الرخصة اتسحبت بسبب الفاميه و مش عارف اتصرف ازاي حد يفدني اعمل اية و لا اية الغرامة وهل الموضوع بسيط ولا هدوووووووخ
تم تعديل العنوان
الرجاء إختيار عنوان يعبر عن المحتوى
م ع 3
عرض للطباعة
الرخصة اتسحبت بسبب الفاميه و مش عارف اتصرف ازاي حد يفدني اعمل اية و لا اية الغرامة وهل الموضوع بسيط ولا هدوووووووخ
تم تعديل العنوان
الرجاء إختيار عنوان يعبر عن المحتوى
م ع 3
هتشيل الفاميه وتفحص تانى وتقريبا بتدفع مخالفه
معلش أنا أسفة يعني أعذرني في الكلمة دي
بصراحة تستاااااهل يعني (أنا اسفة والله مش قصدي شماتة ولا حاجة) بس علشان الفيميه ده مؤذي لأن اللي سايق بيبقي مش شايف حاجة منه
نصيحة متحطهوش تاني وماتزعلش من صراحتي
بسيطه
هتشيله وتعمل فحص
وتدفع مخالفه
وتستلم الرخصه
وتفيم تانى :fun_10_9_134[1]:
طيب انت خليته يسحب رخصك ليه معملتش تصالح ليه في وقتها
شكلك عملت الصح مع الظابط :)
من بعد الثورة كمان بيخليك تقف على جنب وتشيله وتمشي
لكن المفترض انك تدفع غرامة وتشيله قبل ما تمشي
انما لو رفضت تدفع مثلا او كان معكش قيمة الغرامة بيسحب الرخص
وبتدخل فحص عشان يتأكدوا انك شلت الفاميه
وعلى فكرة يارجالة محدش يحط فاميه خالص خفيف او تقيل
لو دخلت لجنه مش هيسيبك تعدي به
وساعات بشوف اللجان معمولة اصلا عشان بتوع الفاميه
انا مفيم اول درجه وجددت الترخيص عادي
اول درجه مفيش حد بيعلق عليه الا لو كان ضابط رخم
الامين اللي وقفني اصلا و شكله كان عايز فلوس وانا كنت صاحي بدري او منمتش اصلا و عندي محاضرة و الاكادمية في التجمع الخامس و مش شايف اداااااامي و مخنوق من نفسي اصلا و دة وقفلي ربع ساعة يبصلي في الرخص و علي العربية و قالي اركنلي عشان الفامية و معا اني ماشي سنة بييييية و قال الظابط اكتبلة زجاج عاكس
طب يا جدعان ادفع كام في الليلة دية
المشكله مش فيك المشكله فى الناس اللى وراك من حقها تشوف الطريق قدامك من زجاجك لانه لاقدر الله انت ممكن تتفادى حد بيعدى واللى وراك مش شايفه ويروح خابطه..ساعتها هتقول قدام ربنا انى مليش دعوه واللى ورايا هو السبب؟؟اقتباس:
لا و لا يهمك بس انا كنت شايف منه و بعدين للخصوصية اما بركب عربية تانية بحس ان الشارع كلة اعد معايا
كلنا لينا اخوات وامهات وخاطبين وبيركبوا العربيه معانا ومش مفيمين عربياتنا ومبنقولش خصوصيه
معلش انا اسف حضرتك كده عممتي يعني لو الفيميه وحش طب ما نشيله من كل العربيات الجديده اللي جايه بيه و كانت زمان بتيجي في الهاي لاين بس دلوقتي قدامي في المعرض حتي اللانوس بقي فيها فيميه اوريجنال ،،،، انا ببقي مسافر و الاقي حد ربنا يباركله رازع عالي في ضهري يعميني ما ابقاش شايف قدامي الفيميه بيخفف حدية النور دي اتحملها شويه لما اقف في اشاره و الاقي حد سخيف بيبص علي اللي معايا في العربيه !! الفيميه بيمنع التطفل ،، في ايام الصيف الشديد في عز الضهر في طريق شبه صحراء او حتي في قلب البلد عادي الشمس بتبقي جحيييم لا تكييف نافع و لا الهوا و مفيش شويه اخد ضربة شمس محترمه تهد الواحد في البيت الفيميه يتقفل يطفي حدية الشمس و ساعتها التكييف بيبتدي يظهر لما يبقي من قوة الشمس حتي السماعات في الطابلوه بتبوظ و مجرد طبقة الفيميه تحميها ،،،،، انا معاكي في ان في ناس بتتمادي في الفيميه ميبقاش شايف منه خالص و طبعا مفيش حد فينا مركبه زجاج علشان معرضين نشيله في اي وقت ،،،، لو المرور من بكره سمح بتركيب فيميه زجاج و يدخل فحص يشوف مدي سلامته والله من بكره اروح اركبه و كمان هجيبه من التوكيل اوريجنال و طبعا هقف ضد اي حد يركبه استيكر ساعتها
انا فعلا عملت حساب الموضوع ده خصوصا اني بعاني منه علشاان كده خليت فيميه الزجاج الخلفي اخف درجه مجرد بس انه يشتت اي ضوء قوي في ضهري و يخفف من اشعة الشمس علي السماعات انما عادي اللي ورايا شايف اللي قدامي زيي ،،،، و تقلت شويه بقي الزجاج الجانبي لان هو ده بقي مصدر التطفل و الازعاج و كمان الشمس :)
طب حضرتك محاولتش تقوله اشيل الفيميه و انت واقف
او تدفع تصالح فوري ال ١٥٠ جنيه ليه ؟ ولا رخم و قالك مش معايا دفاتر الفوري :no2:
عموما كده بقي حضرتك هتشيل الفيميه و تروح فحص و تدفع المخالفه *٢ يعني هتدفع حوالي ٣٠٠ جنيه غرامه و تاخد رخصك و تمشي بس خلي بالك الوصل اللي معاك ده ليه فترت صلاحيه محدده تقريبا شهر بعدها هتبقي ماشي من غير رخص ولا وصل حتي
مرديش عمال اقولة اشيلو دلوقتي واقف عمال يضحك و يكتب في المخالفة و ناس تانية بردو تتحايل علية ولا هو هنا و يضحك مع الامين و يبصلي الصراحة اتخنقت قولتلو انا عندي محاضرة و متاخر شوف هتعمل اية بقي بدل الوقفة الحلوة دية ربنا ياخدهم جيبلي 50% و اعد يتنطط علي خلق ربنا
انا فى شبرا برضه وحته شعبيه ونفس اللى بيحصلك بيحصلى بالظبط وبتخنق وبضايق جدا..بس بالنسيالى ده عمره ماكان مبرراقتباس:
اما تبقا اعد في السيدة زينب و طالع من شارع زين العابدين هتعرف يعني اية الناس ازاي عنيها جوة العربية و انا مش مفيم الضهر علي فكرة
عموما متأسف لو كلامى زعلك..
انا وقفت في كامين في المعادي وكان هيسحب الرخصه عشان الفاميه
قولتله طيب هشيله دلوقتي قالي ماشي شيله وتعالي خد الرخصه
ركنت علي جامب شيلت الفاميه وكنت هشيل الاستيكرز بس قولت اشوف هيتكلم عليها الاول ولا لأ
لقيته اداني الرخصه بعد ما شيلت الفاميه ومشيت
علي فكرة التصالح الفوري بـ 40 جنية ..
والكماين كتير الايام دي علي الفامية خصوصا يعني لو لقيت لجنة 95 % بدور علي فامية ..
مفيش حاجة اسمها تصالح فوري للفاميه ده الظابط بس بيمشيها كده ويكتب اي مخالفة تانية ب 50 جنيه مثلا ويكتفي انك تفك الفاميه يعني حسب الظابط في ظابط ملتزم انو ينزلك فحص وفي ظابط بيمشي الامور
والله انا اللي كنت اعرفه ١٥٠ ،،، بس الله اعلم ممكن برضه ،،،، انا قبل كده كمين وقفني و قالي الرخص جيت اطلع الرخص اكتشفت ان اخويا كان اخر مره ركب العربيه خد رخصتها معاه :hlopaet_prv: طلعتله توكيل باسمي خده و مشي راح يدور علي عربيات تاني في الاشاره واقفه اديت انتظار و فضلت مستنيه بكل برود في و سط الاشاره حتي لما فتحت لحد ما رجعلي تاني قولتله عايز التوكيل قالي مع الضابط في اول الاشاره روحتله قالي انا انت مش معاك رخصه فانا هاخد التوكيل لحد ما تروح تدفع مخالفه و تستلمه تاني قولتله طب و ليه ما لو حضرتك فاضي بقي انا كمان فاضي و خلينا قاعدين لحد ما اكلملك خويا يجيلك من التجمع لحد رابعه العدويه هنا يوريلك الرخصه :grinder: قالي طب و علي ايه كل ده ما انت ممكن تعمل تصالح فوري قولتله كام قالي ٥٠ جنيه و هديلك تصالح بمخالفة عدم اتباع قواعد المرور
ههههههههه عرفت انه بيصبح عليا و عايز فلوس علشان يسبني امشي علشان اصلا مفيش مخالفه اسمها كده اديتهومله و اداني ايصال بالمبلغ و عليه المخالفه الجهنميه دي و انا ماشي بيقولي طب ما تخليك اشرب معايا شاي :rokeyrulez:
انت لو فتحت بقك وعندت معاه ممكن يعمل فيك تقرير يبهدلك ساعت الفحص وتدفع مخالفة اكبر
احسن حاجة تتكلم مع الظابط بهدوء لو قالك حسحب الرخص قولو طب ممكن اشيل الفاميه وااخد الرخصة ومتحاولش تتحجج كتير يعني متقولش اصل عندي حساسية في عيني
اصل الغلط غلط وافضل حاجة ساعت الغلط الاعتراف بيه بس فيه ظباط معندهاش تفاهم سحب يعني سحب
طب الرخصة و سحبها هروح ادفع كام بقي عشان اخد الرخصة و انجز الموضوع دة و اية موضوع الفحص دة
هو انا عايز افهم موضوع ان الناس بتبص على العربية
ما الواحد قبل ما يركب العربية بيكون ماشى فى الشارع والناس شايفها بنفس الشكل
ولو كان بياكل فى العربية
برده بياكل فى مطاعم بنفس الشكل
ايه الفرق ؟؟؟؟؟؟؟؟؟؟
اشهر الاماكن بقي الي فيها تشديد علي الفاميية
1.اولها ميدان الجيزة الرائد مصطفي الراجل حفظني خلاص مرة ستاير ومرة فامية ههههههههه ( بيقف هناك كتير اوي )
2.الدقي ميدان المساحة قدام سمسمة كدا .. وانتا رايح ناحية البطل احمد وكدا
3.قدام حدايق الاهرام واول طريق الفيوم كانك طالع من الواحات ورايح علي الفيوم قبل اليوتيرن بتاع الرماية
الصراحة انا كذا مرة مش بدفع بس كنت دفع قبل كدا 40 للاسف :)