نسبة الربح المتوقعه من مشروعك

السلام عليكم ورحمة الله وبركاته

انا متابع قديم لموضوعات المنتدى المفيده وبصراحه ده المنتدى الوحيد اللى متابعه باستمرار


سؤالى الى اصحاب المشاريع والاستثمارات والى اصحاب الخبره


عن نسبة الربح اللى تتوقعها كام فى الميه من راس المال عشان تقول المشروع ناجح جدا؟؟

وكام فى الميه عشان تقول انها نسبه اقل من المتوسط ؟؟

وايه متوسط النسبه اللى معظم المشاريع بتحققها ومستمره عليها؟؟


لان الموضوع ده محيرنى جدا وخصوصا انا ربنا كرمنى الحمد لله وفتحت بيزنس خاص بيا

وطبعا كنت عامل دراسة جدوى والنسبه اللى انا متوقعها ونسبة المخاطره وكل شىء


بس كنت عايز اخد رايكم وخبراتكم لو حد ليه تجربه واقعيه اعتقد هيفيدنا كلنا

توضيح بسيط : ان سؤالى عن النسبه المئويه من راس المال كعائد شهرى او سنوى زى ما كل واحد شايف بالنسبه ليه

عشان عارف ان الموضوع بيختلف باختلاف حجم راس المال ونوعية المشروع

وشكرا ليكم على المنتدى الرائع ده

؟؟؟!!!!!

متابع ....

متابع وياريت لو فى افكار لمشاريع او تجارة

30-35% سنويا من اصل رأس المال

25-35% سنويا فى المتوسط
مع ان فى مشاريع بتحقق اكتر من 50%

الربح بيختلف من مشروع لاخر .
وبرضة حسب راس المال .
وحاجات تانية كتير .

نقدر نقول مبدئيا 10 % شهريا

اقتباس:

---

المشاركة الأصلية كتبت بواسطة hazoom2006

متابع وياريت لو فى افكار لمشاريع او تجارة

---

كنانة أونلاين - مشروعات صغيرة

[http://www.ibtesama.com/vb/showthread-t_25257.html] مشروعات صغيرة[/url]

بصوا يا جماعه كل واحد فينا نفسه يعمل مشروع ويكسب بسرعه
ولكن فى مشاكل وصعوبات بتواجهنا
لا زم المشروع يكون فى مكان حيوى
ويكون له دارسه جدوى كويسه
ويكون مشروع جديد وبيفهم فيه ويكون هو المدير ده بيخلى المشروع يكبر + اهتمامك بيه عكس اهتمام الغير بيه


واهم حاجه توفيق من ربنا
ياما ناس فتحت مشاريع وخصرت وناس تانيه فتحته وكسبت وعدت
النسبه المرضيه لراس مال 10الاف جنيه حوالى 500ج فى الشهر صافى يبقى كويس جدا

متشكر لاهتمامكم وردودكم المفيده

فى رايي وعلى حسب دراسات الجدوى االى شوفتها لكذا مشروع و اخترت منهم واحد فى مجالى عملى

رايي ان النسبه بتختلف باختلاف نوعية المشروع و حجم راس المال زى ما حد من الخوه تفضل وقال كده

فى ناس كمان بتحدد الربح من الخساره على حسب تحقق هدف معين من المشروع

مثلا لو عامل مشروع عشان يعيشك فى مستوى معين ويجيبلك دخل معين

او عشان تجيب عربيه من نوع معين او عشان تنقل من شقه لفيلا

وبتحقق هذا الهدف من عدمه بتحدد نجاح المشروع من خسارته

انا رايي كمان ان نسبة عشره فى الميه شهريا دى من اكبر النسب وبكده يبقى المشروع مربح بنسبه كبيره



فى انتظار آراء باقى الاعضاء واصحاب الاعمال الخاصه

بص يا سيدي الفاضل انا واحد مش تاجر انا طالب في بكاليروس هندسة وها افهمك الموضوع زي ما انا فاهمه تقريبا ! الموضوع ببساطة !! نسبة كل مشروع بتختلف حسب المجال يعني في مجال الأكل مثلا النسبة بتبقى عاليا مجال كذى بتبقى قليلة وهكذا ولكن لو وصلت نسبة الربح السنوي اقل من 8% يبقى انتا بتخسر مش بتكسب لأنك لو قليت عن النسبة دي يبقى كان احسن تحط الفلوس في بنك وتعيش من الفوائد ! لكن انتا بتشتغل وبتستثمر فالمفروض تجيلك نسبة اكتر من نسبة البنك لأنك اضفت عن البنك عرق ومجهود ووقت ! لكن اقل من 8% يبقى انتا خسرت في المشروع مكسبتش ! واضحة وسهلة اهي :)

من واقع علم دراسات الجدوى للمشاريع

- لو انت بتعمل دراسة جدوى لمشروع و لقيت ان نسبة الربح المتوقعة هتقل عن 25 - 30 % , يبقى المشروع ده خسران و متعملوش

- لأن النسبة لو قلت عن كده يبقى الموضوع مش مستاهل تعب و مجهود و مخاطرة , ساعتها هيكون استثمار فلوسك في البنك أفضل علشان مفيهوش مخاطرة

- فيه بعض الشهادات الاستثمارية في البنوك ( بنوك اسلامية لو بتتحرى الموضوع ده ) بتدي نسبة 13.5 % للشهادات الخماسية على ما اتذكر و 15.5% على الشهادات السباعية

اقتباس:

---

المشاركة الأصلية كتبت بواسطة sayed911

بص يا سيدي الفاضل انا واحد مش تاجر انا طالب في بكاليروس هندسة وها افهمك الموضوع زي ما انا فاهمه تقريبا ! الموضوع ببساطة !! نسبة كل مشروع بتختلف حسب المجال يعني في مجال الأكل مثلا النسبة بتبقى عاليا مجال كذى بتبقى قليلة وهكذا ولكن لو وصلت نسبة الربح السنوي اقل من 8% يبقى انتا بتخسر مش بتكسب لأنك لو قليت عن النسبة دي يبقى كان احسن تحط الفلوس في بنك وتعيش من الفوائد ! لكن انتا بتشتغل وبتستثمر فالمفروض تجيلك نسبة اكتر من نسبة البنك لأنك اضفت عن البنك عرق ومجهود ووقت ! لكن اقل من 8% يبقى انتا خسرت في المشروع مكسبتش ! واضحة وسهلة اهي :)

---

انا مثلا مشروعى بيحقق بفضل الله 15%


لكن مش شرط الى حضرتك بتقوله لان راس المال دوار ولكن البنك لازم اجمالى راس مالك خلال السنه يكون من البدايه للنهايه فى البنك بعنى المقارنه مش صحيحه