الموضوع: أنا مخنوق اوي يا جماعة

المشاركة الأصلية كتبت بواسطة magid1010

,و الله نصيحه لوجه الله فكك من الحوار ده خالص حتتعبك و دى اول تجربه ليك ما تعملش زى انا ما كنش ليا فى البنات فهما بيحبو يسيطرو بعد الجواز و مع العصبيه حتلاقى حياتك جحيم و بعدين المستوى الاجتماعى مهم جدا و التعليم برضه

المشاركة الأصلية كتبت بواسطة ninevision

لو متوصلتش لحل يبقا لازم تسيبها لانها هتحاول تسيطر بعد الجواز والحياة هتكون معكننة اوى طالما ده عادة العيلة العصبية

المشاركة الأصلية كتبت بواسطة hossam_elwani

وبقول تانى الطبع دايما بيغلب التطبع

تحياتى

المشاركة الأصلية كتبت بواسطة أحمد كوجار

أنا مريت بنفس تجربتك وأنا مغترب كمان، اللي بيحصل اني الكلام والابتسامات وكله بيروح بعد شهر من الجواز، وتفضل سحنتها ولا مؤاخذة تكرهك في حياتك، احذر النكدية لو حتى تفضل سنين، واختار على راحتك، ده العمر مش بعزقه برضه، وكفاية تعب الغربة، احنا ندور على اللي اتخفف علينا مش تزيد الطينه بله.

المشاركة الأصلية كتبت بواسطة samyyousef

النصيحة بفسخ الخطبة او الاستمرار فيها امر بالغ الخطورة
و لتعلم ان الزواج عقد يرتب التزامات
فالتصارحها بما يضيقك فأما أن تتجنبه ...او تتجنبها انت
و الامل في تغيير عيب ما - وقفت عليه اثناء الخطوبة- بعد الزواج فيه مخاطرة بالغة ..و الله أعلم

المشاركة الأصلية كتبت بواسطة eldell

بص هى العصبيه وحشه جداااااااااااااا وانت هتوصل لدرجه انك ممكن متقدرش تمسك نفسك فى رد الفعل لو انت شايف انك هتقدر تتعايش معاها بالعصبيه الى هى فيها وتمشى امورك يبقى كمل شايف انك قلقان حتى لو واااحد فى المئه من الموضوع ده يبقى كل وااحد يروح لحال سبيله

المشاركة الأصلية كتبت بواسطة bassemali

العن حاجه في الجواز ( غير باقي مشاكله ) الست العصبيه اللي عايزه كل شويه تطبطب عليها وتدلع عشان ماتأقفش عليك ... النهارده مافيش عيال ولا مسؤولية بيت ولا أسره وأنت مش قادر تستحمل عصبيتها ... أمال هتعمل أيه مع مشاكل الحياة اللي لسه جايه .... نصيحه من أخ متجوز ... سيبها وربنا يوفقك مع واحده تانيه تكون هادئة الطباع عشان تخفف عنك غربتك وقرف الشغل اللي مابيخلصش ... أنا كمان عايش ف السعوديه من 7 سنين ولسه متجوز السنه اللي فاتت .

الناس ديه جابتلك من الاخر
الطبع يغلب التطبع
واذا اتعدلت يومين هترجع تاني اكتر من الاول وهتبقي لبست في الحيط
لان بعد الزواج هتبقي متأكدة انك لن تستطيع الاستغناء عنها وخصوصا كمان بعد وجود اطفال
وساعتها هتبقي الفاس جت في الراس وهتندم في يوم لا ينفع فيه الندم
في حاجات كان صديق ليا بيقول زييك كده بعد الجواز هتتغير بس للاسف لم تتغير والا بالكلام او الخصام والمقاطعة ولمدة طويلةوالا بالخناق والا بالضرب حتي وساعتها هتبقي انت الي غلطان انك ضربتها وكله هيجي عليك انت وهينسو تماما بما فيهم هي انك حاولت بكل الطرق ولم تفلح
اسف يا صديقي اني اقولهالك وبصوت عالي اذا لم تتغير الان فلن ولم تتغير ابداااااااااااااااااااااا اااااا
انسي ذلك بل سوف تزيد من الموضوع معك لان ساعتها هتصبح متاكدة ان مهما كانت عيوبها فانت مش هتسيبها وانها ملكتك وانك ضعيف امامها
سيبها يرحمك الله فلن تتغير بعد الزواج اما ان تتغير الان والا فلا تكمل معها
اللهم بلغت اللهم فشهد
الي بقلهولك ده كله تجربة عشت معاها مع احد اصدقائي القريبين جدا وكان هو وهي بيحبو بعض من وهما في الجامعة والان هي تتحكم فيه كما تريد لدرجة انها بتحددله مواعيد النزول والعودة من والي المنزل لانه مع الوقت هو الي استسلم لها واصبحنا نتريق عليه من وراه وموضع شفقة منا بس خلاص عنده اصغر بناته 2 ابتدائي واكبرهم في اولي اعدادي وكان بيقول نفس كلامك علي فكرة وابوها وامها كانو بيقولو نفس الكلام وبيسايسوها
سيبها يرحمك الله فلن تتغير بعد الزواج اما ان تتغير الان والا فلا تكمل معها
اللهم بلغت اللهم فشهد

مشكلتك انك معرفتش بنات قبل كدا
فكر بهدوء
وصلى صلاه استخاره وربنا يقدم الى فيه الخير