ايهما افضل نيسان صنى الجديده او رينو لوجان

**ahmedmahermo** · 03-11-2012 03:13 AM

ايهما افضل نيسان صنى الجديده او رينو لوجان علشان انا تعبت من التفكير واحد يقولى ابعد عن المصرى و خليك فى المستورد وواحد تاني يقولى الصنى اكيد احسن طيب و لو كانت الصنى احسن هل تستحق الفرق فى الفلوس ده كلو 22000 ولا احسن بحجات بسيطه شكل و كده لان الفرق ده هقسطو ولو فى عربيه تانيه فى نفس السعر قولولى و شكرا اوى

**احمد سيف النصر** · 03-11-2012 03:44 AM

بص حضرتك الصني افضل بالتاكيد النعومة والثبات واستهلاك البنزين والسحب وقطع الغيار في صالح الصني ..كمان الشكل الصني اكثر فخامة وكمان شنطة العربية وتانك البنزين بيتفتحوا من داخل السيارة علي عكس اللوجان لازم تنزل كل ما تروح البنزينة عشان تفتح تانك البنزين بالمفتاح وده حاجة مملة ..كمان اللوجان فيها نتشة في الغيارات يعني بتحس برجرجة في العربية علي عكس الصني ..الميزة الوحيدة للوجان ان سعرها جيد ..لكني انصحك بالصني لان شكلها عصري علي عكس اللوجان شكلها قديم شوية

**Ahmed_selmy** · 03-11-2012 07:29 AM

المشاركة الأصلية كتبت بواسطة احمد سيف النصر

بص حضرتك الصني افضل بالتاكيد النعومة والثبات واستهلاك البنزين والسحب وقطع الغيار في صالح الصني ..كمان الشكل الصني اكثر فخامة وكمان شنطة العربية وتانك البنزين بيتفتحوا من داخل السيارة علي عكس اللوجان لازم تنزل كل ما تروح البنزينة عشان تفتح تانك البنزين بالمفتاح وده حاجة مملة ..كمان اللوجان فيها نتشة في الغيارات يعني بتحس برجرجة في العربية علي عكس الصني ..الميزة الوحيدة للوجان ان سعرها جيد ..لكني انصحك بالصني لان شكلها عصري علي عكس اللوجان شكلها قديم شوية

انا مع كلام الزميل احمد , واحب اضيف انك اى حاجه فى العربيه لازم حتروح التوكيل او مركز صيانه معتمد علشان كل حاجه بالكمبيوتر, ودى من الحاجات اللى كانت مقلاقنى من رينو عموما.

**SonaSteel** · 03-11-2012 08:55 AM

بص لو عمليا ........ اعتقد اللوجان عملية أكتر وهاتوفر حبة فلوس حلوين
وتوكيل رينو الي حد ما ظريف
انا شخصيا لو هادفع فلوس علشان اجيب الصني ....... هاجيب السوبر صالون اللي نازلة ان شاء الله
هو فيه فرق بتاع 8000 تقريبا بس كده مفيش مقارنة نهائي

وطبعا متنساش الاستخارة ان شاء الله

**bassemali** · 03-11-2012 09:29 AM

انا شايف اللوجان افضل .... لأن الشكل ده موجود في مصر من 2009 وحقق مبيعات كبيره وحقق إنتشار لقطع الغيار على عكس الصني اللي لسه شكل جديد نازل وقدامك وقت لحد ماقطع غيارها تنتشر زائد كمان ان الأتنين نفس الأوبشن والموتور يعني اللوجان 1600 اوتوماتيم ستيب ترونيك ( ودي ميزه مش ف النيسان) و 110 حصان ب 81000 النيسان 102000 .... عشان أيه الفرق ده كله ودي عربيه تجميع مصري والتانيه مستورده وبصراحه شكل الصني الجديده مش عاجبني لكن عاجبني شكل اللوجان ( أذواق) ... ده رأيي فقط بدون ماحد من ملاك النيسان يزعل مني .

**walidzakzok** · 03-11-2012 09:33 AM

لوجااااااااااان

**tamerosman** · 03-11-2012 09:41 AM

Logan step way

**dodyam** · 03-11-2012 11:24 AM

أنا برضه قبل ما أجيب الصنى الجديدة كنت خلاص هأشترى اللوجان 2013 وكنت باقارن بين اللوجان و الأوبترا و الاكسنت اول فئة و الريو وكنت خلاص هاشترى اللوجان لكن لما نزلت الصنى بصراحة ملت ليها أكتر وأنصحك تركب دى و تركب دى علشان تحس بالفرق
اللوجان مستوردة آه بس من المغرب مش من فرنسا يعنى بتقارن تقفيل مغربى بتقفيل مصرى والاتنين عربيات اقتصادية و عائلية وعاليين عن الارض واللوجان صالونها واسع لكن الصنى اوسع فى الصالون و افخم و الصنى فيها abs و عفشة افضل و الفتيس الاوتوماتيك ناعم مفيهوش نتشة زى اللوجان و على فكرة نتشة الفتيس فى اللوجان دى مش عيب هو بيبقى فى فتيس تحس بالنقلة فيه اللى هو النتشة زى اللوجان و فتيس ما تحسش زى الصنى
برضه قطع غيار اللوجان منتشرة أكتر من الصنى الجديدة بس الصنى هتلحقها بعد فترة
توكيل النيسان من افضل التوكيلات و دى نقطة كانت مهمة بالنسبة ليا
وأنا عجبنى ان نيسان عندها كذا وكيل بيتنافسوا مع بعض علشان يقدموا افضل خدمة