الموضوع: مشروع وعاوز اخد رأيكوا فيه !!

المشاركة الأصلية كتبت بواسطة ICE_MAN

العرض وحش جدا بصراحة .. رايى انك توافق فقط غى حالة انك تسوق العربية بنفسك غير كده لا لان السواق هيقضى عليها بمعنى الكلمة حتى لو انت اللى جايبه و ضامنه .. كمان السعر ده ممكن يكون مقبول فقط لو شالوا البنزين و الزيت انما حرام تتحمل البنزين و الزيت.
الصيانة عليك = طبيعى
الحوادث عليك = التأمين هايشيل و كمان لما تكون سايق بنفسك اعتقد ال risk هايكون اقل
البنزين و الزيت عليك = اوعى تقبل خصوصا انه هايكون مبلغ كبير شهريا

وأخيرا لازم تكون عارف ان العربية هاتعمل كيلومتر غبى .. يعنى ممكن تعدى ال 100 الف كيلو فى 6 شهور بس.

ربنا يوفقك للاصلح و انا تحت امرك فى اى استفسارات

اولا شكرا علي المشاركه ياباشا
البنزين اكيد عليك والا مش هينفع تاخد مبلغ زي ده
البنزين + الزيت شهريا تقريبا 1200 جنيه
المطلوب توصيل شخص من مسكنه للشركه + توصيله للمنزل مره اخري 6 صباحا و 4 مساء
العربيه يوميا المفروض تعمل 100 كيلو - ده لو السواق استناه في الشركه -
فقول العربيه هتعمل يوميا 200 كيلو
يعني شهريا تقريبا 5 الاف كيلو يعني سنويا 60 الف كيلو
في شركات بتاخد منك العربيه لمدة 3 سنين ومثلا وانت ملكش دعوه باي حاجه وبترجعهالك بحال 70%
بس ياريت حد يوضح يعني ايه حاله 70%
المهم
العربيه ممكن تصفي 2000 جنيه شهريا لو ربنا ستر والعربيه متخبطتش
وفي كمان مشكلة انك لو مأمن علي العربيه والعربيه اتخبطت لا قدر الله لازم توفر ليهم عربيه تانيه خلاص فتره تصليح الاولي وده امر صعب جدا

المشاركة الأصلية كتبت بواسطة mohammedabdallh

لو قدامك شركات محترمه قول

+ 111111111

المشاركة الأصلية كتبت بواسطة beso516

بلالالالالالالاش
نصيحه اخويه انا اخويا جرب ومسمعش كلامى

النتيجه 6 الاف كيلومتر فى 3 اسابيع ومستحملش والعربيه بقت زفت

انا حسبتها العربيه تقريبا هتعمل 5 الاف كيلو شهريا
من ضمن المخاوف موضوع السواق ده لان العربيه هتتبهدل
بس لو في عرض اعلي من كده شويه بيتهيألي هيبقي مظبوط
ولا انت رأيك ايه ؟

المشاركة الأصلية كتبت بواسطة ice_man

أعرف شركات كتير (بما فيهم شركتى) لكن بصراحة مقدرش ارشحلك واحدة منهم لان المجال نفسه بهدلة - شبكات المحمول - نصيحتى ليك لو نويت تعمل المشروع ده ما تدخلهاش مجال المحمول خاااالص.

حضرتك متعرفش شركه بتستأجر العربيه مدد وبترجعهالك حاله كويسه ( 70% ) وانت ملكش دعوه باي حاجه من سواق لصيانه لبنزين ؟

المشاركة الأصلية كتبت بواسطة beshomilan

هى مش العربيه بتتأجر بعدد ساعات محدد؟؟
يعنى مثلا عشان مدير يروح الشغل الساعة 9 ويرجع 6 او يعمل زيارات بداخل البلد لمواقع الشغل
هى العربيه هتفضل تلف اليوم كله فأيه؟؟

مظبوط
العربيه المفروض تروح الساعة تقريبا 6 صباحا وتوصل الشخص من منزله للشركه تقريبا 40 كيلو المسافه
وترجعه المنزل الساعة 4 عصرا
بس المشكلة ان السواق مش هيقعد يستني جنب الشركه يهوي
فاممكن يروح بيها فتاخد معاه 80 كيلو كمان مثلا
فتلاقي العربيه شهريا ممكن تعدي ال 5 الاف كيلو

طب ما تقول التفاصيل
بسواق ولا لا
الاتنين

البنزين والزيت على مين
على الشركة

الحوادث على مين
عليك بالكامل (على اعتبار ان جميع السيارات مؤمن عليها و ده شرط اساسى) ولازم توفر سيارة بديلة فى خلال 24 ساعة من الحادثة

الايجار كام فى الشهر
بدون سائق 2500 غير شامل الضريبة (لازم حضرتك تقدم فاتورة ضريبية)
بالسائق 3300 شامل الضريبة

العربيات المطلوبه ايه
بدون سائق فيرنا و لانوس .. بالسائق ما يفرقش النوع (بس طبعا مش أقل من اللانوس و الفيرنا)

كدا يعنى
انا عامل المشروع ده ومتبهدل
فلو بهدله مع مرتب اعلى يبقى كويس

طب كلام جميل
يعني فيرنا عامله تقريبا 70 الف ومن غير سواق و 2500 شهريا
والبنزين عليهم
طب هيدني العربيه حالتها ايه ؟
يعني هل هيتكتب ان العربيه تكون حالتها 70% - زي مبسمع - ولا المهم تكون سليمه بس ؟
علشان العرض بتاع شركة حضرتك تقريبا كده من احسن العروض اللي سمعتها
" عربيه بدون سائق "

المشاركة الأصلية كتبت بواسطة moh19227

اولا شكرا علي المشاركه ياباشا
البنزين اكيد عليك والا مش هينفع تاخد مبلغ زي ده
البنزين + الزيت شهريا تقريبا 1200 جنيه
المطلوب توصيل شخص من مسكنه للشركه + توصيله للمنزل مره اخري 6 صباحا و 4 مساء
العربيه يوميا المفروض تعمل 100 كيلو - ده لو السواق استناه في الشركه :m_yes[1]: -
فقول العربيه هتعمل يوميا 200 كيلو
يعني شهريا تقريبا 5 الاف كيلو يعني سنويا 60 الف كيلو
في شركات بتاخد منك العربيه لمدة 3 سنين ومثلا وانت ملكش دعوه باي حاجه وبترجعهالك بحال 70%
بس ياريت حد يوضح يعني ايه حاله 70%
المهم
العربيه ممكن تصفي 2000 جنيه شهريا لو ربنا ستر والعربيه متخبطتش
وفي كمان مشكلة انك لو مأمن علي العربيه والعربيه اتخبطت لا قدر الله لازم توفر ليهم عربيه تانيه خلاص فتره تصليح الاولي وده امر صعب جدا

العفو يافندم.
لو حضرتك متأكد ان المشاوير هاتكون كده .. أعتقد ان الموضوع هايكون كويس

المشاركة الأصلية كتبت بواسطة moh19227

+ 111111111

انا حسبتها العربيه تقريبا هتعمل 5 الاف كيلو شهريا
من ضمن المخاوف موضوع السواق ده لان العربيه هتتبهدل
بس لو في عرض اعلي من كده شويه بيتهيألي هيبقي مظبوط
ولا انت رأيك ايه ؟

حضرتك متعرفش شركه بتستأجر العربيه مدد وبترجعهالك حاله كويسه ( 70% ) وانت ملكش دعوه باي حاجه من سواق لصيانه لبنزين ؟

أعتقد دول مش هايبقوا شركات لان الشركات اقصى مدة هاتكون سنة لكن اللى بياخد سنتين او 3 سنين دول هايكونوا المعارض اللى بتأجر العربيات للشركات دى .. لكن السعر هايقل شوية بعد خصم هامش ربح المعرض نفسه.
ممكن ابعت لحضرتك على الخاص معرض من دول لو تحب تتعامل معاهم.

المشاركة الأصلية كتبت بواسطة moh19227

طب كلام جميل
يعني فيرنا عامله تقريبا 70 الف ومن غير سواق و 2500 شهريا
والبنزين عليهم
طب هيدني العربيه حالتها ايه ؟
يعني هل هيتكتب ان العربيه تكون حالتها 70% - زي مبسمع - ولا المهم تكون سليمه بس ؟
علشان العرض بتاع شركة حضرتك تقريبا كده من احسن العروض اللي سمعتها
" عربيه بدون سائق "

معلش مع احترامى للى قال لحضرتك موضوع ال 70% ده بيهزر .. مستحيل تضمن حالة العربية يعنى مثلا لو وقعت مع سواق مجنون ممكن يقلبها تانى يوم يبقى ازاى هو هايرجعها لحضرتك 70% ؟
بص موضوع الحالة ده من الاخر نصيب يعنى لو العربية حظها وقع مع مهندس محترم هاتبقى حالتها 100% انا اعرف ناس بتحافظ على عربيات الشركة اكتر من عربياتها الشخصية و لو وقعت مع مهندس مش بيسوق حلو او سواق مفترى هاتتبهدل تماما.