الموضوع: الحقووني يا رجالة الرخصة أتسحبت بسبب الفاميه

المشاركة الأصلية كتبت بواسطة micho_881

معلش أنا أسفة يعني أعذرني في الكلمة دي
بصراحة تستاااااهل يعني (أنا اسفة والله مش قصدي شماتة ولا حاجة) بس علشان الفيميه ده مؤذي لأن اللي سايق بيبقي مش شايف حاجة منه
نصيحة متحطهوش تاني وماتزعلش من صراحتي

معلش انا اسف حضرتك كده عممتي يعني لو الفيميه وحش طب ما نشيله من كل العربيات الجديده اللي جايه بيه و كانت زمان بتيجي في الهاي لاين بس دلوقتي قدامي في المعرض حتي اللانوس بقي فيها فيميه اوريجنال ،،،، انا ببقي مسافر و الاقي حد ربنا يباركله رازع عالي في ضهري يعميني ما ابقاش شايف قدامي الفيميه بيخفف حدية النور دي اتحملها شويه لما اقف في اشاره و الاقي حد سخيف بيبص علي اللي معايا في العربيه !! الفيميه بيمنع التطفل ،، في ايام الصيف الشديد في عز الضهر في طريق شبه صحراء او حتي في قلب البلد عادي الشمس بتبقي جحيييم لا تكييف نافع و لا الهوا و مفيش شويه اخد ضربة شمس محترمه تهد الواحد في البيت الفيميه يتقفل يطفي حدية الشمس و ساعتها التكييف بيبتدي يظهر لما يبقي من قوة الشمس حتي السماعات في الطابلوه بتبوظ و مجرد طبقة الفيميه تحميها ،،،،، انا معاكي في ان في ناس بتتمادي في الفيميه ميبقاش شايف منه خالص و طبعا مفيش حد فينا مركبه زجاج علشان معرضين نشيله في اي وقت ،،،، لو المرور من بكره سمح بتركيب فيميه زجاج و يدخل فحص يشوف مدي سلامته والله من بكره اروح اركبه و كمان هجيبه من التوكيل اوريجنال و طبعا هقف ضد اي حد يركبه استيكر ساعتها

المشاركة الأصلية كتبت بواسطة ahmed salamaa

اما تبقا اعد في السيدة زينب و طالع من شارع زين العابدين هتعرف يعني اية الناس ازاي عنيها جوة العربية و انا مش مفيم الضهر علي فكرة

انا فعلا عملت حساب الموضوع ده خصوصا اني بعاني منه علشاان كده خليت فيميه الزجاج الخلفي اخف درجه مجرد بس انه يشتت اي ضوء قوي في ضهري و يخفف من اشعة الشمس علي السماعات انما عادي اللي ورايا شايف اللي قدامي زيي ،،،، و تقلت شويه بقي الزجاج الجانبي لان هو ده بقي مصدر التطفل و الازعاج و كمان الشمس :)

المشاركة الأصلية كتبت بواسطة Ahmed salamaa

الرخصة اتسحبت بسبب الفاميه و مش عارف اتصرف ازاي حد يفدني اعمل اية و لا اية الغرامة وهل الموضوع بسيط ولا هدوووووووخ

طب حضرتك محاولتش تقوله اشيل الفيميه و انت واقف
او تدفع تصالح فوري ال ١٥٠ جنيه ليه ؟ ولا رخم و قالك مش معايا دفاتر الفوري

عموما كده بقي حضرتك هتشيل الفيميه و تروح فحص و تدفع المخالفه *٢ يعني هتدفع حوالي ٣٠٠ جنيه غرامه و تاخد رخصك و تمشي بس خلي بالك الوصل اللي معاك ده ليه فترت صلاحيه محدده تقريبا شهر بعدها هتبقي ماشي من غير رخص ولا وصل حتي

المشاركة الأصلية كتبت بواسطة semi

طيب انت خليته يسحب رخصك ليه معملتش تصالح ليه في وقتها
شكلك عملت الصح مع الظابط :)
من بعد الثورة كمان بيخليك تقف على جنب وتشيله وتمشي
لكن المفترض انك تدفع غرامة وتشيله قبل ما تمشي
انما لو رفضت تدفع مثلا او كان معكش قيمة الغرامة بيسحب الرخص
وبتدخل فحص عشان يتأكدوا انك شلت الفاميه

وعلى فكرة يارجالة محدش يحط فاميه خالص خفيف او تقيل
لو دخلت لجنه مش هيسيبك تعدي به
وساعات بشوف اللجان معمولة اصلا عشان بتوع الفاميه

المشاركة الأصلية كتبت بواسطة hugan

انا مفيم اول درجه وجددت الترخيص عادي
اول درجه مفيش حد بيعلق عليه الا لو كان ضابط رخم

مفيهاش لا اول درجه ولا اخر درجه الكماين بقت بتقفش في كله

انا وقفت في كامين في المعادي وكان هيسحب الرخصه عشان الفاميه
قولتله طيب هشيله دلوقتي قالي ماشي شيله وتعالي خد الرخصه
ركنت علي جامب شيلت الفاميه وكنت هشيل الاستيكرز بس قولت اشوف هيتكلم عليها الاول ولا لأ
لقيته اداني الرخصه بعد ما شيلت الفاميه ومشيت

المشاركة الأصلية كتبت بواسطة ahmed salamaa

مرديش عمال اقولة اشيلو دلوقتي واقف عمال يضحك و يكتب في المخالفة و ناس تانية بردو تتحايل علية ولا هو هنا و يضحك مع الامين و يبصلي الصراحة اتخنقت قولتلو انا عندي محاضرة و متاخر شوف هتعمل اية بقي بدل الوقفة الحلوة دية ربنا ياخدهم جيبلي 50% و اعد يتنطط علي خلق ربنا

بس انت مسألتهوش علي التصالح الفوري ؟

انا ناوي اسأل ان شاء الله علي الموضوع ده ينفع يجي الضابط يقولي نسيته ولا مش مسموح علشان لو قالي نسيته و من حقي اني اتصالح فوري هخليه يبعت معايا عسكري ولا حاجه لاقرب حته اعمل فيها تصالح فوري