تقرير جميل واعتقد ان العربية دي هتحقق نجاح كبير في مصر
عرض للطباعة
تقرير جميل واعتقد ان العربية دي هتحقق نجاح كبير في مصر
تقريباً العربيتين دول كان منزلهم غبور من فترة طويلة .. علشان يعمل عليهم تست درايف (للتوكيل وليس للعملاء) .
لولا اختلاف الأذواق لبارت السلع
جزاك الله خيرا معلومات قيمة ومفيدة
يجماعة انا كلمت غبور من حوالي نص ساعة العربية سعرها رفع رسمي في معرض غبور ل 79400 ومع احتمالية الزيادة والنقصان يرجع لسعر الدولار والاستلام هيكون في ابريل لو حجزت دلوقت واحتمال وقتها يكون فيه مقدرة انها تنزل زجاج فامية خلفي
انا نزلت التوكيل امبارح وشوفت العربية على الطبيعة
اولا المميزات
1- العربية واسعة جدا لدرجة غير متوقعة بالنسبة لواحد طويل ومليان زي حالاتي كده
2- العربية ليها رهبة جدا من الخارج وانت واقف جمبها كده قبل ما تركبها تحس انك واقف جمب مرسيدس
3- شنطة العربية واسعة جدا لدرجه اني ممكن انام مسترح جواها
4- طبعا امكانيات العربية الي الكل عارفها
ثانيا العيوب بقى او نقدر نقول المخاوف
1- التقفيل النهائي متوسط لو هنتكلم عن التقفيل الخارجي والدهان كان فيه اجزاء في الدهان تحديدا عند الشنطة تحس انها مش مدهونة او مقشرة
2- العربية كاتبين ان ارتفاعها عن الارض 16.7 سم مع ان لما تشوفها تحس انها مش بالارتفاع دا
3 - حوض العربية وتقفيل الماتور كان شوية مش اد كده يعني كانت دواير كهربائية الاسلاك فيها تحس انها مش مظبوطه من عند الدوايات وكمان فيه حاجه شوفتها ان الاسلاك ملفوف عليها شكرتون عادي كده ولزق زي الكهربائية الي في الشارع ودا خوفني جدا لان ممكن بسهولة مع السخونة او مية ممكن تعمل قفله في الدفيرة
5- الماتور منه للارض علطول وفكرني بعربيتي العزيزة ال 128 لما كنت امد ايدي في حوض العربية اجيب الي وقع مني في الارض ومفيش اي حاجه تحمي الماتور والفتيس لو حد لبس في بلاعة عاليه في العربية اكيد هيزعل جامد
6- سعر العربية بيستهبل اخر حاجه يعني بداية كانت 76 ومحدش تقريبا استلم على السعر دا وامبارح السعر كان 79400 وبعدين النهارده الصبح بقى 81500 واحب اقول رايحة بينا على فين يا امجراند بالاسعار دي
اسف لو طولت عليكم بشكل عام العربية مازات عجباني بس محتاج اراء الخبراء في انهم يردو على الاستفسارات دي
1- الماتور بالشكل دا هل فيه خوف منه ولا لا
2- التفنيش بتاع دفيرة الكهربا هل يتخاف منه ولا طبيعي
3- هل ارتفاع العربية دا كويس ولا هتحك كتير في المطبات مع العلم اني عندي مطبات غير عادية في البلد
يجماعة انا مستني الرد دا باسرع وقت منكم
ما شاء الله
موضوع شيق جدا جدا
ومجهود رااااائع
تقبل تحياتى
السلام عليكم
كنت شاركت فى الموضوع من فترة واعجبنى ارائكم وارجعتوتنى لزمن المناقشات الحامية بتاع مصر
اولا انا فموجود فى جدة
السيارة اللى معايا عربية الشركة والسيارة موديل 2012 فل كامل يعنى جنوط وفتحة العربية فى مجملها بصراحة احسن من الفيرنا والياريس وطبعا دة رائى المتواضع العربية حلوة فى الاول العربية الى معايا ماشية 38000 تقريبا ومع الشركة من شهر 7 الماضى يعنى انا المالك الاول السيارة بصراحة واسعة وحلوة بس انا لى ملاحظات عليها
1- السيارة صوتها عالى جدا
2- عزم السيارة تعبان يعنى متسعفكش فى الزحمة واللى معايا 1500
3- تقفيل العربية تعبان
4- العفشة ناشفة والعربية فى مطبات اهواء مش وحشة
5- العربية اقصى سرعة لها مهما كنت بتجمع على التيبترونك 150 بالعافية وبتبقى راكب الهواء
مميزاتها
1- البنزين بتشمه
2- واسعة بحر
3- سعرها هنا مناسب جدا
4 - الوكيل بتاعها حلو
5- لغاية دلوقتى اتخبطت مرة الشنطة ادمرت بس بوظت وش عربية دبابة
ولو فى اى اسئلة انا جاهز
أخوكم
محمد بازيد
مستحيل يكون ارتفاعها عن الارض 16.7 سنتى يعنى قدامها 3 ميللي وتبقى suv !!
Big difference between M grand and Speranza