انا بقى بشيل القطاش قبل ما اقفل العربية واكبر دماغى
عرض للطباعة
انا بقى بشيل القطاش قبل ما اقفل العربية واكبر دماغى
حصل معايا في السوناتا
تخيل عربية جديدة ماكملتش 20 الف سعة محرك 2000 سي سي
وبطارية قوية جدا تنام منك وتخيل فين ؟؟ عند سيتي ستارز مدينة نصر
تركت الانتظار لمدة لاتزيد عن ساعتين او ساعتين ونصف
نزلت لقيت العربية نايمة . موقف باييييييييييييييييييييييي يييييييييييييييخ جدا وفضيحة
المهم وقفت تاكسي وفكينا بطاريته وحطيتها في العربية ودورت الموتور
وشلتها وحطيت البطارية بتاعتي وانحلت المشكلة ولله الحمد
طبعا راضيت صاحب التاكسي بعشرين جينه ! مافيش حد اليومين دول يعمل حاجة لوجه الله
وماخدتش العملية كلها 10 دقايق على بعضهم
انا موصل زرار الانذار بتاع الكابوت على نور الصالون
والعربية راحت للميكانيكى طول النهار الكابوت مفتوح وطبعا نور الصالون منور
3 لمبات فى الصالون
وكانت مركونة قبلها يومين تلاته من غير شغل
استلمتها من الميكانيكى ببطارية ميته
فوراً روحت مفضى ميه النار اللى فيها
وحطيت ميه نار جديده
ورحت للكهربائى حطها على التونجر ساعتين تلاته
وسبحان من يحيى العظام وهى رميم
البطارية بقت احسن من الأول
وشغال بيها بقالى حوالى شهر وماشاء الله زى الفل