الموضوع: العربيه سخنت وحصل الاتى..

كنت ماشى بالعربيه صباحا وانا ماشى فجأة بالصدفه ببص على مؤشر الحراره لقيته وصل لأول العلامة الحمرا

ركنت ونزلت وفتحت الكبوت وقربه الميه لقيتها بطلع دخان ابيض كثيف وفاضيه تماما
فتحت غطاء الريداتير لقيت دخان ابيض كثيف جدا ومفيهوش ميه
هديت شويه لما العربيه بردت
شغلتها وزودت ميه فى القربه وفى الريداتير
ووانا بزود مية الريداتير لقيتها عماله تنطر لبره زى النافوره لغايه ممليت الريداتير وبقى عادى
والريداتير نازل منه ميه على الارض تحت العربيه وبصيت لقيت الريداتير هو سبب تسريب الميه
رغم انى فى العادى لو بزود ميه مبلاقيش تسريب لميه من الريداتير مش عارف ليه ده حصل؟؟
وكملت مشوارى للمنزل والحراره نزلت لتحت النص وبقت طبيعيه

روحت بصيت على الزيت لقيته عادى بنى مسود قليلا لانه متغير بقاله 1000 كيلو وهو توتال 3000 كيلو بس كان ناقص كام مللى عن الماكس
الميه بتنقص قبل حوار السخونه ده ولازم تتملى بالكامل كل 4 ايام تقريبا بس الميه بشوف فيها اجزاء صدأ ولونها مصفر بس مفيهاش زيت
والعربيه احيانا مؤشر الحراره بيعلى عن النص بكام مللى لما بحرق عليها جامد فى الجرى وبشم ريحة شياط
العادم شفاف ومفيش اى دخنه

نزلت بالعربيه باليل العربيه كويسه مفيهاش سخونه ولا اى حاجة

كده مؤشر لحاجة سيئة؟؟

اشكرك استاذى العزيز للرد