الي اعرفه و الي سمعت عنه ان العربيات الاوروبي كل سنه المفروض سعرها بينزل عشان اتفاقية الجات , الي ملاحظه العكس سعرها بيزيد , ليه كدا ؟؟؟
الي اعرفه و الي سمعت عنه ان العربيات الاوروبي كل سنه المفروض سعرها بينزل عشان اتفاقية الجات , الي ملاحظه العكس سعرها بيزيد , ليه كدا ؟؟؟
عشان اللى بيتشال من هنا الوكيل بيزوده فى السعر من هنا :)
المفروض من بداية 2010 الجمرك على العربيات ذات المنشأ الاوروبى اقل من 1600 ينزل 10 % من قيمة الجمرك اللى هو 40 % من تمن العربيه
غير الجمرك فى ضريبة مبيعات 15 % ورسوم تنمية 3 % دول مفيش عليهم تخفيض
ربنا يسهل ادينا داخلين على يناير 2013 والمفروض الجمرك يبقى 24 % بدل 40 %
وفى 2019 وعلينا خير الجمرك يبقى صفر
ربنا يسهل فيناير وحاجة تتغير !!
مظنش الاسعار هتتغير و الحجة واحدة سعر الدولار بيعلى و نسبة التخفيض قليلة
بس انا عايز اقول حاجة برضه
لو بصينا على السوق دلوقتى هنلاقيه غير زمان
الفجوة بين الاوروبى و اليابانى و الكورى بقت قليلة فى السعر عكس زمان كان الاوروبى فى فئة سعرية لوحده
بس طبعا دا ميمنعش ان التوكيلات بتستهبل فعلا
هههههههههههه
بإختصار علشان ديه مصر
واحنا مصريين
من امتى فيه حاجه بتنزل
قول يارب الأسعار تفضل زى ما هيه ومتعلاش
يعني عربيتي هتبقي ببلاش وتتحول تاكسي ولا ايه. ... وماله خلي الناس تهيص وتنبسط
انه جشع المصريين يا باشا
وعلى رأى الرجل ده
http://img11.imageshack.us/img11/8264/023554.jpg
ليـــــــــــــــــــــــ ــــــــــــــــــــــه كده
سيارة سكودا فانتازيا سبورت 2012 الموزع بيعها ب 189000 بعد الفصال علشان كاش ..فاتورة الشراء اللي داخلة ملفها في المرور ب 167000 ...التوكيل نفسه بيبعها ب 192000 نفهم من كده ايه اللى بيتشال من هنا الوكيل بيزوده فى السعر من هنا
عشان ببساطة التخفيض ده بيخش جيب التوكيلات بحجة الدولار والكلام الفاضي اللي بيقولوه
بس لما الجمارك تتشال خالص ,غصب عنهم هيرخصوا
عشان ساعتها الناس ممكن تنزل عربيات من بره عادي عكس دلوقتي
هو طبعاً مفيش شك أن التوكيلات بتستهبل بس اعتقد الفرق بيبقى جزء للتوكيل و جزء بسبب فرق سعر العملة.
فرق سعر الدولار أو اليورو مقارنة بالجنيه من 2010 لدلوقتي كام فى المية.........حد عارف علشان نشوف مدى السرقة ؟ :)
منذ متي اي منتج في مصر بيرخص؟ في ذروه الازمه الاقتصاديه العالميه و شركات السيارات بتفلس و مبيعات السيارات في مصر بتزيد
ممكن بسبب طمع التوكيلات انما الاكيد بسبب ضعف الجنيه الجنيه بيضعف بشكل مستمر حتى من قبل الثورة و قيمته الشرائية بتقل يمكن قبل الثورة سنة عن سنة دلوقتى التسارع زاد الجنيه فى 2010 غير فى 2009 غير 2012
شكرا للاعضاء المحترمين .... متابع باهتمام