الموضوع: سيارات استيراد باسعار غريبة وسؤال مهم للاوبلاوية

الجمارك نااااااار ياريس
وعلى حد علمي ان العربية اللي تنزلها لازم تكون موديل السنة او اقل سنتين
ولو موديل قديم لازم تكون المالك الاول ليها

وبعد كل ده تمن العربية هنا كام ؟ الجمارك هاتحاسبك على تمنها هنا مش تمنها هناك

الصراحة مادخلتش على الموقع ولا بصيت حتى على سعره
لكن اللي اعرفه ان الموقع يقول اللي هوعايزه ، يعني من الاخر الكلام مش بفلوس
الكلام اللي بفلوس هو انك تنفذ ، ساعتها بقى هاتلاقي جهة تانية بتتكلم معاك وهي الجمارك واللي هاتقول كذا يعني كذا ، دا غير اللي هاتدفعه هنا وهناك عشان تخلص المصلحة بتاعتك

اخبار السيارت في عدد الجمعة السابق (الجمعة اللي قبل اللي قبل اللي قبل اللي قبل اللي فاتت تقريبا ) كان فيه اسئلة عن سعر جمارك بعض السيارات ( ناس بتسأل ومسئول جمارك بيجاوب) مش فاكر الارقام بالظبط لكن فاكر امثلة وهي ان عربية سعرها هنا 100 الف جنيه ، جمركها كان اقل حاجة 70 الف ، هو مالوش فيه صاحبها جابها بكام هو كان بيجاوب على حسب سعرها هنا في مصر وحجم السعة اللترية عشان يحسب الفئة الجمركية بتاعتها
مثال
عربية سيراتو 2013 1.6cc ، تمنها في مصر 126 الف
ديه هاتدخل في الفئة الجمركية 40% و15% ضرائب و مش عارف كام رسوم شوية استهبال
يبقى 40% * 126 = 50400 + 15% * 126 = 18900 = 69300 جنيه دا غير شامل رسوم الاستهبال واللي هي ممكن تعملك 10 الاف كمان يعني الحوار مش هايقل عن 80 الف جنيه

مهو انتا يا باشا بتدفع تمن العربيه 3 مرات فى مصر حاجه معروفه زى الشمس الجمارك و الضرايب و التوكيل و الوكيل و المعرض و التامين و هلمه جرة ... انتا لو بتتكلم على عربيه تجبها قطع غيار تمام ممكن العربيه انتا بتشتريها كامله و بتتقطع هناك و بتنزلك شحن على انها قطع غيار وركب منها اللى انتا عايزو و ممكن اى تاجر يجبلك العربيه دى من الناس اللى بيسافرو مهو العربيات المتقطعه اللى فى الحرفيين كدة