بالظبط ياباشا بس الغريب انك تلاقي حد بيقولك احسبها صح ديه مش فارقه الناس اتعودت علي اللامبالاه
اللي إنت عملته ده هو الصح يا باشا ... البلد لازم تتغير ... و إحنا اللي دايما بنسيب حقنا
أنا اتصلت بيهم و قالولي برضه أسعار مختلفة
واحد قاللي ب 450 و التاني قاللي ب 500 و ال 2 قالولي القديمة ب 50
لو مكنتش إنت عملت موضوع زي دا مكنتش أنا هتصل ب كذا فرع ... ربنا يبارك لك
بس فيه سؤال : ليه مادام ال acdelco قعدت معاك 3 سنين و كانت كويسة و هي سعرها كويس ليه مش ناوي تجيبها
أنا سألت في سمير بيومي قاللي ب 350 + القديمة
علما بأن توكيل acdelco في مصر مجموعة منصور اتصلت بيهم و قاللي بعد الخصم ب 475 و هناخد القديمة ب 25 يعني 450
أنا بفكر في ال acdelco >>> إيه رأيكوا ؟؟؟
ملحوظة : بعد تدوير كتير لقيت كل الناس بترشح واحدة من ال 3 الفارتا الألماني ( اتحاد أوروبي ) - acdelco - Bosche
البوش لقيته عند موزع معتمد ب 600 و هياخدوا القديمة
تسلم علي نقل التجربة ..
على فكرة مش بس ممدوح غطاطي هو اللى كل فرع اسعاره مختلفة عن الفرع التاني !! ؟ لا ده محلات كتير اوي كدة
ده حتى لما جيت اشتري تيل فرامل و فلتر بنزين من موزع تويوتا المعتمد !! كل موزع كان بيطلع اسعار غير التاني
بالنسبة لممدوح غطاطي اللى فهمته من خلال تعاملي معاه لاني برضوا اشتريت منه البطارية من حوالي سنتين ونص تقريبا
هما بيتعاملو على اساس ان كل عميل بيروح يشتري بيطلع يتكلم مع موظف منهم
وكل موظف بيبيع بسعر غير التاني !! على سحب انت وشطارتك في الفصال
يعني ممكن اروح انا وانت لنفس الفرع نجيب نفس البطارية في نفس الوقت انا اخدها ب 550 وانت تاخدها ب 500 !!!
لو تلاحظ حتى مش هتلاقي واحد معين هو اللى مسؤل عن البيع او الدفع !! لا ده كذا مكتب في الدور اللى فوق بتاعهم ده وكل مكتب عليه موظف مسؤل عن البيع
حد يتعامل مع مبروك غطاطي يا راجل يا طيب.. (تصرفك ممتاااااااز.. أحييك)
بصراحه ال ac-delecoهي افضل بطاريه بس انا كنت عاوز اجرب الڤارتا بالإضافه لأن ممدوح غطاطي ليه فرع جنب البيت عندي والاخر جنب شغلي.
أنا بكل بساطة بطلت أتعامل معاه للسبب ده .. واي حد بيتبع نفس السياسة .. كل مرة بسعر وكل مرة بإسلوب شكل
واللى بيغيظني قوي تلاقي الوكيل بيبيع دايما بسعر أعلى من الموزع الصغير طب إزاي يعني يبقى هامش ربحك إنت كوكيل في البيع القطاعي يبقى أعلى من الموزع بالشكل ده
لو مش عايز تقطع على الموزعين يبقى خلاص خليه بنفس السعر
اولا تصرفك جيد كعميل بيطالب بحقه
ثانيا : رغم اني ساكن جمب ممدوح غطاطي لكني مش بحب اتعامل معاه بسبب غلاء اسعاره المبالغ
ثالثا : نقطة ان الوكيل اغلي من الموزعين دة طبيعي وهتلاحظه في كل السلع وليس فقط البطاريات او الكاوتش ودة لأن الوكيل لما بيبيع لزبون بيبيع بخصم اقل بكتير من الخصم اللي بيحصل عليه الموزع ودة لفرق الكمية يعني بمعني ادق ان الموزع بياخد خصم علي الكمية اكتر من العميل اللي بياخد خصم علي الدفع النقدي
هتقولي طب ما كدة الناس كلها هتشتري من الموزع وليس الوكيل
هقولك طب وايه يعني ؟؟؟ ما اهو اصلا الوكيل مش بيتارجت علي العميل - بيتارجت علي الموزع وكله في النهاية مكسب ليه مش خسارة
تحياتي