احترس من اللورى

**khaled25_9** · 02-11-2012 11:47 PM

السلام عليكم يا صقور نيسان.
عايز احكى عن موقف يمكن حد يستفيد بحاجه.
اولا انا عربيتى نيسان صنى 2012 EX (الشكل القديم)

الموقف
النهارده كنت بجيب الست الوالده من مطار القاهره (كانت بتحج وراجعه, عقبال كل السامعين يارب)

المهم راجعين على السويس عند ال 109 (الكارته بتاعه السويس) الدنيا كانت زحمه جدا عربيات كتير وطبعا لورى كتير .
فضى مكان على الشمال قدام عربيه لورى فا اديت اشاره ودخلت قدامه وفجاه بوووووووووووووووم , والعربيه نطت قدام وكانت هاتلبس فى عربيه تويوتا قدامى. المهم صوت الخبطه كان مرعب لدرجه انى وانا نازل متوقع هلاقى شنطه العربيه فى الكنبه اللى ورا , بس لما بصيت كل اللى لقيته ان وش الفانوس اللى ورا شمال مكسور ....

العبره
ما تكسرش قدام لورى من غير ما تزمر وتتاكد ان فى مسافه كبيره بينك وبينه, لان اللى اكتشفته ان السواق مش بيشوف حوالى 3 متر من الاكصدام.

الخساير
1- وش الفانوس الشمال الخلفى.

2- شويه خرابيش على الشنطه والاكصدام.

3- الشنطه اترحلت شويه , حوالى 3-4 مم ناحيه اليمين, بس الشنطه بتقفل وبتفتح طبيعى.

الحقيقه انا مش زعلان, لان انا عارف ان ربنا كرمنى قوى وجت على قد كده, وان دى خساير تافهه بالنسبه للى كان ممكن يحصل, ولو دى كانت الهيونداى اكسيل القديمه بتاعتى مكانش هايبقى فى شنطه اساسا. وانا احترمت العربيه جدا بعد الموقف ده .

انا ناوى ادور على وش تانى مش هاجيب فانوس كامل, وبفكر اروح لسمكرى واشوف هايعدل الشنطه دى ازاى

**Ahmed.TV** · 03-11-2012 12:55 AM

قدر الله ماشاء فعل .. والحمد لله انها جت على قد كدا .. والفانوس امره سهل وتقدر تجيب واحد جديد وش فقط مش حيزيد عن 80 جنيه
وبالنسبة للاكصدام قطنة بتنر او بولش حتظبطه .. لان من الصور مش باين ان الخرابيش محفورة فى الاكصدام
فا ان شاء الله خير
وحمد لله على سلامة الوالدة من الحج وربنا يخلهالك

**khaled25_9** · 03-11-2012 10:57 AM

المشاركة الأصلية كتبت بواسطة Ahmed.TV

قدر الله ماشاء فعل .. والحمد لله انها جت على قد كدا .. والفانوس امره سهل وتقدر تجيب واحد جديد وش فقط مش حيزيد عن 80 جنيه

الحمد لله.... بالنسبه للفانوس هو ده اللى ناوى اعمله بس مش عارف الوشوش دى بتعتم ولا لأ, ولو بيعتم هل لو لزقت على الوش الداخلى الزق اللى بيحمى الفوانيس من التراب مش هالعتم؟؟؟

وبالنسبة للاكصدام قطنة بتنر او بولش حتظبطه .. لان من الصور مش باين ان الخرابيش محفورة فى الاكصدام

فى ممكن يتشال كده وفى مخفورين سنه

فا ان شاء الله خير
وحمد لله على سلامة الوالدة من الحج وربنا يخلهالك

الله يخليك وعقبال مانشوفك الحاج احمد ان شاء الله

**khaled25_9** · 03-11-2012 11:02 AM

المشاركة الأصلية كتبت بواسطة mem

قدر الله وما شاء فعل والحمد لله انها جت على كده
والحمد لله انكم بخير
وجزاك الله خيرا على النصيحة وصراحة اللورى ده مشكلة ربنا يسترها علينا جميعا
وحج مبرور ان شاء الله

الله يخليك.. وعشان كده انا بقول الصراحه مش زعلان اوى لانى عارف ان كان ممكن يحصل اسوأ من كده.
بالنسبه للور انا نفسى يعملوله طريق منفصل, وتقريبا كان فى نيه للموضوع ده على طريق مصر السويس بس مش عارف وقف ليه

.

ربنا يستر طريقنا جميعا.

**kliken** · 03-11-2012 12:00 PM

الف سلامه على رجوع الحاجه و ربنا يتقبل منها ان شاء الله و يوعدنا جميعا
بص يا باشا الكمين بتاع ال 109 ده لعنه الواحد بيخشه بكل تركيز و براحتع خالص لانى شخصيا اتعرضت لنفس الموقف بتاعك بس عجن الرفرف الخلفى فى الكولت كانت معايا من فتره
و فى عضو معانا برضه من السويس حصل معاه نفس الموقف فى الكمين ده غير ليا اصحابى حصل معاهم برضه الواحد بيبقى متوقع ان سائق النقل التقيل واخد باله بس للاسف لا غير ان ممكن يكون فيها عند من اصحاب النقل برضه
ربنا يسترها ان شاء الله و يحفظ طريقنا جميعا
السوايسه بيزيدوا على المنتدى حاجه جميله جدا و ان شاء الله نتقابل جميعا و نطلع طلعات جماعيه لمقابلات المنتدى

**khaled25_9** · 03-11-2012 12:29 PM

المشاركة الأصلية كتبت بواسطة kliken

الف سلامه على رجوع الحاجه و ربنا يتقبل منها ان شاء الله و يوعدنا جميعا
بص يا باشا الكمين بتاع ال 109 ده لعنه الواحد بيخشه بكل تركيز و براحتع خالص لانى شخصيا اتعرضت لنفس الموقف بتاعك بس عجن الرفرف الخلفى فى الكولت كانت معايا من فتره
و فى عضو معانا برضه من السويس حصل معاه نفس الموقف فى الكمين ده غير ليا اصحابى حصل معاهم برضه الواحد بيبقى متوقع ان سائق النقل التقيل واخد باله بس للاسف لا غير ان ممكن يكون فيها عند من اصحاب النقل برضه
ربنا يسترها ان شاء الله و يحفظ طريقنا جميعا
السوايسه بيزيدوا على المنتدى حاجه جميله جدا و ان شاء الله نتقابل جميعا و نطلع طلعات جماعيه لمقابلات المنتدى

الله يسلمك يا كبير. وربنا يوعدنا جميعا ونطلع صحبه ان شاء الله.
انا عارف لعنه ال 109 دى من زمان ولولا انى كنت مستعجل عشان الحق صلاة الجمعه مكنتش طلعت قدامه اساسا .... بس واضح ان كده محصليش حاجه بالمقارنه بالحوادث اللى انت بتقول عليها.

بالنسبه للسويسه فا باذن الله قريب هانحتل المنتدى

**gadoo30** · 03-11-2012 12:36 PM

قدر اللهو ما شاء فعل
حمدا لله على السلامة وشكرا على النصيحة

**khaled25_9** · 03-11-2012 02:08 PM

المشاركة الأصلية كتبت بواسطة gadoo30

قدر اللهو ما شاء فعل
حمدا لله على السلامة وشكرا على النصيحة

الله يسلمك.. وربنا يكفيك ويكفينا شر الطريق

**د. علاء ابراهيم** · 03-11-2012 03:13 PM

قدر و لطف
انت ابن حلاااااال
و حمدا لله على سلامة الحاجة
و عبالنا يا رب ( نحج مش نتخبط ههه)

الموضوع: احترس من اللورى

LinkBack

أدوات الموضوع

عرض

احترس من اللورى - انشر الموضوع فى :

-

-

-

-

-

-

-

المواضيع المتشابهه

النصب والسرقه احترس ثم احترس

احترس من درش

احترس من الصامولة

احترس من التقاطعات

احترس من الـ atm

الكلمات الدلالية لهذا الموضوع

المفضلات

المفضلات

ضوابط المشاركة