بالنسبه للملاكى يعنى الموضوع فى النهايه هيبقى مش فارق

**Elawany13** · 02-11-2012 11:00 PM

مصر نزل فيها عربية بيجو بتشتغل بالسولار بس نادرة جدا

**mohamed_selim** · 02-11-2012 11:42 PM

و المرسيدس و العربيات الدفع الرباعى فى منها سولار
بس تصحيح موتور السولار حمار شغل بس عزم البنزين اقوى لو نفس سعة الموتور
و لو انا فاهم صح جمرك العربيه السولار اغلى من الجمرك لو نفس العربيه والموديل والكماليات بس بنزين