استشارة طبية

**samehafez** · 10-07-2008 06:36 AM

يا ريت حد من الدكاترة يقدر يفيدني انا بقالي كذا يوم درجة حرارتي عالية مع صداع ...و بس مفيش اعراض تانية لا برد و لا زكام و لا مغص و لا اي حاجة ...
المشكلة انها مش عالية لدرجة الحمي يعني ممكن 38 39 ...انا بصراحة متعايش عادي و مش عارف دي حاجة خطيرة ولا ايه انا حاليا علي مركب في البحر و مش عارف اطلب نزول و لا استني و اداوم علي البارستامول و مسكنات ..........

**wild_man** · 10-07-2008 07:51 AM

هو انا مش طبيب ولا حاجة بس هنصحك لأن ده واجبي كأخ برضه

طالما الحرارة مازادتش عن 90 يبقا مفيش مشاكل, و ان شاء الله اول ما تنزل من المركب تراجع دورة التبريد كلها و باذن الله خير, و ألف سلامة عليك

اوعا تزعل مني انا بهزر معاك

**samehafez** · 10-07-2008 07:54 AM

طالما الحرارة مازادتش عن 90 يبقا مفيش مشاكل, و ان شاء الله اول ما تنزل من المركب تراجع دورة التبريد كلها و باذن الله خير, و ألف سلامة عليك

جامدة هيهيهيهيه .....انا اساسا عاوز عمرة كاملة .....

**wild_man** · 10-07-2008 08:03 AM

المشاركة الأصلية كتبت بواسطة samehafez

جامدة هيهيهيهيه .....انا اساسا عاوز عمرة كاملة .....

يا باشا ألف سلامه عليك من العمرة... انتا بس اهتم بالصيانة الدورية و غيار الزيت في المواعيد

**Chicco** · 10-07-2008 05:52 PM

ألف سلامة عليك يا باشا
أخبارك إيه دلوقتي
لو مفيش أي أعراض تانية مع الحرارة و بعد أستبعاد احتمالية انها تكون ضربة شمس أو "حر" لازم تعمل شوية تحاليل نطمن

**samehafez** · 11-07-2008 04:36 AM

المشكلة .... انها مش حمي جامدة .... اللي هي تخللي الواحد يرقد
و بالنسبة لضربة الشمس او الحرارة ...فانا اساسا بقالي شهر مشفتش الشمس و شغلي كله بالليل ده غير اني مبطلعشي من التكييف الا عشان اشرب سيجارة مثلا او اعدي من مكان لمكان
و القصة كالتالي او يوم : ارتفاع تدريجي في درجة الحرارة ...
تاني يوم : صاحي مصدع و درجة الحرارة 40 ...مخفضات حرارة و مسكنات
نزلت الحرارة
تالت يوم :بحس اني مصدع و الاقي درجة الحرارة 39 38
و هكذاا رابع يوم و حتي الان و طبعا شغال باراستيمول و بانادول و عايش
بس فيه اسباب لارتفاع درجة الحرارة غير العدوي او الالتهابات
يعني موضوع ضربة الحرارة مستبعد ...ممكن العكس ... عشان قاعد في مكان مكيف علي طول ..... طيب الناس اللي بتعيش في بلاد برد بيعملوا ايه ....مش فاهم ...بس بالتاكيد فيه سبب

**Chicco** · 11-07-2008 05:11 AM

في أسباب كتير قوي يا باشا منها ما هو معروف و منها ما هو غير معروف .....لازم شوية فحوص و تحاليل أول ما ترجع من البحر إن شاء الله بس ما تطولش
سؤال على الماشي ...التكييف اللي أنت قاعد فيه ده أخر مرة حد غيرله فلتر كان امتى

**Dr Ahmed** · 11-07-2008 10:59 AM

بص يا أخى
لازم تأخذ الموضوع مأخذ الجد

أنظر رسالتى لك على الخاص

**magomago** · 11-07-2008 09:56 PM

الف سلامة عليك مقدما ..وإن شاء الله تكون بخير
ممكن تكون الحراراة مصدرها البطن ( التهاب فى القولون او عفونة فى الامعاء )
اللى ممكن تعملة انك تاخد مطهرات معويه زى الانتينال وتصوم عن الاكل ( وخصوصا المعلبات اللى فيها منتجات اللحوم ) لمدة ثلاثة ايام وتاخد حاجة لالتهاب القولون زى سبازمو كانيولاز
ورنا يشفيك
وطمنا دايما عليك