عرض للطباعة
خلصت أخيرا الجامعة وبقيت عاطل رسمي ولا شغلة ولا مشغلة , ناس صُحابي كلموني وقالولي اني ممكن اأجر عربيتي واشتغل عليها تبع شركة ما ومرتباتها محترمة. بصراحة الفكرة زغللت في عيني بس مش فاهم اية اجراءتها وهل في مشاكل مُصاحبة لها ؟ واية الشركات اللي طالبة شغل في الموضوع ده ؟
حد عنده فكرة يدلني ؟
ماأنصحكش بالموضوع ده نهائي أنا دوست فيه قبل كده :
أولا العربيه بتتبهدل وبتمشي يوميا مش أقل من 150 كيلو .... وتكاليف الصيانه والزيت عليك ف معظم الشركات .
ثانيا العمل 12 ساعه يوميا رسمي 9 ساعات وال 3 ساعات التانيين بتاخدهم انت ف السكه .
ثالثا مالهاش أي مستقبل نهائي لأنك ف النهايه مع إحترامي لجميع المهن الشريفه طبعا لكنك هتبقى مجرد سواق.
رابعا الأيجار بيتحدد على حسب نوع العربيه وبالنسبه للجين تو مش مطلوبه لكن مش هيتجاوز مبلغ الأيجار 2500 جنيه ف الشهر بعد ماتشيل منهم مصاريف العربيه من زيت لصيانه لقطع غيار وخلافه يدوبك يفضلك مصاريفك .
خامسا لازم تتعامل مع شركه تكون تعرفها كويس وأبعد عن بتوع إعلانات الوسيط لأن نسبه كبيره منهم نصابين مش هيديك مبلغ الأيجار ف الخر غير لما يطلع عينك .
سادسا الشغلانه دي تنفع وضع مؤقت بس شهرين أو 3 أو 6 شهور بالكتير لغاية لما تلاقي وظيفه كويسه وتخلع لكن الأستمرار فيها اكتر من كده بيدمر العربيه ويدمر أعصابك من السواقه داخل القاهره .
اه نسيت اقولك ابعد عن أي شركات شغلها سفر ونظام سفر بمبيت اليوم ب 100 جنيه وسفر ورجوع نفس اليوم 50 جنيه والليله دي لأنها اخر مرمطه خلي شغلك مع شركات داخل القاهره بدون سفر . .
ربنا يوفقك .
لأ أنا كدة كدة مش باصصلها كـ مستقبل لاني بعد سنة هشوف جيشي وبعدها شغلياقتباس:
المشاركة الأصلية كتبت بواسطة bassemali
أنا بفكر أدوس في الموضوع ده وأجرب , وعايز أعرف اية الشركات اللي ممكن أسألها بخصوص الموضوع ده ؟
وشكرا علي افادتك :)