بهرج مع الراجل يا جدع :wink10: ... منا باركت له
انا زعلان انه جاب دايو علشان رجالة السيات هينقصوا كدا واحد ..
اتفرج اهو دلوقتي هيروح لقسم الدايو و مش هيعبرنا تاني
عرض للطباعة
مبروك عليك العربية الجديدة يا هيثم باشا و ربنا يباركلك فيها
و انا عندي تجربة مع العربية دي و اختها الاكبر نوبيرا 1 مع اخواتي ..... والله المستعان
بعت ب 27000
و اشتيريت ب 45000
و طبعا قبل ما اشتري سألت كل الناس قالولي مفيش قدامي حاجه و بعد ما اشتريت كل واحد قعد يقولي غاليه انا كان قدامي واحده حالتها كذا و موديل كذا و اتباعت بكذا
و الله أعلم بالسعر بس انا لقيت على كونتاكت ناس طالبه أكتر في لانوس 1 مو 99
الله يبارك فيك يا باشا، و بعدين أنا عمري ماغيب عن القسم ده أبدا
و القسم ده فعلا غير أي قسم تاني و لو دخلت قسم زي دايو او هيونداي او كيا او بيجو او ....او
هاتلاقي اصحاب كل موديل مع بعض اكتر شويه من الباقي و فيه روابط لكل موديل......
أما السيات يعني أبيزا و بس
حتى الأخوه أصحاب التوليدو متحسش انهم راكبين موديل تاني
أما بالنسبه للمقارنه هاعملها ان شاء الله بس لما اعرف شوية معلومات عن اللانوس زي استهلاك البنزين مثلا
مع ان المقارنه ظالمه للأبيزا لأننا بنقارن 94 ب2003 و العدل يبقى 2003 قدام 2003 أو 94 قدام 94
لكن برضه الأبيزا منافس مش سهل أبدا و طلعت وتد برضه :x1[1]:
وفيه نقط الأبيزا تفوز فيها بالضربه القاضيه زي الفرامل و الاتزان في الملفات
و فيه بعض النقط التانيه تحس ان الأبيزا بتراعي اللي راكبها أكتر من اللانوس زي مثلا نور الصالون بيطفي في الابيزا بعد ما تقفل الباب بكام ثانيه فابيديك فرصه تحط المفتاح في الكونتاكت اما اللانوس اول ما تقفل الباب النور يطفي فاتفتح الباب او تنور النور من المفتاح، حاجه تاني حامل الكبوت في الأبيزا في عز الضهر في عز الصيف في عز سخونة الموتور تمسكه عادي جدا اما اللانوس أول مره مسكت الحامل لسع أيدي لأنه سخن زي الشكمان كده
و في نقط تانيه اللانوس تفوز فيها بالقاضيه زي التجميع و الجري
بعت ب 27000 و السبب الأساسي لبيعها عدم وجود شنطه ولا تكييف ولا باور
و التكييف و الشنطه دول أساسي لأن ابني عنده 9 شهور دلوقتي :baby25:
و الصيف ده لما كان بيركب العربيه في الحر مع الفرش الجلد كنت بحس انه لو بيتكلم كان قالي حرام عليك اللي انتا عامله فيه
أما العربيه كانت ممتازه في كل حاجه ماعدا حاجه واحد و هي ظبط الكربراتير لأن بجد محدش بيعرف يظبطه بنسبة 100%
و في حاجه تانيه الألماني لما بيقدم بيحتاج مجهود أكبر من الأسيوي عشان تحافظ عليه
و راجع مواضيع القسم هاتلاقي ناس كتير اتعاملت مع صنايعيه مش بتوع فولكس بهدللهم الدنيا
أما الأسيوي أسهل شويه في شغله