الحمد لله..أخيرا جبت الياريس من عند الأستاذ خالد
سلام عليكم ياشباب....
الحمد لله ربنا كرمني واشتريت الياريس الكامله مانيوال من عند الموزع المحترم الأستاذ خالد عند مستشفى التوفيقية في مدينة نصر..
جبتها اللون الفيراني فرش داخلي بيج والتابلوه لونين بيج في اسود..
جيت بيها من القاهرة للسويس على سرعة 90-110 والأر بي ام مازادش عن 3 والتكييف كان شغال (معلش يا شاركي انت وحازم!!) :)
ماشاء الله العربية ناعمه جدا وسحبها ممتاز وتكييفها تلااااااجة!!
العربية لما استلمتها كانت عامله 70 كيلو (كتير) بس لما سألتو قاللي ان العربية جت وراحت المخزن مرتين (مدينة العبور)..مش مهم
العربية من جوه تقفيلها ممتاز بس لسه هحكم عليها أكتر لما أفلليها!!!
فولت ينزين 90 (نصيحة الاستاذ خالد) على أول طريق السويس وفولت تاني أول ما دخلت السويس.. المسافة 115 كيلو أخدت 7.5 لتر بمعدل استهلاك 6.5 لتر لكل 100 كيلو (310 كيلو في الصفيحة)
ورق العربية هستلمو يوم السبت ان شاء الله وهرخص الأحد ان شاء الله
ان شاء الله هصور العربية وارفعها على المنتدى....
شكرا لكم جميعا للمساعده في اي سؤال...
شكرا هيرو
شكرا سعداوي
شكرا شاركي على مواضيعك المميزة
شكرااااا حازم خضر على الإستجابة الرائعة للمكالمة التليفونية....
اللهم اعطيني خيرها وخير ما فيها واجنبني شرها وشر ما فيها
باركولي وادعولي.............
مهندس / تامر (أبو حبيبة)
