الموضوع: أسعار ومواصفات جيلي إمجراند في مصر

المشاركة الأصلية كتبت بواسطة bassem.naguib

لا طبعاً .. أنا أتمنالك وأتمنى لأي حد أنه يركب أحسن عربيات ..
بتسأل رخيصة ليه؟! .. دي بقى ليها ألف سبب وسبب .. منها رخص العمالة .. دعم الحكومة الصينية للصناعات الكبيرة والمتعددة زي صناعة السيارات .. غزارة الإنتاج .. بالإضافة طبعاً لقله جودة الخامات نسبياً بس مش لدرجة أنها يكون معاد تدويرها .

أنا مبقولش أنها أحسن من الألماني والفرنساوي والياباني .. ولو قلت كدة أبقى جاحد .. ولكن فيه نقطة مش عارف أوصلهالك .. وهي أنك بتاخد أعلى قيمة (اياً كانت القيمة دي مستواها أيه) مقابل الفلوس اللي بتدفعها .. والصناعات الصينية حتفضل كدة على طول .

خلي بالك فيه منتجات صينية كتيرة جودتها أعلى بكتير من منتجات أوروبية وأمريكية وبسعر أقل من النص .. ولو ليك حد في الخارج حيأكد ليك الكلام ده .

نيجي للعربيات .. خلينا نعترف أن الصينيين معرفوش لوحدهم ينتجوا سيارة بمواصفات أمان تستطيع بها غزو الأسواق الأوروبية والأمريكية .. علشان كدة بيعوضوا النقص ده بشراء شركات عريقة (جيلي وفولفو) أو بعقد تحالفات معها (بي واي دي ودايملر) .. وبالنسبة للجودة خلي بالك الصينيين ممكن يعملولك نفس العربية بخامات وجودة تقفيل أحسن من الألماني لأن الخامات وجودة التقفيل مفيهمش تكنولوجيا .. اللي فيهم تكنولوجيا هي الأجزاء الميكانيكية والعفشة .. أما الكماليات فهي متاحة للجميع زيها زي جودة الخامات .

علشان كدة أنا متوقع أن الصين في خلال 5 سنوات أو 10 سنوات بالكتير هي اللي حتبقى الحصان الرابح في دنيا السيارات بالعالم .. وساعتها حتيجي وأنت مكشر وزعلان ومزعبب وتقولي ترشحلي أنهي عربية صيني من دول ... ههههههههههههه ما هو مش معقول حيكون قدامك جودة كويسة بسعر قليل وتقول له لا يع دي صيني .. تحياتي وأسف على الإطالة وأرجو أنك متزعلش من هزاري معاك .

وجهة نظر تحترم


وعلى فكره انا مش ضد الصينى على طول الخط انا عارف ان حيجى اليوم الى يطورو من نفسهم اكتر من كده على مستوى الخامه والتكنلوجى فى الميكانيكا وتصنيع السيارات بشكل عام


لكن لحد مايجى اليوم ده والى الان انا ضد الصينى

المشاركة الأصلية كتبت بواسطة ahmed_dinamo

مشكووووور يا باشا على التقارير الجامده دى







حسام باشا الصراحه ردود حضرتك غريبه على غير المعتاد
حضرتك شايف ان ال يتفق معاك هو صاحب الوعى الكافى وان مفيش حد اهبل هيشترى عربيه زى دى يا باشا ال اشترى زمااان تويوتا مكنش اهبل وتويوتا اهيه بنحلف بيها وباسعارها ال اشترى هوندا مكنش ناقص وعى ما هى دى اليابانى ال لما نزل كانت الناس بتقووول لا يابانى يع كان فى امريكى و اوروبى ده لغاية النهارده اليابانى ال بيقول انا يابانى وكراسى كهرباء عندهم تعتبر كماليات خياليه ومواصفات عظيمه شيفروليه كابريس عملاها من التمانينات وبونتياك الكورى ال اتشتم واتقااال كورى لا يابانى هو الاصلى اهو دلوقتى بيتقال صينى لا كورى اه وبكره هيبئا مصرى لا صينى اه ده طبع فينا بس انا عايز اقول لحضرتك انى انا تقريباً 80% مقتنع بالعربيه دى وممكن ان شاء الله نجيبها هنا فى البيت فى الحجز القادم ان شاء الله وفى الاخر ده لا يعتبر جهل او قلة وعى او هبل يا باشا دى ازواق ولولا اختلافها لبارة السلع ولا انت ايه رأيك لو الصين حست ان هى خسرت فى اول نوع طلعته مكن بئا فى سبيرانزا وبى واى دى وجيلى وزوتى و اس ام ايه و هايما .... الخ
وبس.....
اظن حضرتك فهمت قصدى

اعذرنى انا بس مستاء من قلة الجوده فى الخامات الداخليه فما بالك بتفاصيل التفاصيل الصغيره داخل كل مكونات العربيه من اعماقها ... اكيد على نفس المنهج وهو ردائة الخامه وفى الاخر هو خداع مقنع بقناع الكماليات الكتيره


اما بخصوص اليابانى على فكره السمعه السيئه عن اليابانى كانت فى اواخر الستينات وكل السبعينات وبعد كده انطلقو لعالم الجوده والاعتماديه والعمر الطويل يعنى بقالهم اكتر من 30 سنه الناس بتشهد ليهم بلجوده فى كل شىء يتم تصنيعه لديهم


يعنى لسه المشوار طويله حبتين مع العربيات الصينى بلتحديد وبلاش ندخل المنتجات الاخرى فى المقارنه