فورات الماء من القربة

**sameh65** · 03-11-2012 12:04 AM

الاخوه الافاضل انا عندى لانوس 2006 عاملة 64000 كم
من حوالى شهر عملت تنظيف للريداتير على جهار فى البنزيينه وحط ماده لمعالجه الصدأ ونظف كويس وحط المية الاسبانى واليوم كنت فى مسوار حوالى 10كم وبعد ماطفيت العربية رفعت الكبوت وجدت الماتور سخن
والخرطومين اللى طالع من الريداتير واللى طالع من الماتور مولعين من السخونة انتظرت شويه كمان وبدأت افتح غطاء القربه ببطى وجدت ماء اخضر طلع من الغطاء رغم ان الماء لم تنقص وكذلك الزيت نظيف يعنى الجوان كدة برى ولا اية وما السبب فى فوران الماء برجاء الافادة من الاخوة الافاضل وشكرا

**kagawa** · 03-11-2012 12:29 AM

1- فيه هوا في دوره الميه حاول تاخد الهوا
وفيه كذا طريقه لاخذ الهوا

2- بعد ماتاخد الهوا خلي منسوب الميه في القربه بين الماكس والميني مم

....

....

**lanos2004** · 03-11-2012 02:49 AM

لما تيجى من مشوار كبير او كنت بتجرى جامد متبطلش العربيه على طول استنه على الاقل نصف دقيقه
الميه لو خرجت وغطا القربه مقفول غير الغطا لو انته الى فتحته يبقه خليه
القربه بتتملى على النص فقط
نصيحه لوجه الله متنضفش دورة الميه تانى والعربيه سخنه الافضل تفك عصفرة فى اسفل الرداتير والعربيه باردة وتسيب الميه تنزل-انته لما بتنضف دورة الميه والعربيه سخنه بتعمل صدمه للماتور واجزاء بتكون سخنه جدا فيه واجزاء باردة بسبب التبريد الزايد ودة بياثر على حاله الماتور

**مصطفى دايو** · 03-11-2012 03:48 AM

طول ما العربيه سوخنة طبيعى يكون فى ضغط فى دورة المياة وطبيعى لما تفتح غطا القربة المياة تفور وبعد احترامى لكل الاعضاء السيارة الدايو ما بيتخدلهاش هوا عربيتك طبيعية مصطفى دايو

**mustafa_fawzy** · 03-11-2012 11:24 PM

الموضوع ده حصل معايا وياريت يكون نفس الحل هو المفروض لك
الحل : كانت مروحة من الأثنين لا تعمل (ناحية السائق) وبعد فك كل الفيوزات والدق عليه بغيظ وزهق من الكهربائى الله يسامحه كان السبب تلف فيوز (كان غير أصلى) ومكانه وأنت واقف أمام السيارة أقصى اليمين أعلاه
يارب أكون أقدرت أحدده

**hmada9009_99** · 04-11-2012 06:18 AM

عادي وده طبيعي والعربيه سخنه ولسه طافيها وفتحت غطا القربه المياه تعلى وترمي بره القربه اصل كلمه فوران ديه تتقال اما تلاقي المياه جوه القربه والغطاء بتاعها مقفول وهي على سلانسيه تلاقيها بتفور او بتببق بدرجه عاليه ده يبقى فوران اما حاله حضرتك ده طبيعيه لسبب لأن القربه كانت مضغوطه زي حله الضغط ومره واحده فتحتها تتوقع ايه ؟
اكيد المياه هتنطر وتفور ده طبيعي جدا وزي ماقال الساده الأعضاء نصيحه ماتغيرش ولا تضيف ولا تعمل اي حاجه في مياه الردياتير الا والعربيه بارده وتبقى واقفه يوم كامل من غير مادور علشان وش السلندر وعلشان تبقى متطمن 100%

**amr_shaaban** · 07-11-2012 01:32 PM

1 - تاكد من ان مراوح التبريد تعمل .. يعني دور العربية وراقف الوضع
2- خد الهوا اللي في الدايرة زي ما قالك احد الاخوة
3- ظبط منسوب المياة تحت الماكس بحبة
4- شوف هل فية "ريم" كده او رغوة خفيفة في المياة او تغير في اللون... لو فية يبقا ده جوان وش السلندر.. مش شرط ان المياة تدخل علي الزيت عشان نحكم علي الجوان ممكن العكس و ده بيبقا تلف جزئي في الجوان

و ان شاء الله خير

**sameh65** · 07-11-2012 02:41 PM

المشاركة الأصلية كتبت بواسطة amr_shaaban

1 - تاكد من ان مراوح التبريد تعمل .. يعني دور العربية وراقف الوضع
2- خد الهوا اللي في الدايرة زي ما قالك احد الاخوة
3- ظبط منسوب المياة تحت الماكس بحبة
4- شوف هل فية "ريم" كده او رغوة خفيفة في المياة او تغير في اللون... لو فية يبقا ده جوان وش السلندر.. مش شرط ان المياة تدخل علي الزيت عشان نحكم علي الجوان ممكن العكس و ده بيبقا تلف جزئي في الجوان

و ان شاء الله خير

هو فعلا وانا بعمل دورة التبرييد فى البنزينة كان خارج من الخرطوم مية وكأن عليها صايون حتى انا سالت العامل عن هذه الرغوة قال لى مش عارف