الموضوع: إعرف قوة سيارتك الحقيقية .. تنظيم أول داينو داى Dyno Day على نايل موتورز

السلام عليكم ورحمة الله وبركاته

اصدقائى الشيفرولاويه أخباركم إيه :)

دعوة لكل واحد عايز يعرف قدرة عربيته الحقيقة سواء كانت معدلة او ستوك فى اول داينو داى رسمى من نايل موتورز وفى عرض وخصومات يوم الجمعه القادم 9/11 ان شاء الله

التفاصيل كلها فى اللينك دا

http://www.nilemotors.net/Nile/316087-dyno-day.html

واللى ميعرفش الداينو فهو جهاز بيقيس قوة العربيه نفسها مش الموتور فقط

بمعنى , ان كل الشركات بتعلن قوة العربيات بقوة الموتور اللى فيها , عشان كدا تلاحظ ان ممكن كذا عربيه باحجام ومواصفات وفتيسات مختلفه وكلهم بنفس القوة زى عربيات فولكسفاجن مثلا او كيا وغيرهم

الداينو بيقيس الهورس باور والعزم اللى طالع من العجل Wheel , من اهم العوامل المؤثره هو نظام الدفع امامى ولا خلفى ولا رباعى , الفتيس مانيوال ولا اوتوماتيك والاوتوماتيك عادى بمحول عزم ولا دوال كلتش ولا CVT ولا semi auto , دا غير طبعا حالة الموتور والبنزين والبوجيهات والفلاتر او لو فى اى تعديلات

دى صورة لعربيه سيفيك على الداينو من نفس المكان اللى هايتنظم فيه الموضوع ان شاء الله TPS Garage فى الحرفيين





ومن التجارب اللى حصلت هناك برضه دى عربية زميلى وصديقى العزيز abou-yahia اوبترا اوتوماتيك 2007 عمل تجربة الداينو فى يناير اللى فات ودى النتائج







ودا بعد اضافتى عشان اعرف اعلى عزم طلع امتى :) مكتوب بالاخضر







التعديلات : فلتر هوا KN - بوجيهات بلاتينيوم - الكيلو متر فى حدود 100 الف كم

اعلى هورس باور 89 من اصل 107 بنسبة فقد 16.8 % والعزم 134 نيوتن من 150 بنسبة فقد 10.6 %


فى انتظار اللى يحب يجرب :)